Nytt

Nytt

er ordet Sanna utfordrar oss på
denne veke.

Det nye er at eg

er i 70 åra !

Det kjennest litt rart når eg tenkjer

tilbake på 70 år gamle damer

for lenge sidan....

Av helsingane frå mine nære

1. desember.

Gemsweeklyphotochallenge v. 48 - Nytt -

Gladiolus og roser

Akkurat no har me fine avskorne blomster i stova.

Mannen min ga meg 

nydelege roser før helga.

Dei er like fine etter 5 -6 dagar.

  Roser er vakre.

Han hadde bursdag søndag, så då

fekk han Gladiolus og bok av meg :)

Ikkje slett så romantisk som roser,

men eg lika dei godt sjølv iallfall.

Klikk på bildet og sjå kor
vakker den er i sitt indre.

I går og i dag har det vore sol og blå himmel,

og det er godt etter alt regnet.

Eg har tatt inn Skaugumbegoniaknollane og 

rydda i krukker.

I morgå skal eg kjøpe litt haustblomster til å 

ha utfor døra.

Roger 45 år

I dag første august er 

Roger 45 år.

Når minsteguten har nådd 
middagshøgda
er det grunn til å sjå at alder er berre eit tal...

Roger driv eiga bedrift
og har mykje å henge fingrane i.
Han er pappa til Benjamin og Hans-Petter,
bonuspappa til Emilie og sambuar med Tanja.
Og ikkje minst,
han er pappa til 
Leonardo

Han er hjelpsom og omsorgsfull og
med god teknisk innsikt er han god å ha
i alle samanhengar.

Gratulere så mykje med dagen Roger !
Lukke til vidare.

Klem frå mamma og pappa

Her kan du lese forrige bursdagsinnlegg:

Roger 40 år

90 år

er svigermor Judith i dag 4. januar.

Broren Magnulf var 80 år i går.

30. desember var slekt og venner samla til
stor feiring for begge.

Judith las eit handskrive minneord ho skreiv på rim til

gravferda til mor si for over 30 år sidan.

Der fortel ho om oppveksten dei hadde på

fjellgarden Løset.

Det var trange kår, men ein heim fyllt av 
omsut og kjærleik.

I dag bur Judith åleine i omsorgsbustad,
ordnar det meste sjølv.
Ein gong i veka les ho for dei eldre (som ho seier)
på Dagsenteret.
Interessa for familien og 
kva som røre seg i samfunnet
er på topp.

Magnulf hadde sitt yrkesaktive liv ved
Ulstein Verft.
Han var aktiv i Idrettslaget Hødd som keeper
på A-laget då dei på 1960-talet 
spelte seg opp til toppserien.
Seinare var han trenar for fleire 
lokale fotballag.

Etter eit rikhaldig koldtbord hadde
90 + 80 års festen sjølvsagt
eit kakebord i god sunnmørsk ånd.

Underhaldninga var rikhaldig.
Sølvi, datter til Judith hadde skrive
prolog om begge jubilantane.
Det var fleire talar blant anna av 
eldste barnebarnet Andrè.
Martin viste gamle bilde på storskjerm.

Eg gratulerer mi gode svigermor 
hjarteleg med dagen.
Vona ho får mange gode år vidare !

Her , 
og
under etiketten 
Svigerforeldre
kan du lese fleire innlegg
om Judith 

Bursdagstavle

I vår familie er det farmor som har oppgåva 

med å passe på at det blir sendt bilde

med tilhøyrande helsing til lokalavisa

når barneborna har bursdag.

Det har blitt nokre helsingar i løpet av dei 17 åra.

Nokre fleire familiemedlemer blir 

også hugsa når dei har rund dag.

Etterpå klippe eg dei ut og heng dei på 

ei tavle i gangen

Her heng det lag på lag med bilde/helsing.

For meg er det kjekt sjå at når dei er her på besøk

stoppa dei opp og leita på tavla,

diskutera korleis dei såg ut

i den og den alder.

