Roger 45 år

I dag første august er 

Roger 45 år.

Når minsteguten har nådd 
middagshøgda
er det grunn til å sjå at alder er berre eit tal...

Roger driv eiga bedrift
og har mykje å henge fingrane i.
Han er pappa til Benjamin og Hans-Petter,
bonuspappa til Emilie og sambuar med Tanja.
Og ikkje minst,
han er pappa til 
Leonardo

Han er hjelpsom og omsorgsfull og
med god teknisk innsikt er han god å ha
i alle samanhengar.

Gratulere så mykje med dagen Roger !
Lukke til vidare.

Klem frå mamma og pappa

Her kan du lese forrige bursdagsinnlegg:

Roger 40 år

40 år.

Roger, den yngste av våre to kjære søner er
40 år i dag.

1974
(Fargane i kjøkenet vil vel kallast retro i dag....)

Feiringa i dag blir i Oslo med Norway Cup.
På bildet står Roger og ser på sonen Benjamin som er
målmann for laget sitt i turneringa.

Sommaren 1973 var solrik og varm.
Dronning Sonja og eg hadde termin same dato.
Ho fødde prins Haakon Magnus litt før tida,
vår Roger kom litt på overtid.
Fødselen starta medan eg sat på huk og
måla ei fyllingsdør på hytta til foreldra mine.

Distriktsjordmor Oddny Holte meinte fødselen kom til å gå fort !
Ei av sjukepleiarane eg arbeidde i lag med nådde ikkje fram
til sjukehuset nokre månader før, og hadde fødsel i sjukebilen.
Det sto for meg som eit mareritt.

Eg var klar for å føde heime.

Som god sjukepleiar hadde eg , i god tid før,
" desinfisert "to kvite laken.
Dei var kokte og strøkne og låg klar i kleskapet
mellom reine matpapir...

Timane gjekk, riene minka i styrke.
Jordmora fekk mannen min til å smøre brødskiver med syltetøy
til meg, næringa skulle gi styrke og auke samantrekningane
i den store muskelen som livmora er.
Logisk tanke eigentleg.
Klokka halv tre om natta var guten komen.
Ultralyd av gravide var ikkje vanleg den tida så det var
ikkje sagt på førehand kva kjønn barnet hadde.


Til lukke med dagen og framtida kjære Roger !
Helsing mor og far.




- Posted using BlogPress from my iPad

Minne

er Helena si utfordring i Fototriss

denne veka.

Eg vil dele bilde frå tida då

 gutane var små.

på 1970-80 talet.

Kvile med mat og drikke i

enden av Løsetvatnet.

Roger, Andrè og pappa Ottar.

På hytta til foreldra mine.

Andrè og Roger på kvar si side av bordet.

Brørne mine Lars og Jon-Ove på kvar sin ende.

Foreldra mine Marie og Karl på kvar sitt hjørne.

Bloggedama i midten.

Andrè og Roger sagar ved  bak

vedahuset på Løset.

Gode minne.

Du kan sjå minna til andre

HER 

 

Roger og bestefar

Kjekt for ein åtteåring
å få hjelpe bestefar og greide garna
før dei skal setjast ut for å
fiske sild.

Bildet er tatt i 1981,
(Tidlegare innlegg om Roger)

  
 Far min var glad i all mat og
særskilt den med spor ;)
Han ville gjerne at me barna og barnebarna
skulle lære å hauste av
naturen.

Minnene lever !

Anne-Mari

Leonardo

lika seg i snøvêr

" hvis et snøfnugg var en klem ville jeg gitt deg 
en hel snøstorm "
ukjent forfattar


Fleire innlegg om hunden til Roger med familie
finn du blant anna

her, her, her

Leonardo

er familien

til Roger, yngstesonen vår

sin hund

som eg har skrive om

her  her  her

Han er over eit halvt år no og
begynne å bli stor.

Helse på 

brørne

Benjamin og Hans-Petter

Han viser Hans-Petter 
yndlingsplassen sin.
Her har han full oversikt over
kven som kjem 
til gards.

Godt å ha ein prat med
pappa....

Leonardo er ein klok og fin
hund som har det
fint i lag med familien sin.

Leonardo veks

Stor gut no, men blir nok litt større,

Leonardo da Vinci som eg skreiv om her

Storebror Benjamin og  Leonardo

helsar på syskenbarnet

Ella Victoria

Godtatt !

give-me-five 

med pappa Roger

..godbit :)

Herleg hund som sjarmerer oss alle.

Mindre

17. mai 2014

Far Roger og son Benjamin snart 14 år

var nesten like høge.

her

17. mai 2015

Klar høgdeforskjell
eitt år etter.

TirsdagsTema: mindre

Fordon

er ordet denne veka.

" Fordon är ett transportmedel som används för att

 transportera gods och/eller människor och djur, över fast underlag. 

 Exempel på fordon är vagn, cykel och bil."

Eg vil vise bilde

 av bilen me hadde i 1975,

attmed nytt hus.

Volkswagen Passat i ein flott farge ;)

Gutane frå venstre

Jon-Ove 8 år bror min 

og sønene våre 

Andrè 5 år og Roger 2 år

GemsofmyLife v. 12 - Fordon -

Dagen min

I går vakna eg til ein ny strålande maidag.

Vakkert klokka sju.

Eg hadde tenkt å bake denne dagen for det minka

i frysaren og knekkebrødboksa.

Men i det fine veret fekk eg lyst ut på tur.

Me hadde parkert og starta turen til

Røyrafjellet før klokka var ni.

