Rabarbratid

I dag har eg laga Rabarbrasyltetøy,

to sortar.

Ottar og eg har kvar sine favorittar frå barndomen,

svigermor brukte rabarbra og fiken i syltetøyet,

 mor mi brukte aprikoser i lag med

rabarbra.

Me et begge sortane, men lika best

favorittane våre :)

Rabarbrasyltetøy med fiken til venstre,

og rabarbrasyltetøy med aprikoser til høgre :),

Visst du er interessert kan du trykke på linken:

Oppskrifta finn du her

Kanskje har du eit heilt anna favorittsyltetøy 
med rabarbra ?

Tradisjonsmåltid på fjellet

Det er så kjekt å bli invitert av

Sølvi og Bjørn, svigerinne og svoger,

til hytta deira

ved Børevatnet i Vanylven.

Karane fær på vatnet og fiskar

krede.

Vatnet er nedtappa pga kraftproduksjon,

men fisk får dei.

 Ottar "gjer opp" fisken.

Sjå kor raud og fin den er.

Rikeleg mengde sprøsteikte krede

går unna.

Med DEN sausen til 

skal eg seie smakar !!!

 Det beste måltidet !!

Sølvi og eg bruka å gå i fjellet, 

eg kjem tilbake til det

seinare.

Livet i fjøra

Ella Victoria har hatt nokre dagar hos 

farmor og farfar etter ho slutta i barnehagen.

Alle barneborna har opp gjennom åra hatt

fine sommardagar hos oss,

og no var turen komen til henne.

Heilt åleine i mange dagar, ingen sure miner,

berre glede.

Sjølvsagt måtte me utforske fjøra når

 det var muleg.

Krabbene gøymde seg i sanden under tang og tare,

men etter kvart fann

Ella Victoria mange.

Sjøstjerner og krabber i mange storleikar. 

 Bessie og farfar hjelpte til med

leitinga.

Det er viktig å lære at me må ta vare på alle levande vesen,

så me hadde snakka om det frå første stund

at krabbene måtte ha rikeleg sjøvatn, 

og at dei skulle sleppe fri så snart

me hadde fått sett på dei.

I den vesle videosnutten under ser du når me let

krabbane skunde seg over kanten på baljen

og kome seg i fritt farvatn igjen.

Ella Victoria hadde hatt ein opplevingsrik ettermiddag,

og eg er glad for at jenta fekk

oppleve same gledene som faren sin og farmora sin

barndoms lukke i fjøra.

tidlegare innlegg om safari i fjøra

Her

Her

17 mai

Me fekk ein strålande dag å 

feire nasjonaldagen på.

Eg har gått i tog i lag med 

Ella Victoria som er rosaruss i år,

siste året i barnehage.

Begge systrene spelar i skulekorpset

Hasund og Dimnøy Skulekorps.

Ella Victoria fann storesyster og fekk

gå i lag med henne eit stykke.

Hos oss blir det tradisjonell middag utpå dagen,

17 mai desserten 

gjorde eg klar i dag tidleg før eg

tok på meg bunaden

Eg veit at mange gler seg til den.

God 17 mai !

Historielaget sitt julemøte

gjekk av stabelen på Fredheim

i går kveld.

Ulstein Mannskor hadde ansvaret for

godt program.

I det gamle ærverdige lokalet 

er det god akustikk

og det lyder vakkert når songen tonar.

Som vanleg på Historilaget sine julemøte vart

maten servert på gammalt vis,

innpakka i serviettar.

Mange hugsa nok matpakkane på julefestane

i barneåra...

Som vanleg var det loddsal,

 eg var heldig og vann denne boka.

Mange hadde møtt fram 

og eg trur alle var samde om at det 

var ein gild kveld.

Baking med kjevle

er eg ikkje flink til.

Difor er det sjeldan eg lagar ting som

skal bakast ut.

I dag fekk eg så lyst til å bake 

Hardinglefse.

Eg brukte oppskrifta i

"Go`bitar frå besta si kokebok"

som to kollegaer har skrive.
HER

I oppskrifta var det Margarin, 

men eg tenkte at
 "skal det vere så skal det vere" 

 og brukte Meierismør....

 Om det er det som er årsak veit eg ikkje,

men lefsene var nesten umuleg å

arbeide med

Mjuke og vanskelege å handtere.

