Fleire alperoser

Foreldra mine brukte ordet 

Alperose 

om Rhododendron.
Den høyre til lyngfamilien.

Ei lita runde i hagen for eit par dagar sidan

viste at mange er avblomstra, nokre framleis i knopp,

og mange er på sitt finaste akkurat no.

Denne fargen er litt spesiell synest eg,

nesten litt brunskjær i den.

Busken står i skogen bak huset mellom lyng og einer.

Like ved står denne:

 Det finst så utruleg mange nyansar i

lillafargar.

Denne trivst mellom jyvel ved sida

og hengande greiner av blodbøk over seg.

Den til venstre er ikkje skikkeleg utsprotten enno, men

er mørkare enn den i midten.

Her må eg klippe etter avblomstringa for den

raude veks bakover der ingen ser den.

Det er herleg å kunne nyte 
blomstringa i hagen.

I hagen

Dei raude Rhododendronae som eg har vist bilde av tidlegare

er avblomstra etter å ha gjennomgått

mykje storm og uver.

No blomstrar andre i tur og orden.

Eg er glad for at den to år gamle

Rhododendronen trivst og viser sine nydelege 

blomster med løvtynne kronblad.

Rhododendronen "Fantastica" skuffar aldri, 
den er nydeleg.
Eg har vist den fram før
her og her

Azalea
Denne har me flytta fleire gongar så den
har ikkje funne seg heilt til rette enno.
men den er nydeleg.

Den gamle store Rhododendronen
var tidleg ute i år også.

I dag, 30. mai snøar det og
temperaturen er 6 grader.
Ingen sommar enno.

Rød

Röd

er ordet hos Sanna denne veke.

I mi dialekt seier me raud.

Den eine dagen lyser dei flotte raude
 Rhododendronane mot meg.

Neste dag er dei dekte av mange centimeter 

våt og tung snø.

Det er ikkje uvanleg med snø

i mai her hos oss.

Raudruss har me også i år.
Benjamin, første barnebarnet vårt.


Gemsweeklyphotochallenge v. 19 - Röd -

Vekst

Växt

er ordet i utfordringa til Sanna
denne veke.

Etter fleire dagar med sol og varme rundt 20 grader

er det berre å sjå seg rundt 

så finn eg mykje som

er i vekst.

I Vågeskogen er
 bjørka er blitt grøn i løpet av eit par dagar.

Narcissbedet i vekst ved Storesteinen.

Rhododendronen på andre sida av

Storesteinen veks seg større og større

for kvart år.

Det veks langs med muren.

Plommetreet veks til himmels.

Gemsweeklyphotochallenge veke 17 - Växt

Rhododendronblomstring i hagen

Eg kjenner lukke når eg spasera i hagen

og nyt synet av blomstringa

til Rhododendronane.

Nokre av dei er gamle,

foreldra mine planta fleire av dei for mange mange år sidan.

Den gamle hagen og vår heng i hop.

Eg hugsar ikkje namna på alle,

men denne er

Rhododendron Fantastica
som eg har skrive om før.

 Denne sto i mange år utan å blomstre, 

men siste åra har den hatt vakre blomster.

Rette fargen er vanskeleg å få fram på bilde.

Mange ser like ut, men eg trur ikkje

dei har same namn.

Denne er to år og blomstrar for første gong.
Sart og lekker.

I dag er det søndag, 
finever framleis.
Denne helga har me dei tre jentene
på overnatting.
Snart skal me på fotballkamp,
Leah Sofie skal spele.
Kjekt !

Njutbar

Ordet i utfordringa til Sanna denne veke er

Njutbar,

det finst mange synonym, men eg

likar å tru at det tyder å nyte, enten synet av -,

eller smaken av noko.

Desse fine maidagane er det mangt å nyte,

blant anna blomane i hagen.

Narcisser som villeg blomstrar kvar vår.

Dei tidlege Rhododendronane får meg nesten til

å miste pusten.

Dei er nydelege.

Den største på bildet over er over 30 år gammal

og er flytta fleire gongar.

Den er som ein familiemedlem :)

Og no i kveld rett før eg skal legge meg ser eg sola gå ned

over skodda og disen i horisonten.

Det er verkeleg njutbart :)

Sjå fleire njutbare bilde her:

Gemsweeklyphotochallenge v. 20 - Njutbar -

Svinviks Arboret

Eit av måla med turen til

Sunndalsøra var å køyre

til Todalen og besøke

Svinvik Arboret

 lenke her

som blant anna er kjent for

si store samling av 

Rhododendron

Det var ein fuktig dag med skodde

og duskregn,

men det gjorde ingen ting

Lang vegen inn til området.

Under ser du nærbilde av ein blome

i den vakre "hekken"

Husa på garden

Det er mange trapper mellom

nivåa i hagen

Her kan ein kvile medan ein bruka sansane

Eit knippe av kvite Rhododendron

Vakre med vassdropar

Namn på dei ulike Rhododendron 

ga eg opp å finne,

hadde nok med å halde styr på kamera med ulike linser

og mobiltelefon hehehe..

Teppe av  avblomstra kronblad i

trappene og terrenget

Ved løa sto denne Rhododendronen

med dei vakre blomane

Vandring i Svinvik Arboret vil eg

anbefale på det varmaste.

Det angar og lyser mot deg frå alle kantar.

Men du må skunde deg visst du vil nå 

Rhododendronsesongen

den er berre mai, juni...

NB. Det blir fleire innlegg frå turen til

Sunndalsøra på Nordmøre,

Desse har eg skrive hittil:

Her, Her, Her

Kvit Rhododendron

er delikat og vakker der

den står med mange

gjestar.

Humlene kosar seg

og samlar pollen frå dei

opne blomane.

Massevis av humler jaga fram og tilbake,

men eg greide å 

fange berre denne eine i linsa.

Det er ei fantastisk tid no

 med alt som blømer i hagen.

Floral-Bliss