søndag 24. september 2017

Hårpynt


Eg er ikkje flink til å kaste ting,
og kosa meg litt då eg kom fram på 
denne samlinga i skapet.
Hårrullar hadde eg kanskje kunne brukt enno,
i tilfelle dei minste.
Postisjen/laushåret hadde eg på meg som brud, 
og eit par gongar i fine anledningar,
men det er 40-50 år sidan...
"Smultringen" til Ballerinaknute trur eg neppe
eg har brukt. Eg har vel aldri hatt 
SÅ langt hår...

Eg skal jammen vise det til 
barneborna,
kanskje vil dei prøve ? 

Litt moro var det iallfall,
å sjå på det.
Trur du at det blir kasta ?
Nei, 
kjekt å ha :)









fredag 22. september 2017

Poteter


Eldstesonen Andrè med familie
dyrka poteter i terassa. 

Det var ein liten jordbæråker her fram til
leikarhytta vart sett opp.
Då vart det for mykje skugge for jordbær og
i vår kom dei på at dei skulle 
sette poteter.
Settepoteter fekk dei i Kaldholen hos
tante Siv Marit.

I veka før konfirmasjonen var tida komen for
potetopptaking.
Jentene frå venstre,
Leah Sofie, Ella Victoria og Celina Marie.
Stor avling på den vesle åkerlappen.
Potetene er av typen 
Troll.
Det var rikeleg poteter til 
konfirmasjonsmiddagen.

Restane av dei gode potetene kunne ikkje
kome vekk så eg kom på at eg skulle
prøve å lage potetkaker

Utsjånaden vart så som så.
men kjempegode 
med godt smør og sirup !!!
Namnam







onsdag 20. september 2017

Hortensia i september


Planta sto ute heile vinteren
i same vesle krukka den var kjøpt,
eg vatna den av og til.
I vår var den full av spirar, og
no har den blomstra i fleire månader.

Kan det bli vakrare ?

September er snart omme,
men hortensiaen er like fin enno.








mandag 18. september 2017

Sunnmørsbunaden


Ja, korleis ser den ut ?
Ein kan ikkje berre gå inn på Husfliden og
 kjøpe tilfong til Sunnmørsbunaden.
Du får spørsmål om kvar for ein.
Eg trudde det var ei sjølfylgje...
Men, nei det er  heile 
6 kvinnebunadar frå Sunnmøre !

Eg har tatt bilde av sidene i
ei brosjyre frå Husfliden.

Den me kalla Sunnmørsbunaden er
Ørskogbunad ( nr. 2 frå venstre på bilde nr. 1)
også kalla Märthabunad fordi ein slik bunad
vart gitt til Kronprisesse Märtha i bryllaupsgåve i 1929
Og det skal seiast, det er den som er
den mest vanlege Sunnmørsbunaden

Her er konfirmanten Celina Marie 
med oldemor Judith, farfar Ottar og 
farmor Anne-Mari.
Svigermor Judith broderte min bunad
på 1980-talet.
Ein bunad er god å ha  
i mange høve der ein skal vere 
kledd til fest.
Og sjølvsagt bruka eg den 17. mai.

Visst eg skulle skaffe meg bunad i dag trur eg at eg
ville vurdere 
Søre Sunnmøre bunad,
(den heilt til høgre på siste bilde)
den høyre til på vår kant av Møre og Romsdal,
men var ikkje  vanleg den gongen
eg fekk min.















onsdag 13. september 2017

Konfirmasjonen til Celina Marie 9. september 2017


Ei fin helg i september var det konfirmasjon
i Ulstein kyrkje,
102 konfirmantar fordelt på fire gudstenester
over to dagar.
Barnebarnet vårt
Celina Marie sin seremoni var
laurdag kl 12

Det var ei høgtideleg stund
i den vakre kyrkja vår.
Sokneprest Margit Lovise Holte og
kateket Bjørn Losvik
forretta.

Fine Celina Marie !

Med far Andrè og mor Renathe.

Nydelege blomsterdekorasjonar på 
festbordet i Bakargarden
i Ulsteinvik.

Gode kaker og dessertar frå familie og venner var det mykje av,
i god sunnmørsk ånd....

Gåvebordet var pynta med
hardangersaumduken som konfirmanten si oldemor Marie
har brodert.

Celina Marie fekk mange pengegåver.
Av farfar og meg fekk ho bunaden og ei
fotobok med fleire hundre bilde
frå fine stunder i lag med 
alle i familien.

Til lukke med framtida kjære Celina Marie ♥
Helsing farmor og farfar




mandag 11. september 2017

Hender

Hendene til " Sildekona " i Ålesund 
er mitt bidrag til 
ordet denne veka hos

Skulpturen av
Bjørn Tore Skjøsvik står på
Apotekertorget


Sjå også



Sjå andre si tolking her:







tirsdag 5. september 2017

Oske


Når me er på hytta er det det fint å kunne fyre i omnen.
Det blir lunt og koseleg.
Med små barn i familien er det viktig
å ha grind framfor omnen for å sikre 
dei mot å skade seg.

Så kjem eg til emnet i dag:
ordet er Ask, eller Oske på norsk

Oske er dei pulverliknande restane som blir att etter at
eit organisk materiale er oppbrent.
På døra blir det belegg som gjer at den
ser skitten og stygg ut.

