Frå nedtur til opptur

Hugsa du at eg skreiv at eg skulle til Dublin

og feire 17 mai der ?

Ulstein mannskor med damer,

36 personar

skulle reise med fly frå Ålesund lufthamn/Vigra

16. mai tidleg om morgonen.

Men veret var slik då me starta heimanfrå

og frykta for at tåka/skodda var så tjukk at 

fly ikkje kunne lande og lette til rett tid

slo til.

Omsider kom flyet og tok oss til Gardermoen Oslo,

men for seint til å nå flyet til Dublin.

Ingen fly hadde ledig plass verken 16. eller 17. mai.

Me måtte gjere vendereis til Vigra og

 var heime seint på ettermiddag.

Alle var skuffa.

Me hadde ikkje lyst å vere heime, så

me snudde oss rundt og køyrde til hytta.

17. mai var det strålande ver og me gjekk 

 tur til Naustdalskamben,

eit fjell der me har fin utsikt til

fjord og fjell.

Frå Nordfjordeid høyrde me hornmusikk og såg flagga vaie.

Me feira dagen med kaffi og knekkebrød på terassen til

Dagsturhytta 475 m over havet.

Her kan du lese om dei populære dagsturhyttene

Hytta med mange kanter er mitt bidrag i utfordringa hos Sanna

der ordet denne veke er

Kantig - Edge

Gemsweeklyphotochallenge v. 22 - Edge -

Haust i fjella

Haustfargane i naturen er noko av det finaste eg ser.

Eg har ein tendens til å "falle i stavar"

over slike synsinntrykk.

Hvor vakkert bladene eldes. 

Så fulle av lys og farge er deres siste dager.

John Burroughs

Tur i Brandalsfjella

Som eg skreiv i innlegget

Tradisjonsmåltid...

gjekk eg og svigerinna mi Sølvi på tur i fjella ovanfor
Sørbrandal i Vanylven

medan karane var på vatnet og fiska.

Utsikt mot nord med Børevatnet lengst vekk.

Fjellet StoreBøra ragar over
Børevatnet.

Utsikt til Stadtlandet og storhavet.

Nydeleg terreng mellom dei mange vatna.

Søndag gjekk me tur alle fire før me
åt ein god middag.


Alle var samde om at det var ei gild helg.

Tradisjonsmåltid på fjellet

Det er så kjekt å bli invitert av

Sølvi og Bjørn, svigerinne og svoger,

til hytta deira

ved Børevatnet i Vanylven.

Karane fær på vatnet og fiskar

krede.

Vatnet er nedtappa pga kraftproduksjon,

men fisk får dei.

 Ottar "gjer opp" fisken.

Sjå kor raud og fin den er.

Rikeleg mengde sprøsteikte krede

går unna.

Med DEN sausen til 

skal eg seie smakar !!!

 Det beste måltidet !!

Sølvi og eg bruka å gå i fjellet, 

eg kjem tilbake til det

seinare.

Fin tur til hytta.

Det er finast å køyre til hytta i Nordfjord

 om morgonen.

Og ekstra fint er det når sola skin

og vinden kviler.

 Kilsfjorden i Volda kommune er 

vakker.

Spegling i vatnet,

 autovern langs vegen 

 minner om perler på ei snor...

Bjørkedalsvatnet har eg vist mange bilde frå,

det er berre fantastisk å 

nyte synet av fine speglingar.

Vil du sjå fleire innlegg kan du

søke på Bjørkedalsvatnet i søkefeltet øverst oppe på høgre side.

Me køyrde den Trondhjemske postveg over Brekka 

frå Bjørkedalen til Harpefossen der me har hytte.
Det er ei oppleving å ferdast her.

Mange stopp på ein slik tur,

bra me er pensjonistar med god tid.

Utearbeid rundt hytta står på planen denne helga 
så me er heldige med veret.

God helg !

Tur på lykke og fromme

Eg vil fortelje om dagen i går.

Den starta med besøk hos svigermor som ligg på

sjukehuset i Volda.

 Etterpå fann me på at det var lenge sidan 

me hadde vore til Sæbø i Hjørundfjorden.

I det fine veret var det ein fin biltur som vart belønna med

nydeleg kake og kaffi her på

kafeen/bakeriet.

Frå Sæbø går det ferje til Leknes på andre 

sida av Hjørundfjorden.

Midt i bildet ser me den populære fjelltinden Slogen.
Men me skulle ikkje over fjorden
denne dagen.

På veg tilbake fekk me lyst til å køyre

fjellvegen til Rognestøylen.

Det angra me ikkje på.

Det vart ein flott tur, men me var ikkje

utstyrt med sko til å gå på tur i skog og mark,

så det hindra oss litt.

Me betalte 15 kr i bompengar og køyrde nokre kilometer

inn gjennom dalen.

Først passerte me Risesetra med fine fjellformasjonar i bakgrunnen.

Bomvegen endar på Rognestøylen.

Her ligg sela inn i bakken, sannsynlegvis for å

verne mot snøfonnene frå dei høge fjella bak.

Idyllisk.

På turen frå sætra oppdaga me at det var masse modne

tyttebær langs vegen.

Me stoppa og plukka først for å ete,

men såg at her var det mykje å hente.

På dette området var me heller ikkje førebudde,

men me hadde nokre tomflasker i bilen.