Mannen min heldt seg på avstand for eg skjende

heile tida....

Ein skulle tru at når dei var ferdig steikte

var problemet over,

men, nei, nesten ingen av 

lefsene kom heilberga av steiketakka.

Heldigvis er det slik at når ein får smøre dei og

"lime" skavankane blir det eit

bra resultat til slutt.

I alle fall, hardinglefsene er nydelege på smak,

dei smeltar på tunga.

No er dei lagde forsiktig i ei boks og

komne i frysaren.

Dei skal etast med andakt :)

Lammerull

Tradisjonen med å lage lammerull til jul

har me hatt i over førti år.

Både mannen min og eg hadde 

vanen med heimanfrå.

Etterkvart er oppskrifta justert

etter eigen smak.

Det beste er å bruke utbeina lammeside som ein bretta ut.
Inne i rullane er det salt, pepar, ingefær,
 litt allehånde, litt sukker
og gelantinpulver
Mødrene våre brukte å sy saman rullane
med nål og sterk tråd.
Mange gjer det på den måten framleis, men
eg fann tidleg ut at det kunne gjerast
på ein enklare måte.
Eg bruka nettingstrømpe og
knyt tråd i endane

Dei låg i lettsaltlake 5 døgn.
Så skulle dei eigentleg henge på mørkeloftet 
til tørk 5-7 dagar,
men det vart så mange varmegrader i lufta ute
at me torde ikkje la dei henge
meir enn 2 dagar

Kokte/trekte ca 3 timar 
Etterpå låg dei i press over natta

Mange små porsjonar med
nydeleg godt pålegg med mykje smak.
Det skal vere nok både til oss sjølve og til å gi bort.

namnamnam...

Kulltreff

Som eg skreiv 

her

skulle eg ha kullingar på besøk

Åtte damer (ni med meg) i sin beste alder,

no er alle pensjonista og kan 

sjå tilbake på

eit langt yrkesliv

som sjukepleiarar.

Praten går frå første minutt,

me har mykje å snakke om,

alltid !

Eg hadde gjort alt klart før dei

kom med ferja over fjorden og

biltur hit ut på øyane.

Serviettar bestemte kva blomster

eg skulle ha på bordet,

greiner av plommetreet

hadde nesten same

blomstrane

Eg serverte ei gryte med blant anna

torsk og laks

med ris og heimelaga

focaccia til.

Som alltid når me er samla flyg

timane fort avgarde,

dei skulle rekke ferje og

måtte bryte opp

lenge før me hadde prata ferdig :)

Takk for ein kjekk kveld i lag.

Ps.

Eg skreiv eit innlegg om kulltreffet

som me hadde i

 Dubrovnik september 2013

her

I like

Gulrotkake

I morgå venta eg gjesta,

åtte kullinga som eg tok sjukepleieutdanning 

i lag med 1967 - 1970.

Me er ni her på Sunnmøre som møtast

heime hos kvarandre eit par

gongar i året.

Heile kullet møtast også regelmessig.

Før var det kvart femte år,

 siste gongane med eit par års mellomrom. 

Dei skal blant anna få kake.

Den har eg gjort klar i dag så den

får trekke.

Oppskrifta har eg fått av 

svigerdotter Renathe.

4 egg

3 dl sukker 

piskast til eggedsis

1 dl olje (eg brukte rapsolje)

Sikt i

3 dl kveitemjøl

1 ts salt

2 ts kanel

1 ts ekte vaniljesukker

1 ts bakepulver

Ha i til slutt

3,5 dl raspa gulrøter

26 cm rund form

180 gr i 30 minutt

Fyll

200 gr Philadelphiaost

2 ts ekte vaniljesukker

100 gr meierismør

250 gr melis

Piskast godt

eg hadde litt saft frå appelsin i

kremen.

Eg gler meg til i morgå

når damene kjem.

Mòrpølse

eller mòr som me seier.

Andre namn som blir brukt er

morrpølse, mørpølse eller berre morr

Mòr er ein del av julemattradisjonen vår.

Siste åra har me laga sjølve 

etter oppskrifta som 

svigerforeldra mine brukte i alle dei år.

I går kveld kutta me opp 

kjøt frå svin, lam og storfè.

Krydde- og saltblandinga dryssa me 

mellom laga av kjøt slik

at det fekk trekke litt inn i.

Det sto kaldt til i dag.