Artig og enkel måte å glede andre på.

Saragenser til Leah Sofie

Leah Sofie var 10 år 15. oktober.

I haustferien var ho og eg ein tur til "bya" Ålesund,

der kjøpte me litt klede som ho hadde lyst på.

Me avslutta med mat på Burger King.

Fargen på genseren ho bestemte seg for er

Dus blå.

Den vart ikkje ferdig til sjølve dagen,

men no er den tatt i bruk.

Saragenseren er strikka etter oppskrift frå

 Knitting Inna

Garnet Faerytale frå Du store alpakka.

Fantastisk mjuk og delig å ha på.

Eg har strikka 

Saragenser til meg sjølv
og til 

Ella Victoria

Saragenser til Ella Victoria

Ho blir 5 år i november,

men genseren er ferdig og ho kan sjølvsagt 

ikkje vente så lenge med å få den.

Genseren er strikka i str. 6 år og

er nok litt stor, men ho sjølv

er godt fornøgd.

Saragenser etter oppskrift frå

 Knitting Inna

Strikka med tråden 

Faerytale frå Du store alpakka.

Den er særdeles mjuk og delig å ha på.

I fjor haust strikka eg 

Saragenser til meg sjølv

50-år og heidra

Yngstebroren vår Jon-Ove 

fylte 50 år 9. februar

Som eg skreiv 

då Perly fylte 60 år

 er han 18 år yngre enn meg

som er eldst.

Eg bar han til dåpen og

 me ser mykje til kvarandre

då han bur i barndomsheimen vår

i same tunet.

Dagen feira me i stova vår der

me serverte potetball med godt tilbehør.

Me tok fram kasser med minner frå

barndomen og foreldra våre.

Sysken og svigersysken

kosa seg i fleire timar.

Litt pause med noko søtt 

til kaffi innimellom

praten og mimringa.

------

Dagen etter hadde arbeidsplassen hans 

 tilstelning for personalet 

og der fekk

Jon-Ove utdelt 

Norges Vel medalje for

Lang og tro tjeneste

 Medaljen for lang og tro tjeneste

er tildelt

Jon-Ove Breivik

31 år ved Sunnmøre Reinhaldsverk IKS

Ein stor heider !

Ein ekstra pin til å feste på jakkeslaget.

Gratulerer Jon-Ove !

60-åringen

Perly Lise 

Ho har eit sjeldent namn som det er 

ei spesiell historie bak.

Jenta vart døypt

Pergunn Lise i kyrkja,
kalla oppatt etter bestemor Pernille
og bestefar Lars.

Dagen etter ringde presten og kunne 

fortelje mor vår 

at då han skulle skrive namnet i 

Kyrkjeboka

fann han ut at namnet Pergunn ikkje kunne 

godkjennast....

Blant anna hadde det dårleg klang i utlandet..

Eg hugsar at mamma gret og

var fortvila.

Av fleire namn han foreslo å skifte til var

Perly

eit namn me ikkje hadde høyrt før,

men som i ettertid kling godt

og passa fint til 

systra vår

♥

Perly er ei aktiv dame, blant anna 

ber ho vidare arven frå mor vår som

mangeårig lokallagsleiar i 

Norske Kvinners Sanitetsforeining.

Me er 5 sysken,

eg er eldst, Vigdis to år yngre,

så kom Perly seks år etter.

Tre år deretter kom Lars

og til slutt lisjebroren vår

Jon-Ove som blir

50 år om nokre dagar.

I selskapet fekk me nydelege kalde og varme rettar

som ho hadde laga sjølv.

Dessverre gløymde eg å ta bilde av det :(

Kaker og dessertar smakte fortreffeleg.

Kjempegod mat og kjekke folk 

gjorde kvelden til ei

fin oppleving,

langt ut i dei små timar :)

Tusen takk for oss.