Det kjendest i lufta at skodda var på veg,

 og ho kom fort.

Me snudde nedatt når den innhenta oss.

Som vanleg på våre kantar er skodda veldig flyktig,

mange stadar er det opning og sola skin medan

skoddeveggen pustar oss i ryggen.

Me spaserte ein tur inn i Røyra då me kom ned,

der sat venner på verandaen og kosa seg 

med morgonkaffien, i sola :) 

Me vart ropt inn og hadde ei hyggestund 

med kaffe, is og kjeks før klokka var ti :)

Skodde og kald vind gjorde det enkelt

å starte baking då me kom heimatt.

Grove pizzasnurra er godt å ha i frysaren.

Barnebarnet Hans-Petter (som bur hos oss i vekene for tida)

 har slike til skulemat.

Grove rundstykke er sunt og godt,

og knekkebrød må eg ha kvar dag.

(fargane på maten ser litt rare ut,

knekkebrøda er ikkje brende..)

Eg avslutta dagen med å fylgje Roger til

Ålesund for å sjå barnebarnet Benjamin spele

fotballkamp.

Denne dagen følte eg at eg hadde vore 

effektiv, nesten som i yngre dagar hehe....

Hos Sanna er ordet i utfordringa

Ute denne veke

Gemsweeklyphotochallenge v 22 - Ute -

Trikketur til Frognerparken, og bursdag

Ein kveld i NorwayCup-veka hadde 

dei to minste barnebarna 

lyst på tur med 

trikken.

Utfor hotellet var det eit 

trikkestopp 

så me tok den første som kom.

Ella Victoria synest det var spennande.

Spontant steig me av

ved 

Frognerparken

Der er mykje spennande å sjå

for både små og store.

Monolitten er spektakulær.

Vakre blomsterarrangement over alt.

På veg ut av parken 

fekk me sjå ein telefonkiosk.

Barna hadde aldri sett ein slik.

For oss er det nostalgi.

Den er fullt brukbar og

Leah Sofie fekk prøve.

Today`s Flowers

Yngstesonen vår Roger 
er 42 år i dag.
Gratulere !

Stor bursdagsklem.

43 år

Eldstesonen vår Andrè 

er 43 år i dag 17. desember.

På den tida han kom til verda var det vanleg å ligge 

i fødeavdelinga lenger enn i dag.

Den nye familien kom heim julaftan kl 16.

Foreldra mine hadde laga til to rom

på loftet sitt til oss.

I ettertid har eg ofte tenkt på kor snille 

dei var som gjorde det.

Dei fire syskena mine 

frå 4 til 20 år budde også heime.

Soveromet til foreldra mine var

vegg i vegg med våre rom

så ro og fred var det nok

ikkje mykje av...

Det høyrer med til historia at då eine systra mi

stifta familie i 1974 budde dei

også i same husværet nokre år.

Ein glad gut i kjøkenet vårt.

Utslagsvasken er retro i dag,

det var berre kaldt vatn i springen.

Grepakomfyren hadde me i mange år.

 Lyslugga og blid med kveldsgrauten.

Det fine skapet/benken i bakgrunnen romma mykje, og

burde i grunnen vere i bruk i dag også.

Andrè har godnattstund i lag

med bestemor og bestefar.

Han har bandasje på handa etter at han

brende seg på kokande vatn som

vart henta i kjøkenet nede...

Han hadde det kjekt dei to og eit halvt åra

her, og når han flytta var det berre

femti meter til det nye huset

me bygde.

Sikring i bil var ikkje så vanleg på 

byrjinga av 1970-talet.

I folkevogna vår var det eit "rom" bak

baksetet. 

Der sto vesleguten oftast.

Eg får låkt i magen når eg tenkjer på det.

Sjølsagt var det ikkje den trafikken det er i dag,

men likevel.

Me fekk tak i eit barnesete med

bøylar som hang over seteryggen,

like gale !!

 Same sommaren me flytta inn i nyehuset

fekk han ein bror, Roger, som du kan 

lese om i innlegga:  Her
og Her

I dag er guten vaksen kar,

gift med Renathe og dei har tre 

flotte døtre.

Gratulere med dagen 

kjære Andrè !

Helsing mor og far

Leonardo da Vinci

er namnet til det nye 
"barnebarnet" mitt :)

Yngstesonen Roger med familie
har fått hund.

Ein nydeleg kvalp av 
rasen Eurasier

Den er to månader.

Hans-Petter er lukkeleg
"storebror "

Leonardo likte seg i armkroken til
"farmor" :)

Dei bur eit stykke unna så eg får desverre ikkje
 sjå den kvar dag, 
men eg gler
meg over det herlege nye
familiemedlemmet.


I like

Konfirmasjonen til Hans-Petter 15. september 2019

Soknepresten Margit Lovise Holte og
kyrkjeverje Cristfried Kaul 
forretta.
i Ulstein kyrkje.

Barnebarnet vårt Hans-Petter
 er konfirmert.

Fire generasjonar,

Oldemor Judith 91 år,

farfar Ottar, pappa Roger

og Hans-Petter 

Hans-Petter i lag med sysken
og syskenbarn
samla rundt oldemor.

Borda pynta til fest.

Songhefte med fleire gode songar,
blant anna Til ungdomen, Barn av regnbuen,
Tenke sjæl.

Kakebordet var som vanleg

rikhaldig.

 Sjølvaste kaka med barnebilde.

Det vart ein god dag,
men med eit bakteppe av sakn etter
mamma som døydde 23. november 2018.

Sorg