Eg bruka å ta vatn på hushaldningspapir og
dyppe det i oske

Oska rensar effektivt belegget
 på glasdøra

Nesten ferdig,
tørke med rein våt klut eller hushaldningspapir
til slutt

Ferdig.
Glaset i døra er reint og blankt.











fredag 1. september 2017

Les


Ordet denne veka tolka eg som
det eg les akkurat no.

Eg har nettopp begynt å lese boka som får gode omtaler:
som denne: 
" Endelig finnes det en underholdende og lærerik bok
om det som i mine øyne er noe av det viktigste, og rareste,
universet har skapt; nemlig hjernen " Selda Ekiz







tirsdag 29. august 2017

Roser i hagen


I fjor planta me eit nytt rosentre, 
Summerwind med små rosa roser.
Eg gler meg til det blir større.
(bildet øverst)

Dei store flotte rosene heiter
Peer Gynt

I går kveld var det fæle vermeldingar,
sterk vind og regn.
Eg plukka inn dei store rosene

 Denne hugsa eg ikkje namnet på.
Tung med relativt tynne stilkar blir den fort
øydelagt av vinden.







søndag 27. august 2017

Kreative Perly


Yngste systra mi Perly Lise har alltid vore 
flink med hendene.
Då ho var lita jente gjekk ho ofte til
nabogarden for å vere ilag med ei
kunstinteressert dame frå "bya"
som måla på lerret.
Hadde det vore i dag hadde nok 
Perly fått gått vidare med interessa si  
ved å ta del i Kulturskulen.

På Ona har ho og familien kjøpt huset
der svigerfaren vaks opp.
Eit lite hus med små rom
og lavt under taket.
Dei har pussa opp og fått det veldig koseleg.
På loftsgangen har dei laga til ei alkove
med god seng og forheng 
Perly har måla døra inn til soveromet
i same stil som putene

På andre sida av døra har ho måla
vassliljer 
Lekkert på begge sider !

Eit gammalt bord med mange lag maling
har fått ny og flott utsjånad.

Ho har sjølvsagt hekla gardinene
i det vesle kjøkenet

Gjennom åra har ho ofte gledd oss med 
fine heimelaga gåver.

Akkurat no broderer ho Nordtrønderbunad til eldste barnebarnet
og strikkar
ps. han er modellen på bildet

Tidlegare innlegg












tirsdag 22. august 2017

Tuebuda


Bestefar Lars Breivik bygde sjøbuda
tidleg på 1930 talet.
I 1952 selde han den til handelsmann Hans Dimmestøl
som dreiv tilvirkning av fisk og sild der.
Eg hugsa godt at eg som lita jente såg på
mor mi og dei andre kvinnene som 
la sild på ein sirleg måte
i tønner.

Tuå sett frå sjøen.
Tuebuda til venstre.
Naustet og sjøhuset til høgre 
har dokke ofte sett på bilda mine.
I tunet er huset vårt øvst på midten, bak huset til
bror min. Barndomsheimen min er 
til høgre.
Husa bak til høgre er byggefeltet Skjerva
på andre sida av hovudvegen.

Siste åra har den sett slik ut.
I vinterstormane har me vore redde for å få
bølgeblekkplater og andre materialer 
fykande gjennom lufta.

Eg har likt godt å ta bilde av den.
Tuebuda hadde sin sjarm heilt
til det siste.

Ein augustdag i 2017 var tida komen


og den underkasta seg maskiners verk.

I dag er utsikta endra,
ein kan sjå til Ulsteinvik og
heilt til Roppehornet på Flø.

På tomta etter den gamle Tuebuda 
vil det snart kome opp fleire flotte naust.

Ein ny tidbolk er på gong.







mandag 21. august 2017

fredag 18. august 2017

Storhjelm eller Prakthjelm ?


Ona og Husøya er 
bunde saman med ei bru.
På Husøya ligg gravplassen


Ved den gamle kyrkjegardsmuren sto det 
fleire grupper av denne
 planten


Eg er usikker på om det er 
Prakthjelm eller Storhjelm,
fine er dei i alle fall.



Tidlegare innlegg om Ona 






torsdag 17. august 2017

mandag 14. august 2017

Bloddråpesvermer


På Ona fekk eg sjå ein 
sommarfugl 
som eg ikkje hadde sett før.
Med hjelp frå Google har eg funne ut
 at det er ein 
Seksflekket bloddråpesvermer
Zygaena filipendulae


Iflg. Wikipedia er den vanleg i Sør-Noreg nord til
Møre og Romsdal


Flott sommarfugl !






søndag 13. august 2017

Krabbefiske


Eg kan ikkje hugse frå min barndom
at far min dreiv med
krabbefiske.
Men yngste bror min Jon-Ove
er ivrig med det,
og ein dag i ferien hans 
var mannen min og eg med ut på
sjøen for å drage
krabbeteiner.

Fanga i nettet

Bra fangst..

Teina er tømt og lagt i
 fisk som agn før
den blir sett ut att

Bror min er eksperten på dette

Eg lika både det som er inne
i krabbehuset og 
i klørne.
Sjølvsagt med brød og majones.
Nydeleg måltid toppa med
 litt blankt i glaset.

Eg er klar til å fylgje fleire gongar
for dette var spennande.
........

Tusen takk for alle helsingane på 
innlegget om Karsten Warholm.
Han er ein flott fyr med
begge beina godt planta på jorda.