tirsdag 21. november 2017

Godis


er ordet i utfordringa til
denne veka

Minibakeriet i Nordfjordeid har mange 
gode bakervarer.
Eg er alltid innom butikken når me
skal på hytta.
I tillegg til bakst i mange varianter har dei mykje
kortreiste eksklusive varer
i hyllene.
I dag såg eg desse spennande
eskene med godteri.


Fint å ha med ei eske turglede
når ein skal på skitur...



eller 
karamellkos og lakrislykke...









onsdag 15. november 2017

Langsmed Akerselva


Ein av dagane eg var i Oslo fekk eg lyst til å
gå tur langsmed Akerselva.
For nokre år sidan gjekk me heile turen på 9,8 km
frå Maridalsvatnet og heilt ned.
Då tok me trikk til Kjelsås og fann fram til stien,
og hadde interessant omvisning av ein
lokal Oslomann.

Denne dagen gjekk eg åleine, starta langt nede, frå
 Vaterlandsparken like ved hotellet der me budde.
Måsane kosa seg i det fine veret.

Dessverre tok eg ikkje bilde av
Vaterlands bru, men gjekk over
den og ned på stien langsmed elva

Vakre Hausmanns bru

Vakkert å sjå på elva og omgivnadane rundt,
mennesker spaserte, sykla
sat på benkar, kosa seg.
Harmoni


Kulturkirken Jacob ligg i
Hausmannsområdet.
På høgre side trur eg viser hus
på Grünerløkka.


Eg forstår at ikkje langt unna er
BLÅ, konsert og skjenkestad i ei 
gammal industribygning i 
Brenneriveien ved Akerselva


Eg trur dette området
må vere veggkunstnarane sitt mekka..




Eg svinga over brua til Blå
på andre side av elva.

Turen langsmed elva avslutta eg her.
Etterpå rusla eg i gatene 
tilbake til hotellet.
Ein avslappande og herleg tur.

Det kjem eit innlegg seinare med bilder av
Graffitiveggane i Brenneriveien.











mandag 13. november 2017

Kunst


er ordet i utfordringa til 
Gemsweeklyphotochallenge
denne veka

Kunst kan vere så mangt

som det fine gelenderet
eg såg i Oslo



lørdag 11. november 2017

Oslo

Mannen min og eg var gjestar under
FLT sitt landsmøte
i Oslo sist helg.

Kvart fjerde år er me så heldige å
få vere med på dette fordi
Ottar var nestleiar i forbundet nokre år.

Me budde i Oslo  Plaza

For meg som er så opptatt av fin utsikt
var det flott å nyte synet frå
romet i 23. etasje,
her mot sør.

Mot nordaust.

Eg var ikkje med på alle møta,
men var mellom anna på 
Kaffibrenneriet,
der smakte eg på to sortar kaffi.
På vegen dit fekk eg tak i  
magasinet =Oslo som eg alltid kjøpe
når eg er i Oslo.

Gjestemiddagen var på Hotell Continental.
 Krabbesalat til forrett,
Dampet Villkveite til hovudrett
og Multer til dessert.
Fantastisk måltid.

Eg lika meg godt i Oslo og ser alltid
fram til neste gong eg skal dit :)
Det kjem fleire innlegg om opplevingane mine.








torsdag 9. november 2017

Mønster



er ordet denne veka i 
utfordringa til 

Eg var i Oslo i helga og brukar motiv
derifrå til utfordringa.


Eg var ein tur innom Husfliden.
Der kunne eg nyte fine mønster både på klede
og andre tekstiler.


På gata sto Sjakkbrikker klar for å bli sett 
i rett mønster

Flott mønster pryder skråninga langs trappa og gangvegen 
til Galleri Oslo.






mandag 6. november 2017

Bursdagstavle


I vår familie er det farmor som har oppgåva 
med å passe på at det blir sendt bilde
med tilhøyrande helsing til lokalavisa
når barneborna har bursdag.
Det har blitt nokre helsingar i løpet av dei 17 åra.
Nokre fleire familiemedlemer blir 
også hugsa når dei har rund dag.

