mandag 10. desember 2018

Julebakst på hytta


Aniskringler høyrer med til juletradisjonen hos oss.
Eg har ei god gammal oppskrift som
alltid lukkast.

Deiga venta ikkje på bakaren,
den kom og henta oss, he he...

Celina Marie og Leah Sofie
trillar kringler.
Eg laga emner og hadde mi fulle hyre 
med å halde dei med arbeid.
Flinke jenter.

Godt å ha til jul med mange
samla.

Smaksprøve.
Aniskringle med meierismør og brunost er toppers !!
Eplegløgg og kaffi attåt var også godt.





søndag 2. desember 2018

Nytt


Nytt
er ordet Sanna utfordrar oss på
denne veke.

Det nye er at eg
er i 70 åra !
Det kjennest litt rart når eg tenkjer
tilbake på 70 år gamle damer
for lenge sidan....


Av helsingane frå mine nære
1. desember.










fredag 30. november 2018

Sorg



Marianne Soløy 43 år 
 tapte kampen mot kreftsjukdomen
23. november 2018
Barneborna våre
Benjamin 18 år og Hans-Petter 14 år
 mista mor si.
Det er nesten ikkje til å bere.

Takk for alle gode minner
kjære Marianne.





tirsdag 20. november 2018

" Aften rød "


Etter ein nydeleg klar og kald dag
takkar sola for seg.


Eg vona at dette ordtaket ikkje stemmer.

 «Aften rød gjør morgen bløt». 
Det betyr at en kveld med rød himmel, 
ofte bringer med seg regn neste morgen.







søndag 18. november 2018

Auge


I utfordringa hos Sanna er ordet
öga
denne veka.

Eg fekk operert høgre auge for
grå stær (Katarakt)
 for eit par veker sidan.
Då er det nærliggande å skrive om det.



Grå stær er den vanlegaste augesjukdomen
hos folk i godt vaksen alder.
Linsa i auget blir stiv og ugjennomsiktig og hindrar lyset 
i å gå gjennom. Synet blir dårleg.
Det er ein enkel operasjon og vidare drypping av auge
i tre veker etterpå.
Det blir operasjon på venstre auge i januar.
Deretter kjem eg nok til
å få eit nytt syn på forskjelleg :)

Reparasjonsalderen er eit faktum.







onsdag 14. november 2018

Fornøyeleg

I dag vil eg anbefale ein film.


Florence Foster Jenkins er en britisk-fransk biografisk dramakomedie fra 2016,
 regissert av Stephen Frears med manuset til Nicholas Martin. 
Meryl Streep spiller tittelrollen som Florence Foster Jenkins,
 en amerikansk sopran som ble kjent for sin 
komplette og fullstendige mangel på sangstemme.

Me fann filmen på Netflix, men
den er kanskje tilgjengeleg andre stadar.
Eg og mannen min hadde ei fornøyeleg stund med
dei gode skodespelarane som me lika godt.





mandag 12. november 2018

Terte


I utfordringa hos Sanna er ordet denne veke
Bakelse.
Google oversetter det svenske ordet til
norsk - Terte

Sist sommar åt eg 
sitronterte
på Grünerkøkka i Oslo.
I sannhet ein herleg munnfull.


Sjå fleire bakelser her:

Gemsweeklyphotochallenge v. 46 - Bakelse -




mandag 5. november 2018

Gul

Gul er ordet Sanna utfordrer oss på denne veke.

Middagen i dag....

Berre å nyte
haustsola sin vakre gule sorti.

Leikebil frå 1970-80 talet.


Minner frå sein sommar,
Fredløs og
Yellow fields.




Les fleire gule innlegg her:

Gemsweeklyphotochallenge v. 45 - Gul -




torsdag 1. november 2018

Fordon


Køyretøy er det norske namnet på 
ordet Fordon i utfordringa denne veka.

Først vil eg vise Ella Victoria posere i 
ettermiddagssol med fotograf farmor
i silhuett.
Køyretøyet dreiv med planering av
grus på ein stor plass.


Den gamle lastebilen har sett betre dager,
men har si oppgåve med å halde
garnblåser på plass. 



Her kan du sjå innlegget mitt om Fordon i 2017


Gemsweeklyphotochallenge v. 44 - Fordon -





søndag 28. oktober 2018

Postvegen i oktober

Me har køyrt
Postvegen til hytta for siste gong dette året.
Litt vemodig at året
nærmar seg slutten,
men dei vakre inntrykka på vegen
jagar vemodet vekk.











Takk for at du ville nyte haustfargane
i lag med meg.

Utdrag frå

Årets tider :

Nå er høsten her
og høsten er en liten gul mann
som kommer ut av skogen
med kofferten sin og plukker lauvet ned av
trærne og tar med seg blomsterstilkene og mange
av fuglene, og så maler han himmelen
grå og mørk, og lager triste søledammer i veiene.
Arild Nyquist







tirsdag 23. oktober 2018

Vy

Vy
er ordet i Sanna si utfordring 
denne veke.

Vy kan tolkast på fleire måtar som
vanleg er med alle orda Sanna utfordrar oss på.

Utsyn, overblikk, perspektiv.
Ein person kan ha store vyar for framtida


Ikkje uventa vel eg å vise bilde av utsikt mot 
hav og himmel.