Då dei var fulle var det berre å slutte...

Me vart einige om at heretter må det ligge både 

sko og posar/spann i bilen så det er klart når me treng det...

Det vart 750 gr ferdig reinska tyttebær.

Rørt tyttebærsyltetøy er nydeleg både på

brødskiva og som tilbehør

til middag.

Me hadde ein strålande dag og

klar for regnet som skal kome.

Ørna

Mannen min lika å sjå etter ørn

både når han er heime og når me går tur.

På ein tur til Kvamstua flaug det plutseleg opp

ei ørn.

Det tok si tid å slå på telefonen så ørna var

høgt i sky før fotografering tok til.

Fantastisk å sjå kor lenge ørna sveva mellom

kvar gong ho bevega vengene.

Med sitt store vingespenn

er ørna majestetisk.

For mannen min var dagen perfekt,

i tillegg til ein fin fjelltur hadde han hatt

ei ørn svevande over hovudet ei

heil stund :)

Unngå skade

Fjellturen denne veka gjekk til 

Hovdenakken, eit fjell på grensa mellom

Ulstein og Hareid kommunar.

Ottar vaks oppi Kaldholen, midt i bildet

 av Hareid.

         Andre vegen ser ein

 Ulsteinvik og øyane utanfor.

Me bur i ei vik i venstre side av sjøen.

Den store merkestanga på toppen av fjellet

har falt ned.

Det er skummelt med slike restar av jern

i naturen.

Er ein skikkeleg uheldig kan ein 

skade seg stygt.

Heldigvis har nokon spraya festa til bardunane som

står att i berget.

Lett å sjå og ein kan unngå å snuble.

Flott og omtenksomt gjort av einkvan !

Myrull på Rundefjellet

Sus i myrull

Livet er ikke alltid
et hesblesende kappløp med døden.

Livet er ikke bare
titusen strevsomme steg
mot små mål.

Nei, livet er rikt nok til
å være bare sus i myrull --

Livet er rikt nok til
å glemme timene og brødet
og døden.

Men alle disse flittige -
med lønningsposer og armbåndsur
og spisestue i lys bjørk ...?
De er så gjerrige på minuttene.

Ropet fra hjertene drukner
i larmen av stempler og stål.

Men myrull suser i sønnavind
den enkle sangen
som hjertene minnes i maskinhallene.

Og ensomme fugler
seiler i sol,

seiler i sol og skriker --

Hans Børli

Turkis/turkos

Ordet i utfordringa til 

Sanna er

Turkos 

denne veke.

I mi norske dialekt assosierte eg ordet med

å ha ein fin tur med koselege aktivitetar :)

Eg planla å lage innlegg om den årvisse turen til Runde som 

Hjarterehabiliteringa ved sjukehuset i Volda 

arrangerte for ei veke sidan.

Hm, stor var mi undring då eg oppdaga at 

turkos på svensk er turkis på norsk :)

Men eg hoppar i det,

jakka mi har iallfall ein turkis farge

så eg er innanfor... ;)

På Rundefjellet med Goksøyra bak til venstre.

Mannen min Ottar med 

Runde fyr

og storhavet i bakgrunnen.

Det er fint lagt til rette med turvegar som skal

hindre at fuglelivet vert forstyrra.

I år var det over 70 personar som tok del,

nokre hadde med ektemakar.

Me gjekk litt over to timar i fjellet 

og avslutta med fiskesuppe på 

Runde Miljøsenter

Alle var fornøgde og gler seg til neste år.

Innlegg frå Rundeturen 2016

Gemsweeklyphotochallenge V. 25 - Turkos -

Dagen min

I går vakna eg til ein ny strålande maidag.

Vakkert klokka sju.

Eg hadde tenkt å bake denne dagen for det minka

i frysaren og knekkebrødboksa.

Men i det fine veret fekk eg lyst ut på tur.

Me hadde parkert og starta turen til

Røyrafjellet før klokka var ni.

Det kjendest i lufta at skodda var på veg,

 og ho kom fort.

Me snudde nedatt når den innhenta oss.

Som vanleg på våre kantar er skodda veldig flyktig,

mange stadar er det opning og sola skin medan

skoddeveggen pustar oss i ryggen.

Me spaserte ein tur inn i Røyra då me kom ned,

der sat venner på verandaen og kosa seg 

med morgonkaffien, i sola :) 

Me vart ropt inn og hadde ei hyggestund 

med kaffe, is og kjeks før klokka var ti :)

Skodde og kald vind gjorde det enkelt

å starte baking då me kom heimatt.

Grove pizzasnurra er godt å ha i frysaren.

Barnebarnet Hans-Petter (som bur hos oss i vekene for tida)

 har slike til skulemat.

Grove rundstykke er sunt og godt,

og knekkebrød må eg ha kvar dag.

(fargane på maten ser litt rare ut,

knekkebrøda er ikkje brende..)

Eg avslutta dagen med å fylgje Roger til

Ålesund for å sjå barnebarnet Benjamin spele

fotballkamp.

Denne dagen følte eg at eg hadde vore 

effektiv, nesten som i yngre dagar hehe....

Hos Sanna er ordet i utfordringa

Ute denne veke

Gemsweeklyphotochallenge v 22 - Ute -