Etterpå klippe eg dei ut og heng dei på 
ei tavle i gangen


Her heng det lag på lag med bilde/helsing.
For meg er det kjekt sjå at når dei er her på besøk
stoppa dei opp og leita på tavla,
diskutera korleis dei såg ut
i den og den alder.
Artig og enkel måte å glede andre på.







lørdag 4. november 2017

Svarthyllbær


I år er året då bæra på 
Svarthyllen har modna og får
henge i fred for fuglane.

Ein kan sjå tre med bær mange stadar,
iallfall her i kommunen.

Bæra er dekorative,
men også nyttige.



Eg tenkte å plukke meir bær for å lage
saft eller gelè,
men det vart med tanken.
Eg kom på at eg skulle sjekke om me hadde
brukt opp alt eg laga i
2008 då det også var mykje bær på trea.
I kjøleskapet i matboda i kjellaren sto framleis

Hyllebærsaft
 og

Hyllebærgelè.

Eg opna eit glas
Hyllebærgelèn smaka godt,
Eg trur den skal bli brukt.

Det minner meg om at mat tillaga under hygieniske forhold
og hermetisk lukka held seg i årevis !


For mange mange år sidan laga eg saft av 
Hylleblomsten.
Ei frisk saft med sommarleg smak.
Men eg har ikkje bilde av den.









torsdag 2. november 2017

Tjukkelestar


 Eldstesonen Andrè er sjukepleiar og jobbar
ofte om natta.
Då lika han å ha varme lestar 
i opne sko


Eg strikka dei av restegarn
etter blant anna dei grå under.

som han fekk i vinter.

Garnet er:
Mellanraggi frå Järbo
Eg strikka etter oppskrifta som står
på bandet rundt garnnystet.

Andrè lika godt lestane :)

Med det same eg var i farta strikka eg 
eit par ankelsokkar.
Kjekt å ha på lur til å gi vekk.
Desse ga eg til Ruth, tremenning frå Kanada 
som var her på besøk.











tirsdag 31. oktober 2017

Kinasøte


Dei blå vakre blomane er til
inspirasjon og oppmuntring i våte og kalde
oktoberdagar.

Dei lyste mot meg før helga

I dag  ser dei pjuskete ut,
men eg veit at så snart sola titta fram vil
dei opne seg og lyse mot meg.

Hausten har for alvor lagt grep om naturen,
og i morgon skriv me 
november.
Det er knapt 8 veke til jul.





mandag 30. oktober 2017

Tekst


er ordet denne veka 
i utfordringa hos

Som Sunnmøring og nynorskbrukar 
er det naturleg for meg å dele denne
teksta som me møter når
turen går på Eika,
ei idyllisk øy i Ulstein kommune.
Her kan du fylle vatn i flaska di.


"vatnet er sterkaste drykken
det driv både kvern og sag "

av Ivar Aasen,
norsk språkforskar og diktar.
Han er mest kjent som opphavsmannen til 
nynorsk (landsmål) som skiftspråk.









torsdag 26. oktober 2017

I veska


er tema denne veka hos

I dag fylgde eg mi snart 90 år gamle svigermor
til MR-klinikken i Ålesund.
Når eg skal hjelpe ein annan person
 er det greit å ha ei lita veske over skuldra.

Den gamle gode veska mi er i bruk ofte.

I veska er det akkurat plass til dei mest nødvendige tinga eg treng.
Pga ein liten skade i hjerna er eg ekstremt lydømfindtleg.
- Øyreproppene har eg alltid med meg,
dei verna meg mot lydar.
- Tablettøskja inneheld blant anna Paracet som hjelpe meg når
lydpåverknad i omgivelsane slit meg ut.
- Dentpastiller mot dårleg ånde ;)
- Leppepomade.
- Mobiltelefonen er sjølsagt med i veska ;)











søndag 22. oktober 2017

Saragenser til Leah Sofie


Leah Sofie var 10 år 15. oktober.
I haustferien var ho og eg ein tur til "bya" Ålesund,
der kjøpte me litt klede som ho hadde lyst på.
Me avslutta med mat på Burger King.


