mandag 30. juli 2012

Ferie

det regnar ute
hotellrom
nettkontakt ;)
bøker og blad, og kanskje hekle ?



godsaker for meg.



og for han som ikkje er allergisk mot nøtter...


- Posted using BlogPress from my iPad

fredag 27. juli 2012

Peer Gynt

Kjøpte ei ny rose tidleg i sommar
Peer Gynt

Den er eit meisterverk
som set i sving sansane mine
 ♥


Eg er så takksam for alle fine kommentarane
dokke skriv på bloggen min !

God helg !

Klem frå Anne-Mari



onsdag 25. juli 2012

Fisk-anatomi

Ein fin kveld på sjøen.
Åtteåringen og farfar skal prøve fiskelukka


Ein fin liten sei beit på.

 Åtteåringen var mest oppteken av 
anatomien..

 Stor var undringa over at hjartet til fisken "banka"
lenge etter det kom ut i det fri 
(det var nytt for farmor òg)
"Lungene" , lever og rogn vart nøye studert,
og skal takast i vare på glas....ja, han har hatt salt i vatnet ;)
Den vakne lesar ser at hovudet er av ein
makrel, som dei fekk dagen etter ;)
Uansett viktig å ta vare på !! 

Han har lyst til å vise det fram på skulen, men innser at
det blir litt lenge til skulestart..



mandag 23. juli 2012

Hissetre

I gamle dagar brukte dei hissetre eller beretre til dømes til å
bere vatn frå brunnen til klevask, husvask og sjølsagt til mat og drikke.
Det vart også brukt til å bere mjølkespann frå sætra og ned til bygda,
Dei bar nok på den måten for å spare hendene sine.

 Hissetreet har ei utsparing slik at det ligg godt inn til nakken.
Det har eit tau med krokar i kvar ende til å hekte bytta i,
det gjer at det blir balanse og innhaldet i bytta skòlar ikkje så lett utover.

Det er faktisk godt å bruke, 
og for eit par år sidan sparde eg skuldrane mine 
ved å nytte hissetreet til å bere singel.

Ikkje fulle bytter, men etter nokre 
turar jamt og trutt  fekk eg flytta mykje

 småstein frå framsida til baksida av huset.
----

På bildet i midten er ei gamal furu
med klatrehortensia veksande oppetter stamma.
Må berre vise korleis den ser ut no i juli,
og at den no har nådd toppen av treet
(som eigentleg burde vere nedsaga)..


Takk for at du ville høyre om hissetreet ;)

God julimåndag same kva ver det er der du er ♥

 

fredag 20. juli 2012

Marit Vassause

Den gamle vassausa er berre
til pynt no for tida..

  

Merket på primstaven 20. juli er
Marit vassause

Opphaveleg ein kyrkjeleg minnedag for den heilage
Margareta frå Antiokia som leid martyrdøden i år 307.
På denne dagen var slåtten i gong, og 
folk ottast regn.
Det vart sagt at fekk ho Marit Vassause noko
 i vassausa si denne dagen
vart det vondt å få høyet tørt den sommaren.

No på førmiddag har me sol frå nesten skyfri himmel 






onsdag 18. juli 2012

Velsmakande lunsj hos
Kaffikari 

Godt likt restaurant/kafè
i eit gamalt sjøhus.

Nydeleg klippfisksalat
Mmmm...


Kaffe latte,
kunst !

Og den smakte !!


Kva me feira ?
42 års bryllaupsdag ♥

Eg minnest mor mi som kvart år
 kom med ein stor bukett iris 
på bryllaupsdagen vår ♥



 Litt "sprudlevatn"i glaset
kan ein unne seg
ein slik dag ♥ 


Gratulerer med dagen kjære mannen min !
Takk for at du er du



tirsdag 17. juli 2012

søndag 15. juli 2012

Tistel

" Det står ein mann ned i bakken,
med raud hue i nakken.
Ti still den som veit det,
hans namn har eg sagt "

Dette er ei regle/gåte me lærde 
i barndomen

Tok ei lita runde i nærområdet,
denne er eit vanleg syn.

Vakker på nært hald, men fy 
kor den stikk.
Las forresten i Magasinet i går
at den er etande.

 Ein annan variant

 enda ein

staseleg.

 litt kry av dette bildet...

Eg driv og prøver og feilar med nyanskaffa kamera
skjønar du :)

God søndagsettermiddag

fredag 13. juli 2012

Hylleblomst

Det står ein 
Svarthyll i hagen.

Den er full av dei vakraste blomster 
ein kan tenkje seg
 zoom inn bilda og sjå


Det blir ikkje laga råsaft av hylleblomst no,
har i frysaren frå i fjor. 
Eg vil heller vente til bæra modnar.
Viss eg greier å lure fuglane kan det kanskje
bli att litt til å lage gelè og saft.

Men det enklaste er å kjøpe av 
lokalmatprodusenten
Der kan ein få dei nydelegaste 
produkt av alle slags bær og frukt.
 NB. sjå etter dei der det er Bondens Marked. 


Eg ynskjer nye fylgjarar hjerteleg velkomne ♥
Takk til deg som er innom på besøk !
Og takk for alle koselege kommentarane !


Ynskjer alle ein fin fredag den trettande

Klem frå Anne-Mari


 


onsdag 11. juli 2012

Blåklokke

Skreiv litt tidlegare i sommar om 

" je er i a nå "

♫..♫..♪..♪

 

♥ ♥ ♥




mandag 9. juli 2012

Pengekasser

For ei tid sidan var eg på besøk i
 "flo og fjøre" kafèen i Brandal.
Der har dei salg av handarbeidsting laga av
 lokale kunstnarar i tillegg til 
mange gamle skattar.
 Ein kan òg få kjøpe middag, kaffi og gode kaker.

