11 år

Leah Sofie fylte 11 år 15. oktober.

Ho sparkar fotball på 

Hasundgot Idrettslag sitt J11 - lag

På bursdagen spelte dei kamp mot

Hareid IL sitt lag.

Før dei starta turen fekk dei ei fin oppleving:

sjå her:

Jente 11 i møte med Ane Dahl Torp

Dette var stor stas, tenk å få helse på og bli med på bilde

med ei av Noregs mest kjende filmstjerner.

Ho var her i Ulsteinvik i samband med

innspeling av andre sesong i 

TV-serien Heimebane

Eg strikka hue og hals til henne av 

restar etter Saragensere 

ho fekk tidlegare:

dus blå

dus rosa

I kveld har me vore i selskap og feira

både Leah Sofie og storesyster

Celina Marie som fylte16 år 18. oktober.

Tur på lykke og fromme

Eg vil fortelje om dagen i går.

Den starta med besøk hos svigermor som ligg på

sjukehuset i Volda.

 Etterpå fann me på at det var lenge sidan 

me hadde vore til Sæbø i Hjørundfjorden.

I det fine veret var det ein fin biltur som vart belønna med

nydeleg kake og kaffi her på

kafeen/bakeriet.

Frå Sæbø går det ferje til Leknes på andre 

sida av Hjørundfjorden.

Midt i bildet ser me den populære fjelltinden Slogen.
Men me skulle ikkje over fjorden
denne dagen.

På veg tilbake fekk me lyst til å køyre

fjellvegen til Rognestøylen.

Det angra me ikkje på.

Det vart ein flott tur, men me var ikkje

utstyrt med sko til å gå på tur i skog og mark,

så det hindra oss litt.

Me betalte 15 kr i bompengar og køyrde nokre kilometer

inn gjennom dalen.

Først passerte me Risesetra med fine fjellformasjonar i bakgrunnen.

Bomvegen endar på Rognestøylen.

Her ligg sela inn i bakken, sannsynlegvis for å

verne mot snøfonnene frå dei høge fjella bak.

Idyllisk.

På turen frå sætra oppdaga me at det var masse modne

tyttebær langs vegen.

Me stoppa og plukka først for å ete,

men såg at her var det mykje å hente.

På dette området var me heller ikkje førebudde,

men me hadde nokre tomflasker i bilen.

Då dei var fulle var det berre å slutte...

Me vart einige om at heretter må det ligge både 

sko og posar/spann i bilen så det er klart når me treng det...

Det vart 750 gr ferdig reinska tyttebær.

Rørt tyttebærsyltetøy er nydeleg både på

brødskiva og som tilbehør

til middag.

Me hadde ein strålande dag og

klar for regnet som skal kome.

Ei lita hand

På ein liten tur til Hasundhornet

var det mangt å undrast over.

Modne molter som likna på gull.

Gode på smak var dei også.

Blåklokke som nesten kan opnast heilt...

I min barndom høyrde eg at om ein 

greide å vri inn ut på ei blåklokke utan at den revna

kunne ein ynskje seg noko....
Eg greide det aldri :)

Haren

Den vesle haren og 

den store kjerringa fekk seg ei kraftig støkk

i det spesielle møtet....

Etter nokre timar på fjelltur måtte eg finne ein
stad der ingen menneske kunne sjå meg,
eg måtte....
Godt skjult frå råsa sette eg meg ned,
brått såg eg rett inn i augene på eit dyr mindre enn ein halv meter unna !!!
Den var nok fengsla over strålen frå meg, hahaha....
Den sat musestill så lenge at eg fekk
leite fram mobilen og ta bilde, men då var det nok,
Den sprang for livet.....

Ei utruleg oppleving !!

Mannskor

 I går kveld var det korkafè i Ulsteinvik.

Ulstein mannskor sto føre,

og hadde bede til seg 

mannskoret Vyrde frå nabokommuna Sande.

Dei song kvar si avdeling først,

deretter eit rikhaldig matbord (på sunnmørsk vis :)

og åresalg

før dei samla seg til slutt.

Det var ei mektig oppleving 

å høyre 40 songarar i god samklang.

Dei song mellom anna 

Den kvite symra les teksta her 

av Anders Hovden og tonesett av Johan H. Grimstad

Avslutta med

Når fjordene blåner

Salen var full med folk som kosa 

seg gjennom ein fin kveld 
i "Heimebane" sitt lokalmiljø.

Den flotte utsikta frå salen var

prikken over i-en.

Heimebane

Den nye Nrk-serien

" Heimebane "

er spelt inn på søre Sunnmøre,

hovudsakleg i Ulsteinvik

som er heimstaden min.

Sjølvsagt er me veldig stolte av å 

få vise fram dei vakre omgivelsane våre

til mange rundt om i Noregs land

og etter kvart andre land.

Glimt frå Heimebane

Ane Dahl Torp og John Carew

er dei mest kjende skodespelarane i serien.

I tillegg er mange lokale folk med som

statistar under innspelingane.

Innspelinga av sesong 2 er starta.

