Frukost på Swejgaard B&B

18 juli bestilte me frukost hos vertsskapet.

Frukostbordet var delikat dekka 

i eit koseleg rom med teikningar

på veggane frå tidlegare gjestar,

og pelargonia i vindauga.

På enden fekk veslejenta

eigen barnestol

 og barneservise.

Naturell youghurt med frukt og bær var start på måltidet.

Ein drikk med  pressa ingefær skulle vere ein sunn og fin start på dagen,

frisk frukt og bær, og eit nydeleg brød rett frå omnen.

Egg og bacon pynta med godsaker frå hagen.

Meir ost og pålegg samt syltetøy av mange slag.

Til slutt eit godt kakestykke til kaffien

(du ser det på øvste bildet)

Ein nydeleg frukost som 

start på bryllaupsdagen vår :)

Om kvelden middag i ein restaurant i Løkken,

Desserten Sjokoladefondant

med tilbehør.

Brudgomen sin drikke,
Æblesaft med hyldeblomst

46 års bryllaupsdag

Meir om Swejgaard her

Omskapt bildeoppheng

Både mor mi og

far min var nest yngst i

syskenflokkar på sju.

Det var mange brudebilde

på veggane då eg var lita.
Dei tok stor plass.

 Så fekk dei ein lur idè.

Dei samla bilda i to rammer !

Øvst er far min sine sysken,

foreldra mine nr 2 frå høgre.

Bildet under er mor mi sine,
 eldste syster er på dei to bilda til venstre.

Ho vart tidleg enke og gifte seg oppatt.

I denne ramma vart det ikkje plass til alle difor

er bildet av broren og kona

for seg sjøl.

Kanskje fordi ho hadde bunad, eller

fordi bildet ikkje er i heilfigur ?

Eg har hengt desse bilda under trappa

der eg går kvar dag og likar å sjå på dei.

Under står bakstebordet som far min laga,

der har eg samla fleire gamle ting,

og nokre nye.

Eg linkar innlegget til

Onsdagstema som er 

Omskapat - HER 

Ynskjer deg ein fin onsdag !

Anne-Mari

Bryllaupsdag

Det er nokre år sidan me tok 

bilde av oss og sende

ut til familie og 

venner.

Romantisk skulle takkekorta 

vere.

 

Svigermor sydde brudekjolen,

i eit bomullsstoff

med mønster

 Eg har ein stoffbit liggande,

men kjolen har eg gøymt

så godt at eg finn den ikkje...

Der var små stoffkledde knappar

langt oppover armane, 

og i ryggen.

Eg var svært opptatt av at det skulle

vere enkelt, buketten skulle vere liten og

sløret uten mønster.

Eg hadde flate ballerinasko.

Dette var i 1970 og det var vanleg med 

mykje pynt .

Tida har gått så fort, det er ikkje til å tru.

Mange bryllaupsdagar medan ho levde, kom mor mi

med ein bukett

 blå Iris frå hagen sin.

I dag har eg plukka inn sjølv.

Den blå Irisen 

minner meg om henne ♥

Mannen min er meir romantisk enn meg og er flink til å 

SJÅ teikn i naturen.

Dette hjartet i ein stein skal få stå 

som symbol på 

kjærleiken ♥

Anne-Mari

67 års bryllaupsdag

Foreldra til mannen min

Judith og Hans 

har 

bryllaupsdag 22. juni.

Gift i 67 år !

Dei begynte å vere i lag i

mai 1944.

Tidlegare innlegg om dei finn du her:

snø , brødfjøla ,

I dag bur dei i omsorgsbustad.

Hans, snart 92 år slit med svekka helse fysisk.

Hovudet er heilt klart.

Judith 85 år, har også sine plager, men

med sin muntre replikk og lyse sinnelag er ho til
stor hjelp og støtte for mannen sin.

Det er ei artig historie om avstand i alder mellom dei.

Då Hans 23 år, kom til fjellgarden og vitja Judith som då

nærma seg 17 år, sa mor hennar til han.

" kva du vil med tausungen ? "

han svara at

" det veks ho nok av seg ..."

I dag er det ei glede at ho er såpass

yngre og kan hjelpe han.

Bryllaupet vart feira på fjellgarden der Judith 
var i frå, med over 70 gjestar.

Bryllaupsmiddagen var 

fiskepudding med fløytesaus til forrett.

"sosakjøt" i store mengder til hovudrett, og

sviskedessert med fløytemjølk til slutt.

I det vesle huset gjekk måltidet på omgang,
dei vaksne åt først, ungdomane og barna til sist.

Jenter frå bygda serverte.

Judith trefte ei av desse forrige veke.

Ho er 95 år og hugsa godt midtsommarbryllaupet.

Til kaffi hadde dei småkaker og kveitekringle.

bløtkake var der også.

Kveldsmaten var brødskive med pålegg.

Eg gratulerer hjarteleg svigerforeldra mine med

bryllaupsdagen !

Hipp hurra for 

Judith og Hans

♥