To damer har skapt ein spennande 
møteplass.

Den gamle krakken måtte eg ha !

Kassa med blomster er særeigen
 Den var brukt til å sende pengar frå Norges Bank
avdeling Ålesund til Hareid Sparebank på Hareid.
Denne kassa hadde plass til 3000 kr.
Den er brei og kort.

 Kassa med dei blå stemorsblomstrane er òg
ei pengekasse. Den er smalare og lenger,
 har ikkje merkelapp.

Skal tru om det var sedlar eller myntar, eller
begge deler som var i kassene ?

Er det nokon som veit det ?

Er det fleire enn eg som hugsar å ha sett kor store 
sedlane var på 1960 talet?
Såg nok ikkje mange, men hugsar at dei var kjempestore,
nesten A5 format ? 




søndag 8. juli 2012

Rabarbrasyltetøy med fiken

Svigerforeldra min som eg har fortalt om før
Her og Her
har i alle år laga Rabarbrasyltetøy på sin eigen måte.
Når helsa deira sviktar syns eg det er viktig at me
i neste generasjon fører tradisjonen vidare.
 Oppskrifta var ikkje nedskriven så her var 
hugsen deira god å ha.

Eg gløymde å ta bilder undevegs...
Resultatet ser slik ut

Oppskrifta.
2 kg rabarbra i bitar (eg tok av ytste laget)
2 kg sukker over bitane,
ca. 12-15 tørka fiken i små bitar opp i blandinga.
dette skal stå til sukkeret er oppløyst, gjerne over natta.
Koke lenge...til sylta blir brunaktig på farge.
1 pk Certo syltepulver, måtte bruke litt ekstra sukker (ca 1 dl)
 (les framgongsmåte på posen) 



Dette blir ei haldbar sylte som smakar 
fortreffeleg ! 

 

lørdag 7. juli 2012

Peon

Eg likar peonar !
I hagen min er denne
 Silkepeon  (Paeonia lactiflora hybrid)
Gul midten og silkeaktige kronblad

Her like før den opnar seg heilt

I gamlehagen til foreldra mine står denne
vakre

Bondepeon eller Klosterpeon
(Paeonia officinalis)
med fyldige blomster

Nydeleg når den står i knupp òg.
Den veks og trivst ilag med dei mindre
likte naboplantene sine ;)

På våre kantar har det ofte vore regn på den tida peonane
blomstrar. 
Det  likar dei dårleg,
blir fylte av vatn, tunge og bøyer seg til grunnen.

Veret hittil i sommar har vore så bra at
 peonane får stå og kan nytast til fulle

Tusen hjerteleg takk til alle som stikk innom, som
kommenterer og som gir meg munnlege 
tilbakemeldingar 
Det er ei stor glede for meg ♥

Vonar du får ein fin laurdag og helg som kan fyllast
med ulike opplevingar,
akkurat slik DU vil ha det !!

Klem frå Anne-Mari

fredag 6. juli 2012

Hurra for livet !

Kalendaren med gode ord har eg fått av

Desse nydelege julidagane kjenner eg
at det er godt å leve.
Ikkje berre på grunn av det gode veret der ein kan
 vere like mykje ute som inne, 
men også over gleda ved å vere ilag med 
dei eg er glad i ♥ 

Phil Bosmans har skreve boka
Hurra for livet

Hans betrakningar over dagleglivet viser at livet er strevet verdt,
DE ER VITAMINER FOR HJERTET !

"Ta deg rolig tid til å være lykkelig.
Tiden er ingen motorvei mellom vuggen og graven,
men plass til å parkere i solen

Å leve i dag !
Å være glad i dag !
Å være lykkeleg i dag !  "


Ynskjer alle ein fin dag, håper juliveret er 
godt over heile landet.

onsdag 4. juli 2012

Kjole

Har fått meg ny kjole !
i ullbouclè

har sydd den.

Eg likar godt blomster så kva var meir naturleg
enn å ha motivet .....uti vår hage....

Den svarte toppen under er frå 

Det er nesten så eg gler meg til det blir 
kaldare i veret ;)
men kan ikkje seie det høgt.... 

Nei, no nyt eg sola med lettast muleg klesplagg på


mandag 2. juli 2012

Tiriltunge og Raudkløver

Mil etter mil langs heimvegen igår såg me
fargeglade vegkantar.
Kan ikkje hugse å ha sett slik flora før om åra.
Regnveret la ingen dempar.
 
 Kjende etterkvart trong til å sjå meir av dette fantastiske
blomsterhavet og tok av frå hovudvegen

 Tiriltunge og Raudkløver i vakkert samspel

Gamal og ny veg side om side..

Tiriltunge var frå gamalt av brukt tørka
i brennevin og te som medisin for magen.
I plantefarging gir den ein fin gul farge.
Raudkløverblomsten er søt og smakfull og kan brukast som
snacks når me går tur. 
Den verkar svakt stimulerande på 
spyttkjertlane og kan soleis sløkkje tørste.

Den opplevingsrike turen heim i regnveret
vart toppa når me såg denne
Minner frå tidlegare tider då me hesja heime.
Ikkje alltid så kjekt når graset var vått, men
no ser ein det i eit romantisk ljos.