Fargen på genseren ho bestemte seg for er
Dus blå.
Den vart ikkje ferdig til sjølve dagen,
men no er den tatt i bruk.


Saragenseren er strikka etter oppskrift frå
Garnet Faerytale frå Du store alpakka.
Fantastisk mjuk og delig å ha på.

Eg har strikka 







fredag 20. oktober 2017

Eplekake


Eg var så heldig å få fleire kilo
epler frå gode venner som
har epletre i hagen sin.
I går baka eg eplekake i fleire
omgongar.

I mitt "arkiv" har eg mange oppskrifter på eplekake,
men eg lika godt den gamle som
mor mi brukte.
Eg vil skrive den her i bloggen så eg
finn den neste år.

Eplekake

4 egg
220 gr sukker
210 gr kveitemjøl
2 ts bakepulver
200 gr smelta smør
4-5 epler
Kanel og sukker oppå

Pisk eggedosis, sikt i mjøl og bakepulver,
ha i smelta smør til slutt

190 gr 25 - 30 minutt



Bilda viser resultat av 2 porsjonar deig.


Til 1 porsjon som skuffekake er ei form på 
ca 23 cm x 32 cm passe

Eplemuffins med vaniljeis
er kjempegodt


God helg !






mandag 16. oktober 2017

Metall


er ordet denne veka hos 

I sommar var me på tur over Trollstigen.
Under ei bru der var dette motivet.

Jern og Stål
med gras og stein som bakteppe.








lørdag 14. oktober 2017

Flyttedag

I dag fann eg fram eit innlegg frå 2015
og publisera på nytt.

Eg snur Primstaven til 
vintersida i dag
14. oktober.
Symbolet er ein vott.

Primstaven laga svigerfar
til me flytta inn i hytta.

Denne dagen blir kalla 
Vinterdagen fordi den markera starten på
vinterhalvåret.

14. oktober var flyttedag om hausten,
ei ordning som var praktisert fram til første verdskrig.
Den andre flyttedagen var om våren 14. april.
Utanom desse dagane var det ikkje lov for hushjelper og
gardsarbeidarar å flytte, eller skaffe seg nytt arbeid.

Som veret er vinterdag skal vinteren bli....

Godt ver i dag skal gi fin vinter, og snøen kjem seint.
Kaldt ver i dag er teikn på at det blir mykje snø.

Grønskjær på himmelen er teikn på at det snart blir frost.

Då eg sto opp i dag var det 5 grader ute, 
regn, men gløtt av sol.
Godt å vere inne 
med fyr i omnen.

Så får tida vise korleis vinteren blir :)

Ynskjer deg ein fin vinterdag !





tirsdag 10. oktober 2017

Høgt


Hos Gemsweeklyphotochallenge er
ordet denne veka
Høgt

I dag var det betongarbeid
ved sjøen her eg bur.
Den lange arma på 
betongpumpebilen raga høgt i vëret.

No har eg gått ei runde og kika og ser at det
er småbåthamna som
er støypt.
Kanskje hugsa lesarane mine at eg skreiv om 

Etter ein heller grå dag vart
det ein fin kveld.
Sola skin høgt over skyene.










søndag 8. oktober 2017

Naturen


fengsla meg 
under køyreturen på
Gamle Strynefjellsveg

Duvande myrull ved ein liten bekk


Dei grønkledde viddene
har gått gjennom den store endringa 
og fått 
rustraud drakt



Blåklokke på høgfjellet i oktober




                                             ------
" Ja, syng om at også september kan romme
en varme som verne mot vinterens vind
der håpet om solfylte døgn som skal komme
ligg gjømt som et frø i ditt mollstemte sinn,
- så famn oss, september, og gje oss å brenne
som bål imot vinterens kjølig pust
i tru på at sommaren aldri skal ende
men bæres som jernbyrd i oker og rust."

Helge Stangnes