Denne veka gjekk det føre seg på nabogarden.

Nrk-bilar i massevis,

her parkert ved den gamle garasjen til far min.

Vona du ser serien på NRK søndagskveldane.

Ei spennande serie om ei føregangskvinne som trenar 

for eit herrelag i fotball i norsk toppserie.

På Uglesetra

Ordet denne veka er

Ovan 

eller over på norsk.

Ella Victoria og farmor var på

tur til 
Uglesetra

i går.

Der var mykje spennande å sjå og oppleve.

Nokre karar har laga til denne

fine opplevingsparken,

der små og store lika dei 

forunderlege påfunna ein får sjå.

Merkelege skapningar ligg

under trerøtene.

 Artig.

 Plukka fine strå.

 Kreative skapningar er det mange av.

 Ho prøvde reia som svinga

høgt over stien

 Slengde seg,

Og klatra i ei furu.

Ella Victoria 

OVAN terrenget.

Dei tre siste bilda er linka til utfordringa.

Gemsweeklyphotochallenge v. 11 - OVAN -

Kraftstasjonen

 I Kraftstasjonen Restaurant & Kolonial 

 i Måløy.

 får ein nyte god mat laga frå grunnen av.

Dei legg vekt på bruk av lokale råvarer

særleg fersk fisk 

 som er lett tilgjengeleg her

rett ved havet.

Kraftstasjonen har forskjellege arrangement

som quiz- og bingokveldar.

To gongar har me vore på

interessante Forteljarkveldar, siste gong 

no i januar der ein kar frå Husevåg fortalde

om oppveksten på øya, og om

 fiskeri i "gamle dagar",

Han fortalde om livet sitt i utanriksfart og om

strabasiøse opplevingar som fiskar og trålbas ved Grønland og

New Foundland.

Mannen min som også var på trålfiske på 

dei store fiskebankane i sine unge dagar 

på 1960 og 70-talet

 synest det var svært interessant !

Denne kvelden var menyen
torsk med bacon og anna godt
på ei seng av nydeleg potetpurè

Heimelaga Mandelkjernepudding med
Bringebærsaus
var prikken over i-en :)

Me gled oss til fleire liknande arrangement.

Oslo

Mannen min og eg var gjestar under

FLT sitt landsmøte

i Oslo sist helg.

Kvart fjerde år er me så heldige å
få vere med på dette fordi
Ottar var nestleiar i forbundet nokre år.

Me budde i Oslo  Plaza

For meg som er så opptatt av fin utsikt

var det flott å nyte synet frå

romet i 23. etasje,

her mot sør.

Mot nordaust.

Eg var ikkje med på alle møta,
men var mellom anna på 
Kaffibrenneriet,
der smakte eg på to sortar kaffi.
På vegen dit fekk eg tak i  
magasinet =Oslo som eg alltid kjøpe
når eg er i Oslo.

Gjestemiddagen var på Hotell Continental.
 Krabbesalat til forrett,
Dampet Villkveite til hovudrett
og Multer til dessert.
Fantastisk måltid.

Eg lika meg godt i Oslo og ser alltid
fram til neste gong eg skal dit :)
Det kjem fleire innlegg om opplevingane mine.

Svinviks Arboret 2

Den spennande botaniske hagen har mykje å by på

Trapper i bratte skråningar,

fører oss gjennom skogen av

 Rhododendron, tre og buskar

av ulike slag.

Stien enda ved Todalsfjorden

der skodda låg.

Spennande å fotografere

den trolske speglinga.

Toalettet er i eige hus

fint pynta utfor dodøra

Ein må ned på kne

skal ein få fine bilde av 

små blomster på enga

 Forglemmegei - Myosotis

Du kan sjå fleire innlegg frå turen

på Nordmøre: 

her

her

her

her

Svinviks Arboret

Eit av måla med turen til

Sunndalsøra var å køyre

til Todalen og besøke

Svinvik Arboret

 lenke her

som blant anna er kjent for

si store samling av 

Rhododendron

Det var ein fuktig dag med skodde

og duskregn,

men det gjorde ingen ting

Lang vegen inn til området.

Under ser du nærbilde av ein blome

i den vakre "hekken"

Husa på garden

Det er mange trapper mellom

nivåa i hagen

Her kan ein kvile medan ein bruka sansane

Eit knippe av kvite Rhododendron

Vakre med vassdropar

Namn på dei ulike Rhododendron 

ga eg opp å finne,

hadde nok med å halde styr på kamera med ulike linser

og mobiltelefon hehehe..

Teppe av  avblomstra kronblad i

trappene og terrenget

Ved løa sto denne Rhododendronen

med dei vakre blomane

Vandring i Svinvik Arboret vil eg

anbefale på det varmaste.

Det angar og lyser mot deg frå alle kantar.

Men du må skunde deg visst du vil nå 

Rhododendronsesongen

den er berre mai, juni...

NB. Det blir fleire innlegg frå turen til

Sunndalsøra på Nordmøre,

Desse har eg skrive hittil:

Her, Her, Her