Godt Nytt År !

 På årets siste dag vil eg

 TAKKE
 mine bloggvenner

og alle andre som er innom og les bloggen min.

Det er inspirerande og gledeleg

å ha besøk av dykk.

 Tusen takk !

Med bilde frå inngangen til hytta vår

vil eg ynskje alle eit

Godt Nytt År !

Å vere fire år i jula

Teksta i songen av Alf Prøysen om å 

"vere fire år i romjul`n"

passa ikkje heilt,

men den kom for meg når eg får oppleve

forventningane og gleda

fireåringen vår

viser.

Ella Victoria fylte fire år i november,

ho har alle sine juleminner frå hytta

 her me i år feirar for sjuande år på rad.

Julaftan sysla ho tolmodig med sitt mens

ho venta på julekveldens

høgdepunkt,

opninga av gåver.

Ella Victoria ser tankefullt på

haugen av pakkar.

Systrene Celina Marie 14 år og Leah Sofie 9 år

har ansvar for lesing av lappar og 

utdeling.

Det vart julesnø og aktivitetar ute andre juledag.

Aketur med mamma er 

kjempekjekt.

Ella Victoria fekk mykje fint i julegåve,

deriblant mange leiker som

ho kosar seg med.

I år utveksla dei to sønene våre med familie og

oss besteforeldra mange

alternative gåver.

Det vart sendt pengegåver til 

AMNESTY og UNICEF

til ulike formål,

 og lagt vekt på at borna vart innvia i

kor viktig det er å 

hjelpe andre som ikkje har det så godt som oss.

Eg ynskjer alle framleis god jul og romjulsdagar.

Her har me sikra møblar o.a.

for å møte "Urd" som er på veg.

Strikka julekuler

Når jula kjem er det fint å pynte 

både ute og inne.

Dei fine strikka

julekulene eg har fått

av slekt og venner

blir hengt opp i glaset

Eg er så glad i dei flotte julekulene.
Dei er kanskje strikka etter 
oppskrifter av Arne og Carlos.


Eg ynskjer alle ei god og fredeleg jul !

Juleklokkestrengen

 Mor mi broderte klokkestrengen for

 mange år sidan.

Julebodskapen

Julerose med grønt

Juleklokkestrengen kan gi kjensle av jul innandørs
for utandørs får ein det slett ikkje..

I dag 19 desember gjekk eg førmiddagsturen min i
 14 grader.
Det var nesten så eg kasta jakka.

Havregrynskaker med sjokolade utan egg

Barnebarnet vårt Hans-Petter er

 allergisk mot egg.
Eg har mange oppskrifter,
men i år fann eg ut at eg
ville prøve å lage ei 
ny oppskrift.

(eg tok eit utgangspunkt i ei oppskrift

på Amerikaker)

Småkaker passa på det
gamle arva fatet i Figgjo Flint

Havregrynskaker med sjokolade

utan egg

125 gr margarin

175 gr sukker 

rørast kvitt

tilsett 4 ss kremfløyte

180 gr kveitemjøl

2 ts bakepulver

1 ts vaniljesukker

1/2 ts salt

sikt i det tørre og rør godt

tilsett til slutt:

3,5 dl store havregryn

Melkerull eller kokesjokolade

Valnøtter

Rull kuler på 13-15 gram

legg på bakepapirkledd steikebrett

Trykk kulene forsiktig ned med ein gaffel.

Steike midt i omnen ved 190-200 gr 12-15 min

Ta ut bretta og legg ein melkerull

eller kokesjokoladerute på den varme kaka.

Når sjokoladen mjuknar trykke du 

forsiktig på ei valnøtt.

I vår familie er det også fleire med 

nøtteallergi 

så eg hadde ikkje valnøtt på alle.

Kakene er kjempegode om eg så skal seie det sjølv.

Vona Hans-Petter og 

resten av familien lika dei.

"Ta det med deg "

Det minste av grønt

som har hendt deg

kan redde livet ditt en dag

i vinterlandet

Et strå bare,

et eneste blankt lite strå

fra sommeren i fjor

frosset fast i fonna,

kan hindre skredets tusen drepende tonn i

å styrte utfor.

Hans Børli

Blå himmel

Den fine søndagen har eg brukt til

eit par koselege besøk.

 Ein klar og fin dag.

Heimattkoma baka eg 

Aniskringle

med utsikt til den knallblå 

kveldshimmelen.

Over førti kringler skal glede mange munnar :)

Og i kveld var det ein flott

Nobelkonsert

både i tekst og tonar.

Helgbilder

Førjulstid

På turen til hytta såg me mange

fine motiv skapt av 

skodda.

Langs med Austefjorden

Holmøyane i Hornindalsvatnet

På hytta pynta me litt

og laga

Sara Bernhardt 

i langpanne

Veret er ikkje slik me forventa

i desember, skodda ligg i fjella, 

temperaturen 6 varmegrader

og det er vått rundt hytta.

Same helga i fjor gjekk me på ski. då var det

var mykje snø på Harpefossen

Men mangt kan endre seg dei neste to vekene

til jul.

Eg ynskjer god førjulstid til alle !

Historielaget sitt julemøte

gjekk av stabelen på Fredheim

i går kveld.

