Maiblomsten

Me har pynta bilen med maiblomst. 

Då eg var barn og ungdom var det ei sjølvfylgje at

me hadde små maiblomster på jakkeslaget

og foreldra hadde mairose på bilen.

Norske Kvinners Sanitetsforening har

 selt maiblomsten sidan 1909 og har skaffa 

over 200 millioner kroner til inntekt for folkehelsa.

No går inntekta til arbeid for barn og unge i

650 sanitetsforeningar i landet vårt.

Eg har vore medlem i NKS sidan 1970.

Mor mi var aktiv i saniteten lenge.

Syster mi Perly har tatt over

 arven og har gjort ein stor innsats

i saniteten i mange år.

HER 

kan du lese meir om sanitetskvinnene sitt arbeid

Kreative Perly

Yngste systra mi Perly Lise har alltid vore 

flink med hendene.

Då ho var lita jente gjekk ho ofte til

nabogarden for å vere ilag med ei

kunstinteressert dame frå "bya"

som måla på lerret.

Hadde det vore i dag hadde nok 

Perly fått gått vidare med interessa si  

ved å ta del i Kulturskulen.

På Ona har ho og familien kjøpt huset

der svigerfaren vaks opp.

Eit lite hus med små rom

og lavt under taket.

Dei har pussa opp og fått det veldig koseleg.

På loftsgangen har dei laga til ei alkove

med god seng og forheng 

Perly har måla døra inn til soveromet

i same stil som putene

På andre sida av døra har ho måla

vassliljer 

Lekkert på begge sider !

Eit gammalt bord med mange lag maling

har fått ny og flott utsjånad.

Ho har sjølvsagt hekla gardinene

i det vesle kjøkenet

Gjennom åra har ho ofte gledd oss med 

fine heimelaga gåver.

Akkurat no broderer ho Nordtrønderbunad til eldste barnebarnet

og strikkar

 Onagenser til mannen sin

ps. han er modellen på bildet

Tidlegare innlegg

Perly 60 år

Frå Ona

Tur til Trondheim

Eg fylgde Vigdis syster mi til 

St. Olavs Hospital i Trondheim 

der ho hadde ein operasjon i ei auge.

Medan ho var til behandling gjekk eg tur

til byen

Nidarosdomen

Idylliske gamle sjøhus

Det er fint i Trondheim.

Me tok ekspressbuss begge vegane.

Ein fin måte å reise på sjølv om det tok mange timar.

Det er sjeldan me har så lang tid til å

prate med kvarandre,

og me vart ikkje lens for samtaleemne....;)

Vel heime kom Vigdis med gåve fordi

eg fylgde henne.

eg vart glad for

 det flotte rosentreet 

♥

60-åringen

Perly Lise 

Ho har eit sjeldent namn som det er 

ei spesiell historie bak.

Jenta vart døypt

Pergunn Lise i kyrkja,
kalla oppatt etter bestemor Pernille
og bestefar Lars.

Dagen etter ringde presten og kunne 

fortelje mor vår 

at då han skulle skrive namnet i 

Kyrkjeboka

fann han ut at namnet Pergunn ikkje kunne 

godkjennast....

Blant anna hadde det dårleg klang i utlandet..

Eg hugsar at mamma gret og

var fortvila.

Av fleire namn han foreslo å skifte til var

Perly

eit namn me ikkje hadde høyrt før,

men som i ettertid kling godt

og passa fint til 

systra vår

♥

Perly er ei aktiv dame, blant anna 

ber ho vidare arven frå mor vår som

mangeårig lokallagsleiar i 

Norske Kvinners Sanitetsforeining.

Me er 5 sysken,

eg er eldst, Vigdis to år yngre,

så kom Perly seks år etter.

Tre år deretter kom Lars

og til slutt lisjebroren vår

Jon-Ove som blir

50 år om nokre dagar.

I selskapet fekk me nydelege kalde og varme rettar

som ho hadde laga sjølv.

Dessverre gløymde eg å ta bilde av det :(

Kaker og dessertar smakte fortreffeleg.

Kjempegod mat og kjekke folk 

gjorde kvelden til ei

fin oppleving,

langt ut i dei små timar :)

Tusen takk for oss.

Bessie

bur i nabohuset vårt,

hos bror min med familie.

Ho har hatt eit strabasiøst liv i

den seinare tid.

Ho har vore fleire gongar hos dyrlækjar

for blødning og feber. 

Mistanke om urinvegsinfeksjon 

eller infeksjon i livmora

har gitt henne 

antibiotikabehandling,

men til inga nytte.

 I går kveld vart ho svært dårleg og

fekk intravenøst smertestillande 

og henvisning til operasjon i dag.

Livmora er operert vekk og no 

er restitusjonen i gang.

Ho hadde ikkje bandasje då ho kom heim

så sjukepleiar-tante (eg) vart tilkalla

då ho blødde frå operasjonssåret etter å ha gått

ned trappa.

Med god hjelp frå "systrene" hinna fekk

me på ein bandasje.

Stakkars Bessie.

No må du kvile deg og kome deg

på føtene att.

Heldigvis har har ho ein heim der alle er

glade i henne og vil at ho skal

ha det godt.

Ho er ni år, 

men ho kan få mange gode år

heretter.
Barnebarna våre elskar henne og
dei ropar på henne
med det same dei kjem ut av bilen

Eg har skrive innlegg om Bessie:

her,her,her, her
 her, her

Linkar til: 
TirsdagsTema - LIV

Systre på kino

 Perly inviterte
storesystrene på kino
sist søndag.

Philomena

hadde Noregspremière den helga

Omtale i Vikebladet-Vestposten:
" Philomena er eit britisk drama,
basert på sanne hendingar, som med varme og humor
  skildrar kostnadane av eit ukjent, 
stygt kapittel i irsk historie. 
Vi møter Philomena (Judi Dench),
som vart fråteken sonen ho fødde i eit
kloster på 1950-talet.
Journalisten Martin Sixsmith (Steve Coogan)
ønskjer å fortelje Philomena si historie,
og saman forsøker dei å finne
sonen som no er i 50-åra.
"Philomena" balanserer mellom 
humor og patos, religion og ateisme,
hemn og tilgjeving.
Regissør Stephen Frears knuser hjartet ditt,
og reparerer det att."

Eg anbefaler filmen på det varmaste !

Etter filmen hadde me ei koseleg stund i
restauranten med kake og kaffi.
Ein triveleg søndagskveld i lag.
Dette må me gjere oftare Perly og Vigdis !

Her er systrene på tur til Oslo i fjor
♥

Klem frå Anne-Mari (storesyste)