Stemmeretten

Eg har gjort borgarplikta mi.

Røysta på førehand !

Ynskjer deg ei fin helg.

 Anne-Mari

 

Rosa

blomster i hagen

akkurat no.

Spirea japonica

(trur eg)

Kjem ikkje på namnet.

Eg har kjøpt ny linse til kameraet og

kosar meg med å finne gode

motiv.

Takk for alle fine kommentarane til

Settekassa.

Kjekt !

Eg linkar innlegget til
Torsdagstema: I like #108 

Anne-Mari

 

Settekasse

Eg har lenge prøvt å få tak i settekasse.

I ferien kom eg over denne i eit

telt på Youngstorget.

Det er vel eigentleg ei skuffe ?

Etter grundig reingjering

kunne eg henge den på veggen.

 Eg slo opp i

Typografika ordbok

og las denne forklaringa på kva ei settekasse er:

" Når det ble benyttet løse bokstaver (typer) for å sette sammen ord til linjer, 

og linjer til sider, benyttet setteren en settekasse til å oppbevare typene

 (bokstaver, tegn og utslutninger).

 Settekassen besto vanligvis av to grunne brett eller skuffer med 

bestemt plassering for de enkelte typer i ca. 45 egne rom (fag). 

Kassen var delt i to deler, den nederste for de mest 

brukte tegnene (derav navnet lower case),

 og den øvre for mindre brukte tegn (upper case), 

eksempelvis versaler."

Ut i frå denne forklaringa er 

mi settekasse ikkje typisk.

Den har dobbelt så mange rom.

 

 Handtaket på "skuffa".

Merket.

På nettet fann eg dette:

" Bodoni Antikva har lige siden midten af 1940erne været meget benyttet som bogskrift i Danmark og Sverige. Skriften produceres som digital font i lidt varierende udgaver af flere skriftleverandører, bla. ITC, Bauer og Adobe "

 Kan det tyde på at i denne skuffa låg bokstavar og

teikn som vart nytta berre til denne

type skrift ?

At kvar settekasse hadde sine særeigne 

teikn for ei type skrift ?

Spennande !

I mi settekasse skal små

pyntegjenstandar få plass.

 Desse bittesmå grisane i glas kjøpte eg

i Tallin for mange år sidan.

Nokre av desse har eg vist fram 

HER

 

 

Ripsbær

Barnebarna vil ha " farmorsylte " når dei

er på besøk.

Då er ripsgelè kjekt å ha.

Over førti små og store glas

er produsert i år.

Her ser du framgangsmåten 

Me er inne i siste sommarveka dette året.

Vonar den blir fin for

oss alle. 

Anne-Mari

 

Postvegen

I den solrike og varme seinsommardagen
køyrde me den gamle Postvegen på veg til hytta.











Ei av dei fine bruene vegen går over.

Du kan sjå fleire bilde frå Postvegen i dette innlegget.

Vona du har ein strålande laurdag !

Anne-Mari


Posted using BlogPress from my iPad

Skaugum

Knollbegonia  `Skaugum `

 

Den er vakker no på seinsommaren.

Blomstrar til knollen blir

plukka inn ved første

melding om frost.

Denne helga melder meteorologen

lett bris og fint ver.

Glede !

God helg til alle !

Anne-Mari

Glimt frå sommarturen 4

Me køyrde litt alternative vegar, 

gamle sørlandsveg der det gjekk an, og 

Nordsjøvegen langs kysten frå

Flekkefjord til Stavanger.

I Sokndal kommune

stogga me fleire stadar.

Slike hjarte med ulik tekst såg me mange av.

I denne kommuna hadde dei i mai 2005 seremoni for

å gravlegge Jantelova. 

Kvart år etter har dei markert dette ved å

lese Anti-jantelova og trakke på jorda rundt

minnesteinen for å halde Jantelova nede.

Veke 39 kvart år er kjærleiksveka,

då har dei forskjellege måter kvar dag 

til å vise kjærleik og omsyn til kvarandre.

Åna-Sira, for meg var namnet kjent

berre frå vermeldingane ;)

Markerer skiljet mellom Sørlandet

og Vestlandet.

Etter å ha køyrt på utrulege vegar,

høgt til fjells i hårnålsvingar som ikkje

er ulike dei me har heime f. eks til Geiranger,

  kom me til 

Jøssingfjorden

Kanskje mest kjent for si rolle

i samband med krigen

Helleren i Jøssingfjorden.

Her ligg hus frå svært gamal tid.

Frå Hauge i Dalane tok me ein avstikkar til

 Sogndalstrand.

Ein nydeleg liten plass der det ligg

gamle trehus frå 1700- og 1800 talet.

I 2005 blei Sogndalstrand

freda.

Kong Harald sitt symbol

 på brua over lakseelva Sokna.

" Her bor en fisker...

Sammen med sitt livs beste fangst ! "

 Flott plass med mykje fint å kvile auga på.

Utsikt til Nordsjøen.

Ein kunne sjølsagt gitt seg betre tid når ein skulle

køyre langs kysten av Noreg på veg heim frå Oslo.

Men etter ein fin tur vidare over Jæren 

overnatta me i Stavanger.

Neste morgen ausa regnet ned, då blei

heimlengten for stor.

Me køyrde frå morgon til kveld og

kom til hytta før natta seig på.

Det regna der òg....

Takk til alle som har fylgt med på turen.

Det kunne vore skrive mykje meir om opplevingane,

 men det får halde med små glimt.

Takk for alle fine kommentarane. 

Anne-Mari

Glimt frå sommarturen 3

Neste stogg var i

Kragerø.

