lørdag 31. mars 2018

God påske.

God påske 
er helsinga ein seier til dei ein møter
første påskedag.

I tillegg vil eg helse deg med eit bilde av
Klosterklokka
med sine vakre detaljer.

I morgon er det første april
og første påskedag.
Kvardagen og vårkjensla kjem nærare
og godt er det.


torsdag 29. mars 2018

Grovt

Grovt er ordet hos Sanna denne veke.


Eg held meg til det maritime og 
viser først eit bilde av
grov kjetting 
som kanskje har blitt brukt i eit
anker på ein båt.

Den grove skruen med mutter
såg eg på ferja til Ona sist sommar.


Gemsweeklyphotochallenge v. l3 - Grovt -






tirsdag 27. mars 2018

Hårstell


Svigermor Judith 90 år
ordnar håret før ho skal i 90 årsselskap
til svigerinna Bjørg.
Ho vaskar håret sjølv og bruka
å få hjelp av persnonalet på Hadartun,
der ho bur i leiligheit, med opprullinga.
Denne dagen kunne eg hjelpe henne med det.

Smart tips,
hårrullspyda har ho samla i ei
tom Paracetboks !
Rullinga skjer sjølvsagt etter eit
visst system.

Klart for naturleg hårtørk 
utover dagen.

Når eg ser på alt denne dama på 90 år
gjer i kvardagen, 
blant anna
ordna ho måltida sine sjølv, 
vaskar klede,
held styr på alle bursdagar til alle i familien,
held seg oppdatert over nyheitsbildet,
og ikkje minst,
ho les for dei gamle på dagsenteret 
kvar tysdag førmiddag !
Ja, då må eg berre "ta av meg hatten"
og beundre henne.

sjå gjerne innlegget eg skreiv om henne sist






søndag 25. mars 2018

Krokus


Palmesøndag og vårleg i lufta her i Tuå.
Sola varmar og ei runde
 i hagen viser 
krokus i blomst.

Lunt under klatrehortensiaen.

I plenen er det ikkje like lunt,
men krokusen tittar opp.

Påskeferien blir på hytta,
og der er det framleis store snømengder
og lenge til vår.

God påske !





boble


Bubbla
er ordet i utfordringa denne veke.
Det er mange måtar å tolke ordet på,
det vanlegaste er kanskje bobler laga av vatn.
Det kan også vere namnet på 
den første bilen mannen min og eg hadde
på 1970 talet.
Elles tenkje at ei boble 
kan i overført betydning brukast
om f. eks. eit menneske som går i eigne tankar
"går i si eiga boble".

Eg tok ei runde i nærområdet,
i naustet og ved sjøen.

Blåse som blir brukt som
kjennemerke oppå sjøen signaliserer at her er
garn eller teine
 i sjøen.

Garnkuler i glas 
tillaga som pynt er også ei type bobler.

Kuler laga i metall er 
innhole og bobler.


Sjå andre sine innlegg her:
Gemsweeklyphotochallenge v.12 -Bubbla -








torsdag 22. mars 2018

Bytur


Me hadde ein fin tur til 
Ålesund ein laurdag i mars.

Hurtigbåt frå Hareid til Ålesund ca ein halvtime.
Strålande ver og 
roleg sjø over Breisundet.

I Korsatunnellen var det ulike aktivitetar denne laurdagen,
Ella Victoria vann gullpengar, 
kanskje fordi ho hadde valgt å ha på seg så friske fargar ;)

Celina Marie fekk kjøpe seg 3 jakker !!,
knallgode tilbod i butikkane :)

 Nyt utsikta.

Hurtigbåten kjem inn Moljeagapet,
og skal ta oss med heimatt.
Celina Marie i ei av dei nye jakkene...

Det var ein triveleg dag i butikkane og 
sightseeing i gatene.
Maten åt me på Burger King.

Kjekt med bytur, 
me var einige om at dette skal
me gjere oftare.








mandag 19. mars 2018

Heimebane


Den nye Nrk-serien
" Heimebane "
er spelt inn på søre Sunnmøre,
hovudsakleg i Ulsteinvik
som er heimstaden min.
Sjølvsagt er me veldig stolte av å 
få vise fram dei vakre omgivelsane våre
til mange rundt om i Noregs land
og etter kvart andre land.



Ane Dahl Torp og John Carew
er dei mest kjende skodespelarane i serien.
I tillegg er mange lokale folk med som
statistar under innspelingane.


Innspelinga av sesong 2 er starta.
Denne veka gjekk det føre seg på nabogarden.
Nrk-bilar i massevis,
her parkert ved den gamle garasjen til far min.