Bilde frå ein tur til Flø.


Grønt gras til langt ut på hausten.


Endelaust vakkert...


Vy mot Atlanterhavet.

Du kan sjå vyer hos andre bloggere her:
Gemsweeklyphotochallenge v. 43 - Vy -







søndag 21. oktober 2018

11 år


Leah Sofie fylte 11 år 15. oktober.
Ho sparkar fotball på 
Hasundgot Idrettslag sitt J11 - lag
På bursdagen spelte dei kamp mot
Hareid IL sitt lag.
Før dei starta turen fekk dei ei fin oppleving:
sjå her:

Dette var stor stas, tenk å få helse på og bli med på bilde
med ei av Noregs mest kjende filmstjerner.
Ho var her i Ulsteinvik i samband med
innspeling av andre sesong i 
TV-serien Heimebane

Eg strikka hue og hals til henne av 
restar etter Saragensere 
ho fekk tidlegare:

I kveld har me vore i selskap og feira
både Leah Sofie og storesyster
Celina Marie som fylte16 år 18. oktober.






lørdag 20. oktober 2018

Fargar i hagen

Etter alt regnet denne hausten er eg forundra over 
at det er planter som framleis i dag, 19. oktober, 
viser seg fram med vakre blomster i hagen.

Summerwind 
skuffa ikkje, den har
blomstra rikt i månadsvis.

Kinasøte
er ein av favorittane.
Den gir meg stor glede :)

Blå hagehortensia er ei gammal og trufast plante i hagen.
Litt bleik "om nebbet" no, men
fin likevel.


God helg til deg der ute !






torsdag 18. oktober 2018

Sterk/Strong



I utfordringa til 
er ordet denne veke
 Sterk på norsk
eller Strong på engelsk

Eg tenkje på denne nydelege songen
når eg høyre ordet
sterk eller strong

Ein song komponert av Rolf Løvland

Oversett til norsk:

Når jeg er nede under mørke skyer Når stormen sliter i mitt tunge sinn Da sitter jeg og venter her i stillhet
Til du er her og hører stemmen min Så reis meg opp og bær meg over havet Reis meg opp og sett min fot på fjell Jeg er sterk på dine sterke skuldrer I kraft av deg er jeg mere enn meg selv Det fins en sult, en hunger i vårt hjerte En evig lengsel etter noe mer Men når du kommer til meg som et under Er det et glimt av evighet jeg ser Så reis meg opp og bær meg over havet Reis meg opp og sett min fot på fjell Jeg er sterk på dine sterke skuldrer I kraft av deg er jeg mere enn meg selv
I kraft av deg, Er jeg mere enn meg selv.

Ein sterk og vakker song som røre mitt hjarte.





torsdag 11. oktober 2018

Haust i fjella


Haustfargane i naturen er noko av det finaste eg ser.
Eg har ein tendens til å "falle i stavar"
over slike synsinntrykk.












Hvor vakkert bladene eldes. 
Så fulle av lys og farge er deres siste dager.





søndag 7. oktober 2018

Vekt

Ordet hos Sanna denne veka er:
Vikt
eller vekt på norsk

Eg vil bruke eit tidlegare innlegg
her i bloggen til denne
utfordringa.
----------

Bismaren er ei vekt som (er) har vore mykje brukt, kanskje
særleg på gardar.


Ein held, eller heng opp bismaren. Festar det
ein vil vege i kroken.
På stanga er det små hakk for kvart kg, f. eks. 1 til 10 kg.
Ein flyttar loddet til stanga heng vassrett, då har ein
vekta på gjenstanden.

I barndomsheimen min var bismaren mykje brukt f.eks. 
til å vege fiskefangsten,
  eller til slakt.

Denne bismaren er liten, men den er av den typen som ein kan snu, 
då kan ein vege frå 1 til 10 kg på eine sida,
og frå 11 til 20 kg på andre sida.


                                             Hos oss blir den brukt til pynt.


Eg syns den passar fint i hyttekjøkenet.
Her er den i godt lag med pyntehandduken og benkeduken av 
kjøkensettet som mor mi broderte før ho gifta seg i 1946.
        

                           
  Gryteklutane frå Lappelina er som små måleri.


For ikkje så veldig lenge sidan var denne vekta i dagleg bruk.
I dag står den til pynt.



Her er den lettvinte digitale vekta
eg brukar idag :)

Sjå fleire innlegg om vekt her:



Eg ynskjer deg fine oktoberdagar !

klem frå Anne-Mari




lørdag 6. oktober 2018

Lav og stein

Når ein ser godt etter i naturen finst det mykje
fint i bittesmå størrelsar.


 Eg trur dette er 
Rødbegerlav
Det var den vesle raude hatten som 
fanga blikket mitt.



Ynskjer deg fine oktoberdagar.




torsdag 4. oktober 2018

Trollhatt


Eit lokalt dialektord for runde sopper
er

"trollhatt"

Denne soppen var like ved vegen
på ein fjellgard der me gjekk tur.
Eg er ingen kjenner og aner ikkje kva dette
er for slags sopp, kanskje er den giftig også, 
men den var så dekorativ at eg måtte ta bilde av den.

Denne hausten er det store mengder sopp av forskjelleg slag
i plenen og elles i hagen, 
kanskje fordi det har vore spesielt mykje regn ?