Peer Gynt hytta

i Rondane

Mannen min og eg budde 3 døgn på 

Rondane Høyfjellshotell 

og gjekk fine turar i

det vakre terrenget om dagane.

Den fantastisk flotte steinhytta har fått namnet etter

sagnet om Peer Gynt i det

dramatiske diktet av Henrik Ibsen

Det var ikkje ope denne dagen så me fekk

ikkje sjå innvendig.

Det er flott natur i Rondane med haustfarga vidder

og 

ville steinformasjonar rundt elvefara.

Me parkerte bilen ved

Smuksjøseter fjellstue

og gjekk derifrå

 til Peer Gynt hytta

Då me kom tilbake åt me sein lunsj der.

Deilig rjømegraut med spekemat og

raud saft.

Eg deler bilda av dørene hos

Gemsweeklyphotochallenge v. 39 - Dörr -

Hårpynt

Eg er ikkje flink til å kaste ting,

og kosa meg litt då eg kom fram på 
denne samlinga i skapet.

Hårrullar hadde eg kanskje kunne brukt enno,
i tilfelle dei minste.
Postisjen/laushåret hadde eg på meg som brud, 
og eit par gongar i fine anledningar,
men det er 40-50 år sidan...
"Smultringen" til Ballerinaknute trur eg neppe
eg har brukt. Eg har vel aldri hatt 
SÅ langt hår...

Eg skal jammen vise det til 
barneborna,
kanskje vil dei prøve ? 

Litt moro var det iallfall,
å sjå på det.
Trur du at det blir kasta ?
Nei, 
kjekt å ha :)

Poteter

Eldstesonen Andrè med familie

dyrka poteter i terassa. 

Det var ein liten jordbæråker her fram til

leikarhytta vart sett opp.

Då vart det for mykje skugge for jordbær og

i vår kom dei på at dei skulle 

sette poteter.

Settepoteter fekk dei i Kaldholen hos

tante Siv Marit.

I veka før konfirmasjonen var tida komen for

potetopptaking.

Jentene frå venstre,

Leah Sofie, Ella Victoria og Celina Marie.

Stor avling på den vesle åkerlappen.

Potetene er av typen 

Troll.

Det var rikeleg poteter til 

konfirmasjonsmiddagen.

Restane av dei gode potetene kunne ikkje

kome vekk så eg kom på at eg skulle

prøve å lage potetkaker

Utsjånaden vart så som så.

men kjempegode 

med godt smør og sirup !!!

Namnam

Hortensia i september

Planta sto ute heile vinteren

i same vesle krukka den var kjøpt,

eg vatna den av og til.

I vår var den full av spirar, og

no har den blomstra i fleire månader.

Kan det bli vakrare ?

September er snart omme,

men hortensiaen er like fin enno.

Innlegg om same planta i fjor

Sunnmørsbunaden

Ja, korleis ser den ut ?

Ein kan ikkje berre gå inn på Husfliden og

 kjøpe tilfong til Sunnmørsbunaden.
Du får spørsmål om kvar for ein.

Eg trudde det var ei sjølfylgje...

Men, nei det er  heile 

6 kvinnebunadar frå Sunnmøre !

Eg har tatt bilde av sidene i

ei brosjyre frå Husfliden.

Den me kalla Sunnmørsbunaden er

Ørskogbunad ( nr. 2 frå venstre på bilde nr. 1)

også kalla Märthabunad fordi ein slik bunad

vart gitt til Kronprisesse Märtha i bryllaupsgåve i 1929

Og det skal seiast, det er den som er

den mest vanlege Sunnmørsbunaden

Her er konfirmanten Celina Marie 

sjå innlegg her

med oldemor Judith, farfar Ottar og 

farmor Anne-Mari.

Svigermor Judith broderte min bunad

på 1980-talet.

Ein bunad er god å ha  

i mange høve der ein skal vere 

kledd til fest.

Og sjølvsagt bruka eg den 17. mai.

Visst eg skulle skaffe meg bunad i dag trur eg at eg

ville vurdere 

Søre Sunnmøre bunad,

(den heilt til høgre på siste bilde)

den høyre til på vår kant av Møre og Romsdal,

men var ikkje  vanleg den gongen

eg fekk min.

Gemsweeklyphotochallenge v. 38 - Plagg -

Konfirmasjonen til Celina Marie 9. september 2017

Ei fin helg i september var det konfirmasjon

i Ulstein kyrkje,

102 konfirmantar fordelt på fire gudstenester

over to dagar.

Barnebarnet vårt

Celina Marie sin seremoni var

laurdag kl 12

Det var ei høgtideleg stund

i den vakre kyrkja vår.

Sokneprest Margit Lovise Holte og

kateket Bjørn Losvik

forretta.

Fine Celina Marie !

Med far Andrè og mor Renathe.

Nydelege blomsterdekorasjonar på 
festbordet i Bakargarden
i Ulsteinvik.

Gode kaker og dessertar frå familie og venner var det mykje av,
i god sunnmørsk ånd....

Gåvebordet var pynta med
hardangersaumduken som konfirmanten si oldemor Marie
har brodert.

Celina Marie fekk mange pengegåver.
Av farfar og meg fekk ho bunaden og ei
fotobok med fleire hundre bilde
frå fine stunder i lag med 
alle i familien.

Til lukke med framtida kjære Celina Marie ♥
Helsing farmor og farfar

Hender

Hendene til " Sildekona " i Ålesund 

er mitt bidrag til 

ordet denne veka hos

Gemsweeklyphotochallenge

Skulpturen av

Bjørn Tore Skjøsvik står på

Apotekertorget

Sjå også

Innlegget mitt om Tuebuda der mor mi var "sildekone"

Sjå andre si tolking her:

v. 37 - Händer -

Oske

Når me er på hytta er det det fint å kunne fyre i omnen.

Det blir lunt og koseleg.

Med små barn i familien er det viktig

å ha grind framfor omnen for å sikre 

dei mot å skade seg.

Så kjem eg til emnet i dag:

ordet er Ask, eller Oske på norsk

Oske er dei pulverliknande restane som blir att etter at

eit organisk materiale er oppbrent.

På døra blir det belegg som gjer at den

ser skitten og stygg ut.

Eg bruka å ta vatn på hushaldningspapir og

dyppe det i oske

Oska rensar effektivt belegget

 på glasdøra

Nesten ferdig,

tørke med rein våt klut eller hushaldningspapir

til slutt

Ferdig.

Glaset i døra er reint og blankt.

Gemsweeklyphotochallenge v. 36 - ASK -

Les

Ordet denne veka tolka eg som

det eg les akkurat no.

Eg har nettopp begynt å lese boka som får gode omtaler:

som denne: 

" Endelig finnes det en underholdende og lærerik bok

om det som i mine øyne er noe av det viktigste, og rareste,

universet har skapt; nemlig hjernen " Selda Ekiz

Gemsweeklyphotochallenge v. 35 - Läser -