Vona du ser serien på NRK søndagskveldane.
Ei spennande serie om ei føregangskvinne som trenar 
for eit herrelag i fotball i norsk toppserie.








torsdag 15. mars 2018

Meir gleder

Dagane med barnepass er omme
for denne gong,
roa senker seg i huset.
Me ser tilbake på
10 flotte dagar i lag med 
barneborna 
Celina Marie 15 år,
Leah Sofie 10 år og
Ella Victoria 5 år
sjå tidlegare innlegg
Det har gått heilt fint, ingen tårer
eller dårleg stemning.

Ein dag oppdaga me at ein fin ullongs hadde eit
digert hol på kneet.

Farmor hugsa at då 10 åringen var lita
hekla eg ei bot og sydde fast over holet.
med godt resultat.
No fann eg fram tråd som passa
og hekla i veg ..


Femåringen var fornøgd med
resultatet,
ho synest det var kult !

Siste dagen tok dei eldste barna i Sundgotmarka
barnehage buss til sentrum av
Ulsteinvik der dei markerte 
"barnehagedagen"
i lag med jamaldringane frå
dei andre barnehagane i kommunen.

Tema for dagen var
"La meg skape"
Det var ei rørt farmor som fekk
det fine bildet ho hadde teikna og
flotte armband.
Tusen takk Ella Victoria <3








mandag 12. mars 2018

På Uglesetra

Ordet denne veka er
Ovan 
eller over på norsk.


Ella Victoria og farmor var på
tur til 
Uglesetra
i går.
Der var mykje spennande å sjå og oppleve.
Nokre karar har laga til denne
fine opplevingsparken,
der små og store lika dei 
forunderlege påfunna ein får sjå.

Merkelege skapningar ligg
under trerøtene.

 Artig.

 Plukka fine strå.

 Kreative skapningar er det mange av.


 Ho prøvde reia som svinga
høgt over stien

 Slengde seg,


Og klatra i ei furu.
Ella Victoria 
OVAN terrenget.

Dei tre siste bilda er linka til utfordringa.








torsdag 8. mars 2018

Gleder


Kvardagen her i huset er annleis enn vanleg.
Frå å vere berre oss to gamle
er me no 5-6 personar
i 10 dagar.
Barneborna skaper liv og røre
i heimen.
Tidlege morgoner med frukost og køyring til
barnehage, barneskule og ungdomsskule
går fint.
Heldigvis har dei oversikt på aktivitetane sine sjølve.
Korpsøving, fotballtrening, karatetrening, skeisedag på isen
bading, bursdagsselskap, påskevandring i kyrkja ...
Ei stakkars farmor blir litt surrete og får kommentarar
som " du har spurt 4 gongar "...:)
Leksene passar dei på sjølve.

Farmor prøver å lage mat som dei likar,
speltbollar (dei er ikkje glad i frø..)
middager som brennsnut, 
laks med gulrot og cremefraichesaus, og
tomatsuppe med makaroni, grillpølse og reven ost
er sikre vinnarar.
Vidare må iallfall taco stå på menyen,
så får me sjå..

 På isen prøver farfar  å instruere Leah Sofie som
du ser bakarst.

Etter ei kuldeperiode i lang tid er det kjekt
at skulen kan ta med elevane på 
Kjerringnesvatnet så dei får prøve å gå på skeiser.
Dei hadde med pølser og anna til grilling
og kosa seg i det fine veret.

Det er fleire dagar att av barneborna sitt besøk,
me har funne ei rytme, farmor har vore på sine faste
timar seniortrim, farfar får unna 
songøving og kommunale møter.
Me synest det er kjekt å kunne bidra til at
foreldra får ei kjærkomen ferie i varmare strøk.










tirsdag 6. mars 2018

Frukt i fjøra

Denne veke er utfordringa ho Sanna
ordet: Frukt


Det kan vel diskuterast om tang og tare
er frukt eller grønsak,
men eg tek sjangsen på at det er 
frukt.
Eg må innrømme at eg ikkje bruka tang i maten,
men har høyrt at det blir
god suppe kokt på tang, kanskje eg skulle
prøve ein gong ?


Eg bur nær sjøen og har alltid likt
å vandre i fjøra.
Den gode lukta av tang og tare blanda med
salt og frisk luft gjer 
ein fjøretur til ei god oppleving.


Tang og tare er fleirårige brunalger.
Tang er mest vanleg i fjøra medan 
tare veks djupare.
Den eg vise her er truleg blæretang.
Det er kjekt å knipe på blærene og få dei
til å sprekke.


Etter ein fjøretur er skuldrane senka og
pulsen lav.

Sjå kva andre har skrive om frukt