Boge

Båge 

er ordet i utfordringa til Sanna

denne veke.

På norsk seier me boge (nynorsk) eller bue (bokmål)

Eg slit med svimmelheit for tiden.

Har til og med hatt eit

sjukehusopphold nokre dagar.

Det er ikkje funne noko årsak så langt, 

men håpe det snart går over.

Eg har ikkje Krystallsyke 

der problemet ligg i bogegangane i det indre øyre.

"Vestibularis-kvartetten"
Henta frå internett.
På bildet er mange bogar og svimle folk.

Bilder til oppgåva er frå inventaret i heimen.

Opninga til romet der me har bøker

og bilder er forma som ein boge.

Skiltet over er laga av svigerfar

med bokstavane til mannen min.

Bilda av besteforeldra våre

har bogeforma rammer

Like ved står vitrineskapet med øverste kant 

forma som boge.

Drikkehornet som far min har laga er

har også form av boge

Tusen takk for gode helsingar
i forrige innlegg <3

Gemsweeklyphotochallenge Veke. 43 - Båge -

Papir

Ordet i utfordringa til Sanna 

denne veke er

Papper

Syster mi Perly Lise er flink

til å skape ting,
som for eksempel denne:

Ei godt utlesa bok kan bli til eit
fint kunstverk.

På veggane har me mange kunstverk
laga av barneborna våre.

Dette bildet laga av ein papirserviett
fekk eg i julegåve frå 
Leah Sofie.

Celina Marie var ikkje gamle jenta då ho laga denne
figuren av ein papirbleie, papirpose og post it lappar.


Førsteklassingen Ella Victoria har laga
denne pynten i papir til denne påska.

Herleg synest farmor <3


Gemsweeklyphotochallenge v. 15 - Papper -

Tankar

Først av alt vil eg ynskje

Godt Nytt År til alle.

Takk for trivelege stunder i året som gjekk.

Tusen takk til 

SANNA

som vil halde fram med å gi oss utfordringar

også i det nye året.

Første ordet er

Tankar (svensk)

Thoughts (engelsk)

Eg er ikkje så aktiv med blogging som før,

men tanken er å prøve å løyse 

desse utfordringane.

Då blir det iallfall

eitt innlegg pr. veke.

Kanskje får eg tid og lyst til fleire.

I dagane før jul fekk eg pakke i posten,
Stor var mi glede over å få desse
lekre, varme og gode hjertevottane frå ei 
bloggvenninne.
Inni pakken låg også eit nydeleg kort
med gode oppmuntrande ord.
Omtanken varma langt inn i sjela mi,
og gjorde så godt i dei tunge dagane som 
prega oss alle.

Eg set virkeleg stor pris på dei 
gode og varme
tankane til Monika
i bloggen
Livet med GårdsFrua




Gemsweeklyphotochallenge v.1 - Tankar -

Meir gleder

Dagane med barnepass er omme

for denne gong,

roa senker seg i huset.

Me ser tilbake på

10 flotte dagar i lag med 

barneborna 

Celina Marie 15 år,

Leah Sofie 10 år og

Ella Victoria 5 år

sjå tidlegare innlegg

Her

Det har gått heilt fint, ingen tårer

eller dårleg stemning.

Ein dag oppdaga me at ein fin ullongs hadde eit

digert hol på kneet.

Farmor hugsa at då 10 åringen var lita

hekla eg ei bot og sydde fast over holet.

med godt resultat.

No fann eg fram tråd som passa

og hekla i veg ..

Femåringen var fornøgd med

resultatet,

ho synest det var kult !

Siste dagen tok dei eldste barna i Sundgotmarka
barnehage buss til sentrum av
Ulsteinvik der dei markerte 
"barnehagedagen"
i lag med jamaldringane frå
dei andre barnehagane i kommunen.

Tema for dagen var
"La meg skape"
Det var ei rørt farmor som fekk
det fine bildet ho hadde teikna og
flotte armband.
Tusen takk Ella Victoria <3

Julegåve

eller Julklapp som er det svenske ordet

er første tema i utfordringa til

Sanna i 2018

Mi aller første julegåve 

fekk eg jula 1949.

Då hadde eg nyleg fylt 1 år

Eg fekk julenissen frå morfar Jon

på Åsen

Nissen har stått framme kvar jul i

snart 70 år.

Eg har alltid prøvt å behandle den med varsemd,

men den ber preg av alder..

 Materialet i nissen er vel ein slags gips

trur eg.

 Eg las i eit ukeblad ein gong om slike nissar,

dei var vanleg å ha som julepynt

midt på 1900 talet.

Gemsweeklyphotochallenge v. 1 - JULKLAPP -

Tur til Trondheim

Eg fylgde Vigdis syster mi til 

St. Olavs Hospital i Trondheim 

der ho hadde ein operasjon i ei auge.

Medan ho var til behandling gjekk eg tur

til byen

Nidarosdomen

Idylliske gamle sjøhus

Det er fint i Trondheim.

Me tok ekspressbuss begge vegane.

Ein fin måte å reise på sjølv om det tok mange timar.

Det er sjeldan me har så lang tid til å

prate med kvarandre,

og me vart ikkje lens for samtaleemne....;)

Vel heime kom Vigdis med gåve fordi

eg fylgde henne.

eg vart glad for

 det flotte rosentreet 

♥

God betring

Eg skal besøke ei dame som

har eit langt sjukehusopphald framfor seg.

