Sommarblomster

Blomma

er ordet i utfordringa hos 

Sanna denne veke.

Ei lita runde der eg bur fekk meg 

til å stoppe opp

og nyte synet av nydelege blomster.

 Det er rik blomstring langsmed vegkanten

denne sommaren.

 Eg høyrde nokon seie at det er så frodig i år

fordi sommaren i fjor var så tørr.

Ekstra frisk raudkløver i graset.

Blomstrane i fjøra er også flotte.

Gemsweeklyphotochallenge v. 30 - Blomma -

Ein nydeleg dag og kveld

Etter ein tur på kyrkjegarden og planting på graver

gjekk me ein tur langsmed stranda i nærleiken. 

Der rullar bylgjer frå storhavet mot land.

Dei vakre steinane er polerte av sjøen

og er eit fantastisk syn.

Nesten rart at dei får ligge i fred.

 Det låg an til ei flott avslutning på kvelden

her me bur i Tuå.

 Nokre minutt etter var himmel og sjø farga raude.

Måkene ligg nyt livet,

og ein båt er på veg inn i solstrålane.

(klikk på bilda så ser du betre)

Fuglane har flytta seg og båten er komen vel gjennom

stråleglansen.

Bylgjene etter båten er i ferd med å legge seg,

Idyllen er eit faktum.

Dagen var fantastisk,

spaserturen i fjøra nær sentrum

av Ulsteinvik,

og til slutt opplevinga av å bu på 

verdens beste plass.

Skywatch-Friday

Livet i fjøra

Ella Victoria har hatt nokre dagar hos 

farmor og farfar etter ho slutta i barnehagen.

Alle barneborna har opp gjennom åra hatt

fine sommardagar hos oss,

og no var turen komen til henne.

Heilt åleine i mange dagar, ingen sure miner,

berre glede.

Sjølvsagt måtte me utforske fjøra når

 det var muleg.

Krabbene gøymde seg i sanden under tang og tare,

men etter kvart fann

Ella Victoria mange.

Sjøstjerner og krabber i mange storleikar. 

 Bessie og farfar hjelpte til med

leitinga.

Det er viktig å lære at me må ta vare på alle levande vesen,

så me hadde snakka om det frå første stund

at krabbene måtte ha rikeleg sjøvatn, 

og at dei skulle sleppe fri så snart

me hadde fått sett på dei.

I den vesle videosnutten under ser du når me let

krabbane skunde seg over kanten på baljen

og kome seg i fritt farvatn igjen.

Ella Victoria hadde hatt ein opplevingsrik ettermiddag,

og eg er glad for at jenta fekk

oppleve same gledene som faren sin og farmora sin

barndoms lukke i fjøra.

tidlegare innlegg om safari i fjøra

Her

Her

Glasbrot

Det er alltid glasbrot å finne i fjøresanden

her eg bur.

Kvart år plukkar me slike brot og

fjernar dei så ikkje barn og vaksne skal 

skade seg på dei.

Fangsten var ikkje så stor denne dagen,

men hadde eg halde på ei stund til ville eg finne mange fleire.

Som bildet viser er mange av brota av

gammal dato.

Stor skilnad på flo og fjøre.

Kvar kjem glasbrota frå ?

Eg har tenkt at det var besteforeldregenerasjonen som

kasta brot frå glas og steintøy i fjøra,

men hadde dei SÅ mykje glas- og krustøy at det skulle

 bli så mange brot ?

Er det muleg at brota kan kome med floa frå andre stadar ?

Me høyre og les om funn av glasbrot på badestrendene, 

truleg av ny dato,

men "vår" strand er brukt stort sett berre av

oss som bur her,

og eg tvila på at nokon av oss

gjer dette.

Gåta blir nok aldri løyst,

me kan fortsette å plukke glasbrot og 

håpe at ingen skadar seg under bading.

Det er mange andre ting i fjøra som er mykje meir

spennande.

Det skal eg kome tilbake til i eit anna innlegg.

Frukt i fjøra

Denne veke er utfordringa ho Sanna

ordet: Frukt

Det kan vel diskuterast om tang og tare

er frukt eller grønsak,

men eg tek sjangsen på at det er 

frukt.

Eg må innrømme at eg ikkje bruka tang i maten,
men har høyrt at det blir
god suppe kokt på tang, kanskje eg skulle
prøve ein gong ?

Eg bur nær sjøen og har alltid likt

å vandre i fjøra.