Andrè, eldstesonen stilte som vanleg 

 med god kvern og kjøkenmaskin.

" teamwork "

Ottar har farse i kverna,

eg passa på at det blir rett

 tjukkelse på mòren. 

Tarmar til å ha kjøtblandinga i

kjøpte eg i slaktarbutikken,

dei var frå Danmark.

I dag var det gode tarmar, ingen slitna undervegs.

Andrè tok unna og gjorde mòren

klar til å henge på

mørkeloftet til tørk nokre dagar.

(me kalla det å bokne, halvtørke)

Der er slike dagar me starta å gle oss

til julaftan og tradisjonsmaten.

I like

Lunamon Design

Svinesteik med det som høyre til

I mannen min si familie er denne 

middagsretten tradisjon.

Svinesteik med potet, gulrot, ertestuing, surkål.

Pynta med sviske, tomat og agurk.

Tytebærsyltety høyre til.

Kvar jul i 20 år var me på besøk

hos svigerforeldra mine 1. juledag

 og fekk denne retten som

hovudrett.

Skikkeleg gamaldags brun saus er

" krona på verket ".

Eg bruka å lage denne retten når eg 
vil sikre at alle lika middagen !


Anne-Mari 

Tradisjonsrik dessert til 17 mai

Frå eg var barn laga mamma 

17 mai dessert.

Tradisjonen har eg ført vidare til mi familie,

og kva 16 mai lagar eg eggedosis og gelè.

I morgå 17 mai brukar eg skei og legg lagvis

gelè, eggedosis og piska kremfløyte

i ei skål.

Når det passar inn i 17 maiprogrammet 
 kjem små og store og vil smake desserten.

Nokre vil ha vaniljesaus til.

Gler meg til i morgå !

farmor Anne-Mari

Ferdamat

På tur til Austlandet tok me
ei ferje i Fjord1 selskapet.
Synet av det talande skiltet på veggen

var koseleg å ta med vidare på turen.



Svelene er nok det mest tradisjonsrike å ete når
ein fyl ferje over fjorden her på Vestlandet.
Me kom rett frå frukostbordet og kjøpte ingenting.
I bilen hadde me til og med kaffi på termos og
litt å bite i til turen..

Synet av skiltet ga meg tankar om at omgrepet ferdamat kan innehalde
så mangt.
Det minner oss om eventyra der
Espen Askeladd har ferdamat i sekken på
turane sine...



(Bildet er lånt frå Wikipedia)

Det kan vere opplevingane ein
får ved å køyre gjennom fin natur.


Som her ved eit lite stryk i Lærdalselva,


Å få auge på ei nydeleg gamal bru over elva
med vatn som skin som gull frå solskinnet i den gule haustskogen.


Få sjå på nært hald
Borgund stavkyrkje som truleg vart bygt før 1200 talet.

Og den vakre naturen i Hallingdal.



Opplevingane ein har på tur er også Ferdamat,
mat for sinn og sjel.

God helg !

Anne-Mari


- Posted using BlogPress from my iPad

Roger og bestefar

Kjekt for ein åtteåring
å få hjelpe bestefar og greide garna
før dei skal setjast ut for å
fiske sild.

Bildet er tatt i 1981,
(Tidlegare innlegg om Roger)

  
 Far min var glad i all mat og
særskilt den med spor ;)
Han ville gjerne at me barna og barnebarna
skulle lære å hauste av
naturen.

Minnene lever !

Anne-Mari

Flatbrødet

Eg trur denne fine boka låg under juletreet i mange heimar julaftan.

To av kollegaene mine ved Herøy vgs

har skrive den.

Dei har samla oppskrifter og informasjon rundt 
 Sunnmørske mattradisjonar,

prøvt ut og fotografert.
Ei flott bok med mykje kjent og kjært.
Eg kjende klump i halsen og tårer i augnekroken
då eg blada og las i den første gongen. 

 Olaug, ei flink bakstekone :)

Ein fin stabel flatbrødleivar er ferdig baka.

Vår familie er så heldig å få flatbrød av Olaug

til kvar jul.

Det smakar framifrå attåt julematen !

Eg må vedgå at

me ser ikkje heilt for oss

måltidet julaftan utan dette fantastiske flatbrødet ♥

Les meir om boka, klikk

HER

Vonar du har ein fin dag !

Anne-Mari