Ulstein Mannskor hadde ansvaret for

godt program.

I det gamle ærverdige lokalet 

er det god akustikk

og det lyder vakkert når songen tonar.

Som vanleg på Historilaget sine julemøte vart

maten servert på gammalt vis,

innpakka i serviettar.

Mange hugsa nok matpakkane på julefestane

i barneåra...

Som vanleg var det loddsal,

 eg var heldig og vann denne boka.

Mange hadde møtt fram 

og eg trur alle var samde om at det 

var ein gild kveld.

Søndagen min

I dag har det vore eit ufyseleg ver med regn og vind.

Det enklaste var å sitte inne og

nyte dei fine rosene eg

fekk i bursdagsgåve

1. desember :)

Men det friskaste var å gå ein times tur 

langs landevegen 

mens regnet hølja ned.

Eg lika å gå tur i alt slags ver

og då eg las i

denne bloggen:

Vilt og Vakkert sin BSV-invitasjon for 2017

Bloggers Sunday Walk

vart eg interessert og spurte om slike turar som

min i dag kjem under denne

invitasjonen.

Her er svaret eg fekk:

Alle slags turer, ja, men poenget er at vi alle går "samtidig" på hver vår vei, sti, gate, smug, allé... på denne kloden - med eller uten følge!

Jeg foreslår følgende BSW, siste søndag i januar, april, juli og oktober!

Dette har eg lyst til å vere med på,

eg noterer dato og 

ventar på nærare info.

Les om dette du også !

Eg lenker til:

Helgbilder

Baking med kjevle

er eg ikkje flink til.

Difor er det sjeldan eg lagar ting som

skal bakast ut.

I dag fekk eg så lyst til å bake 

Hardinglefse.

Eg brukte oppskrifta i

"Go`bitar frå besta si kokebok"

som to kollegaer har skrive.
HER

I oppskrifta var det Margarin, 

men eg tenkte at
 "skal det vere så skal det vere" 

 og brukte Meierismør....

 Om det er det som er årsak veit eg ikkje,

men lefsene var nesten umuleg å

arbeide med

Mjuke og vanskelege å handtere.

Mannen min heldt seg på avstand for eg skjende

heile tida....

Ein skulle tru at når dei var ferdig steikte

var problemet over,

men, nei, nesten ingen av 

lefsene kom heilberga av steiketakka.

Heldigvis er det slik at når ein får smøre dei og

"lime" skavankane blir det eit

bra resultat til slutt.

I alle fall, hardinglefsene er nydelege på smak,

dei smeltar på tunga.

No er dei lagde forsiktig i ei boks og

komne i frysaren.

Dei skal etast med andakt :)

Blomster i vakre fargar

Wordless Wednesday

Flower Wednesday

Advent og gåve

1. søndag i advent

og snø på hytta.

Då eg kom heimatt låg det pakke til meg i  postkassa.

Eg var så heldig å vinne denne flotte boka

i Give Away hos

by Marianne

Babyprops 

av Monica og May-Lill Norseth

frå Juritzen forlag

Boka inneheld 60 strikke- og hekleoppskrifter 

for dei minste

Det er ei flott bok med 

dei vakraste barnebilda ein kan tenke seg.

Tusen, tusen takk Marianne !!

Hue av restegarn

Hua strikka eg av trådrestar frå

genseren

Faerytale frå Du store Alpakka

Fantastisk deilig å ha på seg

den mjuke og varme hua.

Fakkeltog #laguttabli !

Bonusbarnebarnet vårt Emilie 

og fleire ungdomar har engasjert seg for

afganske ungdomar som står

i fare for å bli sendt tilbake

til ei svært usikker skjebne

i Afganistan

 I kveld var det fakkeltog i 

Fosnavåg sentrum.

Bilde frå Sunnmørsposten

Les om saka:

Innlegget i Sunnmørsposten

Også Kjetil Hånes,

styreleiar i Amnesty Norge 

var der og hadde 

ein sterk appell.

Me var omlag 150 personar som

gjekk i fakkeltoget.

Eg skulle ynskje me var mange fleire.

Lammerull

Tradisjonen med å lage lammerull til jul

har me hatt i over førti år.

Både mannen min og eg hadde 

vanen med heimanfrå.

Etterkvart er oppskrifta justert

etter eigen smak.

Det beste er å bruke utbeina lammeside som ein bretta ut.
Inne i rullane er det salt, pepar, ingefær,
 litt allehånde, litt sukker
og gelantinpulver
Mødrene våre brukte å sy saman rullane
med nål og sterk tråd.
Mange gjer det på den måten framleis, men
eg fann tidleg ut at det kunne gjerast
på ein enklare måte.
Eg bruka nettingstrømpe og
knyt tråd i endane

Dei låg i lettsaltlake 5 døgn.
Så skulle dei eigentleg henge på mørkeloftet 
til tørk 5-7 dagar,
men det vart så mange varmegrader i lufta ute
at me torde ikkje la dei henge
meir enn 2 dagar

Kokte/trekte ca 3 timar 
Etterpå låg dei i press over natta

Mange små porsjonar med
nydeleg godt pålegg med mykje smak.
Det skal vere nok både til oss sjølve og til å gi bort.

namnamnam...