Fine blomster vil eg ta med,

gjerne Ranunklar.

Kanskje er det stort utval i

fleire fargar i blomsterbutikken ?

I påska kom eg på at eg skulle strikke lestar

og ta med.

Litt høgare vrangbord enn dei

eg strikka

 her

Dei er strikka i garnet Sterk,

og er mjuke og deilige å ha på.

Det kan bli litt hustre på romet så eg håpe

 det vil vere godt å ta på seg desse

 enten ho ligg på senga eller er oppe.

Mest av alt vil eg ynskje henne

God betring ♥

Vinnarlukke

Tenk å vere så heldig å vinne

det flotte slumreteppet 

Marianne`s lille rom

ga vekk.

Spennande å opne pakken.

Nydeleg teppe,

fargane kjem ikkje heilt til sin rett på bildet.

Det skal bli deilig å ta i bruk teppet

hekla i Alpakka og ullgarn.

Eg er nokså frostig av meg og

bruka ofte teppe/sjal over skuldrane

når eg sit i sofaen

så dette passa midt i blinken ♥

Tusen hjarteleg takk Marianne !

I tillegg til bloggen

Marianne`s lille rom @huset i krysset

har ho også ein

kreativ og spennande

Instagramkonto: @husetikrysset

og Facebookkonto: Marianne`s lille rom

Stikk ein tur innom henne !

Litt tøflestrikk før jul

Det vart strikka nokre enkle

tøfler i desember.

Eg kunne ha strikka lestar,

men dette er enklare,

og like varmt å ha på føtene.

oppskrift hos

Ingrids mirakler

Garnet Viking Raggen

70 % ull - 30 % nylon

Raggi frå Järbo

70 % ull - 30 % Polyamid

Gründl Hot Socks Skandinavia

70 % ull - 30 % Polyamid

Tova tøfler strikka i

Cortina Soft

Sydde på bitar av 

antisklimatte

som også forsterkar tøffelen.

Vona at dei som fekk tøfler

er varme på beina sine.

Bøker i julegåve

Juleboka til GatemagaZinet i Fredrikstad
var eg så heldig å få av 
Bloggvenninne Inger i mormoruniverset
Mykje fint å lese der.
Tusen takk Inger !


Juleroser
Eit vakkert julehefte, redaktør Herborg Kråkevik,
 inneheld dikt, noveller, kunst og sangtekster
nydeleg fletta saman.
Tusen takk til mi venninne Britt.

Den spennande boka 
Fargene forteller av
 Tove Steinbo
Om fargenes betydning - symbolsk,
psykologisk og estetisk.
Eg må lese og studere og finne ut 
kva "fargesamansetning" eg er
før eg kan ta kartlegginga i heftet som
fyl med boka.


Den innhaldsrike  og fine boka
Vinterfugler
fekk eg tips om i eit innlegg hos
Kleppanrova
og kjøpte boka til mannen min.
Boka skal vere på hytta.


Boka av Anne Holt
I støv og aske
fekk eg av son og svigerdatter
Andrè og Renathe.
Spennande krimroman med
Hanne Wilhelmsen som
hovudfigur.


Edvard Hoem 
Land ingen har sett
er tredje bind i den store krøniken om
Knut Hansen Nesje og slekta hans.
Godt fortalt om menneske i første
del av 1900 talet,
slit og fattigdom,men også gleder.

Påfyll

av
Knekkebrød

Heimelaga knekkebrød er sunt og godt.

Fulle av frø og grovt mjøl.

Fasongen er ikkje det viktigaste, 

me lika dei best tynne og sprø difor blir

dei av og til litt brune i kantane,

men pytt pytt....

Den fine brødposen fekk eg i julegåve

av Celina Marie som har sydd den på skulen.

Farmor vart glad ♥

Det er mykje snø så me

har tenkt oss ut på ein liten skitur i dag.

God helg !

Strikka julekuler

Når jula kjem er det fint å pynte 

både ute og inne.

Dei fine strikka

julekulene eg har fått

av slekt og venner

blir hengt opp i glaset

Eg er så glad i dei flotte julekulene.
Dei er kanskje strikka etter 
oppskrifter av Arne og Carlos.


Eg ynskjer alle ei god og fredeleg jul !

Sølvsmykker

For nokre år sidan var mannen min og 

barnebarnet Celina Marie i 

Ivar Aasen tunet.

Der fann dei eit fint sølvsmykke som

dei kjøpte til meg

Eg lika godt dette smykket og brukar det mykje.

Det passar både til fest og kvardags.

Eg får stadig kommentarar frå

folk som ser det og

lika det.

Ein dag eg hadde det på meg i

sentrum av Nordfjordeid var det ei dame som

kommenterte at smykket er laga

av dotter hennar som har

butikk i Eidsgata.

Mannen min og eg gjekk inn i butikken

som inneheld utruleg mykje 

fint handverk.

Der såg han ei slipsnål som han 

likte godt.

Eg tenkte i mitt stille sinn

at dette er ei fin 70 års gåve

Slipsnåla i sølv med 

FARFAR 

inngravert passa perfekt for han.

Barneborna ga han denne i 

bursdagsgåve.

Kathrine Berg

er utdanna gullsmed

og har verkstad og butikk på 

Nordfjordeid.

Om du vil kan du kike innom og

sjå mykje fint hos

Bergart & Sånt:

Nettbutikk

For ordens skuld, innlegget er ikkje sponsa.