torsdag 3. september 2015

Naturen er fin

i starten av september

vatnet renn mellom 
mosegrodde steinar

 det gror til rundt sjøen
i den vesle vika

villblome...

ps.
Tusen takk for alle helsingane til Bessie.
Ho er ein roleg og tolmodig pasient.




tirsdag 1. september 2015

Bessie

bur i nabohuset vårt,
hos bror min med familie.
Ho har hatt eit strabasiøst liv i
den seinare tid.
Ho har vore fleire gongar hos dyrlækjar
for blødning og feber. 
Mistanke om urinvegsinfeksjon 
eller infeksjon i livmora
har gitt henne 
antibiotikabehandling,
men til inga nytte.
 I går kveld vart ho svært dårleg og
fekk intravenøst smertestillande 
og henvisning til operasjon i dag.

Livmora er operert vekk og no 
er restitusjonen i gang.
Ho hadde ikkje bandasje då ho kom heim
så sjukepleiar-tante (eg) vart tilkalla
då ho blødde frå operasjonssåret etter å ha gått
ned trappa.
Med god hjelp frå "systrene" hinna fekk
me på ein bandasje.

Stakkars Bessie.
No må du kvile deg og kome deg
på føtene att.
Heldigvis har har ho ein heim der alle er
glade i henne og vil at ho skal
ha det godt.
Ho er ni år, 
men ho kan få mange gode år
heretter.
Barnebarna våre elskar henne og
dei ropar på henne
med det same dei kjem ut av bilen

Eg har skrive innlegg om Bessie:
her,her,herher
 herher


Linkar til: 
TirsdagsTema - LIV



lørdag 29. august 2015

Blå hagehortensia


Hydrangea macrophylla

Denne har stått i hagen i
snart 40 år.
Me har vore heldige med 
plassering i jord og fukt som den lika
 så den kjem trufast 
år etter år.
Sist vår skar eg den godt tilbake 
så den er ikkje så 
vid som før.







Eg synest den er vakker med den
nydelege blå fargen.




fredag 28. august 2015

Tippasetra


Når eg er på hytta blir det ofte
ei runde rundt
Tippasetra.
Ein fin tur i idylliske
omgivnadar



Harpefossen hyttegrend og skisenter
ligg eit steinkast unna, på
andre sida av dalen.













torsdag 27. august 2015

Ripsbærgelè

Det er framleis mykje bær
i ripsbærbuskene
så eg sender på nytt
innlegget med 
oppskrift på 
Ripsgelè. 










Dette er årets produksjon. 
Mindre enn før,
men det er fleire glas
igjen frå i fjor.
Ripsgelè er haldbar
i lang tid når den står kjøleg. 






mandag 20. august 2012


Ripsgelè

Det er tid for å prekvere bæra i hagen.
(prekvere = stelle, lage til)

Ripsbær er det mest av.

I år gjorde eg det på gamlemåten.
Gelèn vart for tynn i fjor då eg skulle vere effektiv 
og brukte saftkokaren.

Eg lagar alltid nok til mange glas. 
Kjekt å kunne gi vekk òg.. 
Mi store glede er at borneborna kallar ripsgelèen 
farmorsylte ♥
som dei likar å ha på skiva eller rundstykket  
Tiåringsjenta: 
"Yess, i år er farmorsylta perfekt " ♥

Ripsgelè smakar godt til vafler.
Det var fint ver og kos ute den dagen.
Eg har aldri vore flink med vafler, men no brukar eg 
mormor Inger si oppskrift 
Desse vaflene er nydelege ! 

Ripsgelèen lagar eg etter mor mi si oppskrift,
 1 kg sukker til 1 liter silt ripssaft.
Det er mykje sukker, men til gjengjeld blir gelèen 
vellukka, stiv og fin.





mandag 24. august 2015

Sommar


Endeleg kom sommarvarmen !
Siste dagane har me
vore velsigna med
temperaturar på
over 20 gr

Kjekt for små og store
i fjøra


Slike dagar må ein berre nyte 
utan å heile tida hugse 
å bruke kamera....
(farmor bada sjølvsagt i sjøen...)