Den gode lukta av tang og tare blanda med

salt og frisk luft gjer 

ein fjøretur til ei god oppleving.

Tang og tare er fleirårige brunalger.

Tang er mest vanleg i fjøra medan 

tare veks djupare.

Den eg vise her er truleg blæretang.

Det er kjekt å knipe på blærene og få dei

til å sprekke.

Etter ein fjøretur er skuldrane senka og

pulsen lav.

Sjå kva andre har skrive om frukt

Gemsweeklyphotochallenge veke 10 - Frukt -

Stein

Det er fint å ta ein tur til 

ytste Nordfjord ved storhavet

og oppleve slike

 naturfenomen 

Kannesteinen

 "er ein spesiell stettforma stein som står i fjøra i bygda Oppedalen på Vågsøy i Vågsøy kommune i Sogn og Fjordane fylke.

Kannesteinen har vorte forma av lause steinar og bølgjedraget gjennom tusenvis av år. Steinane har rugga fram og tilbake og vorte tilslipne, medan dei har grove seg nedover i fjellet. Etter kvart som nye steinar har kome til har sidene av grytene vorte slipt bort, og berre midtpartiet står i dag att. Steinen er om lag 4-5 meter høg. Han er eit populært fotomotiv og eit symbol for Vågsøy kommune."

Wikipedia

GemsofmyLife v. 10 - sten -

Ein dag i vinterferien

Skulefri og Leah Sofie lika å vere hos

farmor og farfar.

Mellom regnbygene ute vart det

bollebaking.

Farmor bruka alltid vekt så alle bollar 

skal bli like store.

Den vanen lærer eg gjerne vekk.

73 gram gir fine bollar.

Litt ulikt steikte,

er det speltmjølet som gjer det

skal tru ?

Etterpå gjekk me ut ein tur

i nærområdet

 Rydding av plast i fjøra

trengs verkeleg !!

Spennande i trollskogen :)

-------

Me prata om kongen og 

opplevinga då kongeskipet ankra opp

rett ut for land her i juni 2016.

Gratulerer hjarteleg til

kong Harald med

80 års dagen !

Helga mi

Ein del av helga har eg vore heime åleine,

mannen min var på 

sals- og signeringsrunde med boka si

Flest kvardagar

Det merkelege var at eg fekk arbeidslyst

og blant anna steikte brød..

Grove brød heilt utan kveitemjøl.

Eg brukte speltmjøl, både grovt og fint,

 grov rug og havregryn.
Namnam.

Eg kom på at Ella Victoria treng 

varme vottar.

I min iver strikka eg to venstrevottar ...

heldigvis har eg nok tråd så eg kan strikke 

to høgrevottar også ;)

Dei skal tovast.

Søndag formiddag fekk me tid til ein liten

spasertur i nærområdet

Magisk lys denne tidlege

formiddagen

Må berre vedgå at eg synest det er

fint her eg bur...

Queen Elizabeth blomstra framleis 

i hagen.

Eg ynskjer alle som er innom 

ei fin ny novemberveke.

Helgbilder

Utvatna

Onsdagstema i dag er

 Urvattnad.

Med storhavet rett inn på Fløstranda,

kjem det mange

rare ting

drivande.

Sjå fleire utvatna ting

Her

" han såg ut på det bårute havet,

der var ruskut å leggja ut på,

men der leikade fisk ned i kavet,

og den leiken, den ville han sjå. "

Ivar Aasen

Deler på Skywatch Friday

Roger og bestefar

Kjekt for ein åtteåring
å få hjelpe bestefar og greide garna
før dei skal setjast ut for å
fiske sild.

Bildet er tatt i 1981,
(Tidlegare innlegg om Roger)

  
 Far min var glad i all mat og
særskilt den med spor ;)
Han ville gjerne at me barna og barnebarna
skulle lære å hauste av
naturen.

Minnene lever !

Anne-Mari

" blondekant "

Onsdagstema # 155

er

 " SPETSKANTAT "

Google si omsetjing av ordet er

blondekant (på klede ?)

Eg bur ved sjøen og nyt å

gå turar i fjøra.

 

Her fann eg mi tolking.

 

Sjøen som bryt mot land

lagar skum som liknar på ein

blondekant 

rundt fjøresteinen.

Fleire " Spetskantat " bilde finn du

HER 

Eg ynskjer deg ein fin onsdagskveld !

Anne-Mari