tirsdag 28. februar 2012

Vårteikn idag ☼

Rundt 10 varmegrader 
Fekk ånda til litt rydding utandørs

Oppdaga herlege teikn på at våren er nær
sjøl om sola kom for berre tre veker sidan

Snøklokkene (Galanthus nivalis) er dei trufaste

Visste du at plantesafta er giftig ?
Litt undervisning ;))
f.hj. - fjern evt. planterestar frå munnen
- gi litt å drikke
- kontakt Giftinformasjonen viss barnet har
spist store mengder

Krokus (Crocus)

Påskeliljeknupp (Narsissus) 

Primula
Denne blomstra heilt til desember
Har hatt berre to månader ferie :)

Gler meg til nye fine dagar ♥

Tuusen takk for alle fine kommentarane
på innlegga mine ♥
Dokke er berre supre !!

God vårveke til alle ☼

Klem frå Anne-Mari


mandag 27. februar 2012

Figgjofavorittar


Frøken Eplegrøt her
har ei utfordring i bloggen sin som heiter
" Vis meg din Figgjo "

Her er min favoritt


Arva dette vesle fatet frå foreldra mine
Det er velbrukt og slite
Mor mi brukte det til småkaker og andre
gode ting
Eg brukar det ofte når nokon stikk innom og eg
serverer noko lite til ein kopp kaffi.
Dei vaksne gutane mine snakkar om bestemor
når dei ser det
Fatet er av stor verdi for meg ♥
Eg veit ikkje namnet og heller ikkje når det
var produsert.
Kanskje nokon andre veit det ?
---------

Fleire ting frå Figgjo eg likar:

Her frå serien Torskefiske

Trur settet vart kalla TV-koppar,
akkurat passe til ein porsjon som kan fortærast
framfor TV-en;))


Denne vesle skåla brukar eg til mangt og mykje ♥
Dei tre motiva rundt skåla viser torskefisket

Eg trur desse gjenstandane er frå 1970-80 talet,
det var julegåve frå bedrifta mannen
min arbeidde i.




søndag 26. februar 2012

Vinterferie

Sjøl på fjellet med all snøen
har veret vist seg frå fleire sider

Første dagane var det pøsregn

Farfar hadde med jobben til hytta


Celina Marie med PC-en som tidtrøyte


Farmor baka brød
Enkel bakst utan fiksfakseri ;)

Det regna og regna, men me
trossa veret og var på ski fleire gongar.

Etter nokre dagar kom fleire av familia til hytta

Skibakken lokka
Rart at ein merkar så lite av regnet som pøsa ned ...
Alle hadde det storarta
Borna fekk vise oss vaksne kva dei kan,
og me var sjølsagt imponerte ♥
--------
Nest siste dag kom det litt sol og kulde
--------

Farmor er oppteken av at borna skal få samle
minner for livet
Skitur i lysløypa om kvelden er ein aktivitet dei har
prøvd før
Dette ville eg at dei skulle få oppleve igjen i den
fine måneskinskvelden
Borna var klar med ein gong forslaget kom,
litt meir overtaling måtte til for å lokke dei vaksne utav
godstolen når det endeleg var avslapping ;)
Farmor er flink med gode argument så
heile gjengen tok laust ♥
Hovudlykter på borna, flott skiføre i ei
fin lysløype og fin utsikt til skibakken
Eldstemann Benjamin stortreivst og gjekk fleire runder meir enn resten,
han hadde leirskuleveka på Dombås i beina :)

I mørkenatta song borna denne her og presiserte at songen var om farmor òg



Borna sovna med raude og friske kinn denne kvelden ♥


Søndag  kom med strålande ver og gnistrande føre
Borna måtte ha ei stund med
å lage snøhole, før dei tok laust
på siste skitur.

Vinterferien 2012 er omme,
born og vaksne har samla fleire minner i minneboka ♥

Ynskjer god ny veke til alle som tittar innom !!

Klem frå Anne-Mari


søndag 19. februar 2012

Omnskråa

Har arva nokre gamle gjenstandar som
eg vil vise

Har samla dei rundt omnen på hytta.


I gamle dagar brukte dei open eldstad kalla
grue
der kunne dei mellom anna koke eller steike
maten sin i store jarngryter som hang i ein
skjæring
ei jernstong med mothakar og
eit gryteoppheng som kan førast opp og ned
i høveleg høgd over elden i grua


I taket var det ei opning i taket som vart kalla
ljore
(av forståelege grunnar har eg ikkje denne)

Jarngryte
og ei uvanleg stor spiseskei ;)


På nettet fann eg eit bilde frå Setesdalstunet
som viser grue, skjæring og gryte

 Dette er ei kòle
også kalla tranlampe.
Ein enkel "lampe" som dei brukte før
oljelampen.
Kòla var fyllt med lyse
og ein veik som låg i
Lyse var tran frå torskelever brukt
som olje i kòle.
Lyse vart blanda med tjøre og brukt til å smøre sko
og klede for å halde dei tette mot væte.


koksa
den store ausa med skaft var vanleg å
bruke som vassause. Den hang gjerne
på kanten av vassbytta eller på veggen.
Eg har diverre ikkje vassbytte :(

Kjelder: Bøkene til P.F.Waage og Per Sandanger

For meg er dette verdfulle eignalutar som
minner om ei anna tid der menneska hadde heilt
andre hjelpemiddel enn idag.
Tenkjer også på at me klagar over at tida ikkje strekk til
og me har tusen ting å gjere.
Iallfall er det meir lettvint og tidssparande å trykke på ein
knapp og få kokt og steikt den maten me treng.