Ein fin by !

Sol og finever.

Skikkeleg sommaridyll med 

mykje folk som kosa seg på utestadane.

(klikk på bildet så det blir større)

På kaia sto ei pølsebu og 

freista med

" ekte og ærlige pølser "

Det måtte me sjølvsagt smake på !

Og godt var det.

Planen var å sjå Risør òg,

men der var trebåtfestival og kø av

bilar så langt auget såg.

Me snudde og køyrde strake vegen til

Kristiansand der me skulle 

overnatte.

På veggen i hotellromet var desse orda

dei første me såg.

" Life is good "

Orda gjorde godt

 etter ein lang dag i bilen.

Ein liten spasertur viste at i denne byen òg var

det blomster i alle variantar.

Neste dag gjekk turen til Lindesnes.

Me kunne ikkje vere på Sør-landet utan å

vitje sørlegaste punktet på fastlandet i Noreg.

Her snakkar me om avstandar.

 Lindesnes fyr var den første offentlege

i Noreg så tidleg som år 1655.

Det noverande fyret er frå 1915.

 Mannen min som er ein samlar,

kjøpte eit kort, la det i ein konvolutt, fekk den

frankert og stempla her, og sendt heimatt.

Vel heime fann me den overraskande 

i postkassa...

Stein  ved trappene

opp til fyret.

 Artig vervarsling :)

Takk til alle som har fylgt meg på tur !

Anne-Mari

 

Glimt frå sommarturen 2

Det var mange stadar ein

kunne tenkje seg å stogge på turen,

men det måtte prioritering til.

Overnatting i Sandefjord.

Her gjekk me kveldstur i det 

fine veret.

 Kvalfangstmonumentet

viser fangstfolk i open båt.

Ei gate med vakre

gamle hus.

Og fint pynta med blomster

i byen.

Neste dag gjekk turen vidare i ganske

kraftig regnver så me stogga

ikkje før i Langesund.

Her var det Fiskefestival og eit yrande folkeliv.

Lunsjen åt me her.

Tallerkenar breddfulle av

heimelaga fiskesuppe og bacalao.

Nydeleg !

Her var loppemarknad utandørs der

eg leita fram små

ting til å ha i settekassa me

kjøpte på Youngstorget.

(den skal eg vise fram i eit seinare innlegg)

God søndag !

Anne-Mari

Glimt frå sommarturen 1

Etter ei lita veke i Oslo

køyrde me sørover i landet

i strålande ver.

Eit lite stopp i Horten

viste ein by 

pynta til sommar med

eit vell av vakre blomster.

Eg vil vise bilde frå fleire

stadar i Sør-Noreg

etterkvart.

Eg ynskjer deg ein fin fredagskveld !

Anne-Mari

Himmelsk #150

Dette er førebels siste gong

Petunia utfordrer oss

til å sende inn dei 

himmelske bilda

våre. 
Takk for at eg har 
fått vere med !

I går var det ein strålande

dag, 

og solnedgangen 

var fantastisk.

Eg sprang ned til sjøen for å

få fri sikt, 

men greide ikkje å vente,

eg måtte knipse sola mellom 

naustet og sjøhuset

 Ser du vindauget

på naustveggen ?

Open naustdør gjer at du ser 

både himmelen og sjøen

gjennom vindauget.

Sjå fleire himmelske bilde

HER 

Etterlengta

 på torget.

EFTERLÄNGTAT
(fritt tolka)

er Onsdagstema hos Birgitta

Vasslilje / Nykkerose

I sommar har eg sett 

gule vassliljer for fyrste gong.

Lagsmed Nordsjøvegen(Kristiansand til Stavanger)

var det mange vatn som hadde

både gule og kvite.

Det var ikkje lett å få ta bilde av dei.

Enten var det for mykje trafikk til å stoppe bilen,

eller det var vanskeleg å kome nær

nok til å få skikkeleg bilde.

 (Nuphar lutea)

Gul nykkerose har ovale blad som er grøne på begge sider. 

Stilken blir opptil 5 cm tjukk og kan bli 1 m lang. 

Dei 4-5 cm breie blomstrane er gule og nesten kuleforma. 

Ungane til Kanadagjæser kom symjande forbi.

Eg likar kanskje best den kvite vasslilja som er
 vanleg her på våre kantar...

Eg ynskjer deg ei fin ny seinsommarveke !

Anne-Mari

Blåbær

Det er blåbærsesong.

Men i år skal eg ikkje plukke så mykje,

det er fleire porsjonar med rå blåbærsaft

i frysaren.

I staden gler eg meg stort over å sjå at

 over 60 personar
har leita fram innlegget mitt 

om saftlaginga i fjor.

Du som ikkje har sett det kan sjå det

HER 

Eg ser for meg at det er rå blåbærsaft på

mange bord :)

Her rundt hytta var blåbæra tidleg ute.

Eg tok dette bildet i midten av juli.

Rart når ein tenkjer på at det er på fjellet.

I går låg desse i butikken og freista,

Kr. 9,90

Det blir sjølvsagt høg kilopris, men eg

unner meg ein smak :)

I dag kjem tre barnebarn så då kan me

ta med spann og plukke blåbær.

Kanskje lage vafler og ha

rørd blåbærsylte til..

♥ 

Ynskjer dei nye følgarane hjarteleg velkomne !

Takk for alle fine besøk og kommentarar

eg får frå dykk der ute :)

Det gjer meg glad og gir inspirasjon til å halde fram

med blogginga.

Eg ynskjer deg god helg !

Helsing Anne-Mari