Mokkakake til bursdagsfeiring

Perly Lise,

syster mi skal feire

60 årsdagen 

sin i kveld.

Som vanleg lagar me kake eller andre ting

 til kvarandre ved slike anledningar.

Mitt bidrag i dag er

Mokkakake

Oppskrifta til den gode kaka finn eg hos:

Inger i mormoruniverset

I kortet ligg det pengar frå

sysken og svigersysken.

Ho kan kjøpe det ho har lyst til.

Gler oss til feiring !

♥

Blomster i vakre fargar

Wordless Wednesday

Flower Wednesday

Roser

 Ein av dei fine bukettane mannen min

fekk til 70 årsdagen

Flower Wednesday

Blomsterhelsing

Som eg synte

 HER

fekk mannen min

mange fine blomsterhelsingar til

70 årsdagen sin.
Eg er svært glad i blomster og

kjem til å vise ein del bilder av dei

framover.

 Nydeleg

Flower Wednesday

Saltmat og søtmat

Først av alt:
Ottar takkar hjarteleg for alle 
gratulasjonane frå bloggvennane mine !

I 70 årsselskapet
her

var det rikeleg med mat til

 gjestane.

Koldtbord levert frå eit lokalt 

cateringfirma.

To varme rettar +

variert utval av kalde rettar.

I tillegg laga systra mi den gode løksalaten sin,

som passar perfekt til

karbonader.

Celina Marie og Leah Sofie laga 

tapasretten dadler med bacon

Veldig godt !!

Gode kaker og dessertar !!!
Dei fleste hadde gjestane med seg.
Me bruka å lage til kvarandre 
når me har selskap.
Ein god skikk som avlasta vertinna.
Takk til Sølvi, Vigdis, Perly, Hege, Torill..

Mor til jubilanten, 88 år,
hadde kjøpt kaka med
gratulasjonshelsinga på.

Denne kaka var ny for mange av oss,
Troikakake laga av
svigerinne Siv Marit.

Kjempegod kake !


Du skulle fått ein bit av ei kake om
du stakk innom :)

Ottar 70 år

30 september.
Dagen vart feira med familie,
me var 34 små og store.

Ottar har vore aktiv i politikk og fagforeiningsliv
både lokalt og nasjonalt
heile sitt yrkesaktive liv så det blir
gjerne mykje merksemd
når han fyller år.

Vakre blomsterhelsingar frå
kjende og kjære

Største overraskinga var nok 

denne buketten

Laurdag var det 
Intervju i lokalavisa
side 14 og 15
Der kjem det dessverre lite fram
om familiemannen og 
den kjære farfaren.

Eg kjem tilbake med litt
å bite i,
i eit seinare innlegg :)

Glimt frå bursdagen

til Hans-Petter som fylte

12 år jonsokaftan

Han feira med familien samla 

til grilling og kos

12 åringen i samtale med

yngste søskenbarnet Ella Victoria

Ser du den fine "tatoveringa" mi ...

Skal me leike ...?

Leonardo da Vinci

treivst i selskap

Etter at alle var forsynte vart det litt kjøleg  

for grillmeisteren :)

88 års dag

I dag 4. januar har me feira

88 årsdagen til

svigermor Judith.

Judith bur åleine i omsorgsbustaden på Hadartun

etter at Hans døydde for to år sidan.

Innlegg Her

Judith har sine fysiske plager, men

er åndsfrisk og har eit friskt minne.

Kvar tysdag førmiddag 

les ho

for dei gamle på Dagsenteret.

Ganske imponerande må eg seie.

Ho legg ned mykje arbeid i å finne passande

lesestoff som skal vere

interessant og passande for

dei som skal lytte.

Til jul fekk ho blomster og takk

frå personalet på Dagsenteret for

innsatsen.

Det sette ho stor pris på.

Om du vil kan du lese om svigerforeldra mine

i desse innlegga:

snøv

Brødfjøla

67 års bryllaupsdag