Ynskjer god søndagskveld !

Klem frå Anne-Mari





fredag 17. februar 2012

Spor

Då me skulle bygge huset vårt
var det eit atterhald frå kommunen

Storesteinen skal ligge i fred

Den er eit spor frå fortida, eller rettare sagt frå istida.
Kanskje har isen reve den laus frå berget lenger bak-
eller kom den med store isfjell og isflak då
sjøen stod langt høgare enn no ?

På eine sida er det nokre hol,
 blankskurte og polerte.
Undrar over kva som har laga desse,
men svaret ligg nok i isen sitt arbeid

I fortid og notid er storesteinen eit
trekkplaster for born.
Dei får lov å vere der når dei greier
å kome seg opp sjølve
også omtala her
Dette er eit menneskeskapt spor.
Feste for ei grind som eg hugsar frå min
barndom
Strengen var festa til stolpen
eit stykke frå grinda

Siste sporet er

 Dagmar sitt verk, her på ei gamal garasje


Heilt til slutt må eg ta med ein
fargeklatt

Vårteikn set også spor, men
berre i minnet ♥

Ynskjer god fredag til alle !

Helsing Anne-Mari







tirsdag 14. februar 2012

I glaskarmen

- akkurat no

Kristi tornekrone - Euphorbia milii
Denne har eg hatt i mange mange år, men den veks seint.
Den har store piggar på stamma og små
kvite blomster

(lånt frå nettet)
Blomstrar litt heile året.
Planta mistar ofte blad, muleg at ho ikkje får
det stellet ho ynskjer ??
Ei  tante med grøne fingrar sa at
viss den får for mykje vatn blir den fornærma
og kastar blada !!

 Nyare plante..

Krysantemum er alltid fin !

Hekla lyslykt er koseleg heile året ♥

Viss du ser godt etter ser du at
i bakgrunnen har måsane fest over
restar etter sildefangst.

Tulipanar i vasen eg fekk i bursdagsgåve

 Goebel 
Gustav Klimt, Adele Bloch Bauer
--------
God tysdagskveld !

Klem frå Anne-Mari

onsdag 8. februar 2012

Mykje å glede seg over

I  bloggverda får ein nye vener
og friskar opp kjenskapet med dei ein har hatt.

Eg får positive tilbakemeldingar frå kjende og kjære eg møter
på min veg.

Eigentleg svært spennande ☼

I mi lærartid har eg hatt ei rad herlege elevar ♥

Har kontakt med fleire av dei, no mange år etter :)
I bloggverda, på Facebook og Wordfeud,
og elles når me møtes.

For meg er det utruleg inspirerande og verdfullt å
halde ved like kontakta ♥

Skal nemne berre ei av elevane: 
 her
Astrid har vore tolmodig og hjelpt meg med mange av
spørsmåla mine om blogg.
Og ho har laga til bilda i " headeren"
 øvst på sida i bloggen min.
Tuuusen takk ♥

Igår kom det ein spennande pakke i posten.
Eg hadde vore så heldig å vinne Give away hos
denne dama:
 her
Sjå dei flotte pulsvarmarane eg vann !!

Tusen takk ♥

Sist, men ikkje minst, idag kom mannen min
 og gleda meg med desse nydelege rosene

I kveld har me feira bursdagen til lisjebroren min
ilag med syskena og svigersyskena mine.
Kjenner at det er godt å vere ilag !

Livet er herleg

Ynskjer god veke vidare !

Klem frå Anne-Mari





tirsdag 7. februar 2012

Bessie 2

Først vil eg takke for gode  kommentarar på
tidlegare innlegg. Kjenner at eg set stoooor pris på det ♥
Dokke er utruleg kjekke !

Idag forsto eg at Bessie
ville vise meg noko

Etter Dagmar si herjing
er mangt i naturen endra

Det hang ikkje ei stor trekrune utfor
berget her...

Oppe på kanten ser me
rotvelta

Eigentleg fint under den store grana.
Som born fekk me fortalt at her sprang
ei kyr utfor berget og slo seg forderva.
Kanskje var det slik terrenget såg ut då ?
Dribba ho på den store steinen fram på kanten ?

Slik ser det ut under ei anna rotvelte

Og denne, kan du forstå at rotsystemet låg utover
 reine berget ?
Utruleg at den ikkje har ramla før.

Leikehytta fekk flekt av takpappen, men den står ☺
Fleire rotvelter rundt henne.

Inntrykket eg sit att med etter turen er
at små trespirar har starta si levetid på karrige underlag,
og det er nesten utruleg at dei har vekse seg store med så
lite plass til røtene sine.

Dette var dagens tur i herleg vårsol.
Både Bessie og eg syns det er kjekt at sola
er koma i Tuå.

Ha ein strålande tysdagettermiddag !

Helsing Anne-Mari

fredag 3. februar 2012

Snart helg

Muslirundstykker

Ein av favorittane her i huset frå
God morgen Norge

Smakar godt med brunost

Men idag skal eg opne eit av luksus-
sylteglasa eg fekk i bursdags- og julegåve ☺

Oppskrifta finn du
 her

Er allergisk mot nøtter så eg brukar
solsikke- og graskarkjerner i staden,
nydeleg godt ♥

Eg vil takke all som er innom bloggen
og kommenterer eller tek ein titt ♥

Ynskjer god fredag og helg !!

klem frå Anne-Mari