Fin tur til hytta.

Det er finast å køyre til hytta i Nordfjord

 om morgonen.

Og ekstra fint er det når sola skin

og vinden kviler.

 Kilsfjorden i Volda kommune er 

vakker.

Spegling i vatnet,

 autovern langs vegen 

 minner om perler på ei snor...

Bjørkedalsvatnet har eg vist mange bilde frå,

det er berre fantastisk å 

nyte synet av fine speglingar.

Vil du sjå fleire innlegg kan du

søke på Bjørkedalsvatnet i søkefeltet øverst oppe på høgre side.

Me køyrde den Trondhjemske postveg over Brekka 

frå Bjørkedalen til Harpefossen der me har hytte.
Det er ei oppleving å ferdast her.

Mange stopp på ein slik tur,

bra me er pensjonistar med god tid.

Utearbeid rundt hytta står på planen denne helga 
så me er heldige med veret.

God helg !

Papirbleie brukt på annan måte

Å pynte med blomster utandørs på hytta

kan vere ei utfordring om sommaren.

Det kan gå fleire veker mellom me er der 

og oftast har blomstrane tørka opp.

I fjor fekk eg tips om å 

bruke papierbleier i botnen av krukka,

fylle på rikeleg med vatn og mold 

under planta.

Ein slik bleie absorberer ufatteleg

store mengde med veske.

Planta ser litt pjuskete ut,

men det er ikkje av tørke,

heller av mykje vind og det no er 
slutten av august.

Tipset er kanskje kjent for mange,

men for meg var det nytt.

Lukke til for den som vil prøve.

Innlegget linkar eg til 
Sanna si utfordring denne veke:

Gemsweeklyphotochallenge v. 35 - Användbar -

Dus rosa genser

Ny Saragenser til  Leah Sofie

Ho kom rett frå Karatetrening og skulle hente den så

det forklarer antrekket ho har på under.

Genseren passa perfekt og ho var

godt fornøgd.

Leah Sofie lika godt dette garnet Faerytale frå du Store Alpakka

fordi det er så mjukt og ikkje klør i det heile tatt.

Eg strikka ein til henne i fjor i

dus blå

Denne gongen var fargevalet enkelt for i fjor

hadde ho vanska med å bestemte seg for 

dus blå eller dus rosa... :)

Ulstein Bibliotek

Stil/style

er ordet i utfordringa hos Sanna denne veke.

Eg vil vise litt av den særegne stilen 

i det nye biblioteket i

Ulstein kommune si storstove

Ulstein Arena

Dette bildet er lånt frå Vikebladet-Vestposten
fotograf: Ingvild Aursøy Måseide

http://www.ulsteinarena.no/

Klikk deg inn på Biblioteket så får  du sjå 

mange bilde der i frå.

 Det er eit nytt moderne bibliotek der det ikkje

berre blir lånt bøker, 

men kan vere foredrag, debattar,

konsertar og kunstutstillingar.

 Det er ikkje ein stille stad som var vanleg før,

men ein plass der folk kan treffast.

Biblioteket driv etter omgrepet

meirope,

det er ope når personalet ikkje er der,

helg, ettermiddag og kveld.

Det er spennande å innarbeide slik fridom difor

er det omlag 50 frivillege som deler på

å vere på biblioteket nokre timar på

kveldstid og i helgane.

Bibliotekvenene skal vere der som ein 
vaksenperson i miljøet.
Eg er så heldig å få vere ein av desse.

Kreativt dekorerte

dører til toaletta.

Til slutt må eg fortelje at Ulstein Arena er
mellom finalistane til 
Statens pris for byggkvalitet.

Gemsweeklyphotochallenge v. 34 - Stil -

Tur på lykke og fromme

Eg vil fortelje om dagen i går.

Den starta med besøk hos svigermor som ligg på

sjukehuset i Volda.

 Etterpå fann me på at det var lenge sidan 

me hadde vore til Sæbø i Hjørundfjorden.

I det fine veret var det ein fin biltur som vart belønna med

nydeleg kake og kaffi her på

kafeen/bakeriet.

Frå Sæbø går det ferje til Leknes på andre 

sida av Hjørundfjorden.

Midt i bildet ser me den populære fjelltinden Slogen.
Men me skulle ikkje over fjorden
denne dagen.

På veg tilbake fekk me lyst til å køyre

fjellvegen til Rognestøylen.

Det angra me ikkje på.

Det vart ein flott tur, men me var ikkje

utstyrt med sko til å gå på tur i skog og mark,

så det hindra oss litt.

Me betalte 15 kr i bompengar og køyrde nokre kilometer

inn gjennom dalen.

Først passerte me Risesetra med fine fjellformasjonar i bakgrunnen.

Bomvegen endar på Rognestøylen.

Her ligg sela inn i bakken, sannsynlegvis for å

verne mot snøfonnene frå dei høge fjella bak.

Idyllisk.

På turen frå sætra oppdaga me at det var masse modne

tyttebær langs vegen.

Me stoppa og plukka først for å ete,

men såg at her var det mykje å hente.

På dette området var me heller ikkje førebudde,

men me hadde nokre tomflasker i bilen.

Då dei var fulle var det berre å slutte...

Me vart einige om at heretter må det ligge både 

sko og posar/spann i bilen så det er klart når me treng det...

Det vart 750 gr ferdig reinska tyttebær.

Rørt tyttebærsyltetøy er nydeleg både på

brødskiva og som tilbehør

til middag.

Me hadde ein strålande dag og

klar for regnet som skal kome.

Mjuk

Denne veke er

Mjuk

ordet i utfordringa til Sanna.

I det fine veret i kveld tok eg ei lita runde

i nærmiljøet på jakt etter

mjuke motiv.

Eg fann mjukt gras

og mjuk makkefjøre.

Fløyelsmjukt vatn

Perfekt til spegling.

Mjuke strå som vaia lett med

utsikt til heimen min.

I stova venta strikketyet mitt,

genser det mjuke garnet Faerytale.

Gemsweeklyphotochallenge v. 33 - Mjukt -

Uvanleg fenomen

Onsdagkveld

var det eit forrykande regnver.

Ein kunne tru at himlens sluser var vidåpne.

Brått pressa sola seg gjennom skylaget og 

såg ut som ein storbrann.

Det varte ikkje lenge så eg er glad eg sprang

til verandadøra og knipsa.

Augneblinken etter var det over.

Gratulere Karsten !

Folket i bygda vår
og alle Ulstein kommune

er svært stolte over

Karsten Warholm.

Gullmedalje i 400 m hekk.

Gratulere Euroopameister !!

sjå innlegg om då han vart

Verdsmeister

Ørna

Mannen min lika å sjå etter ørn

både når han er heime og når me går tur.

På ein tur til Kvamstua flaug det plutseleg opp

ei ørn.

Det tok si tid å slå på telefonen så ørna var

høgt i sky før fotografering tok til.

Fantastisk å sjå kor lenge ørna sveva mellom

kvar gong ho bevega vengene.

Med sitt store vingespenn

er ørna majestetisk.

For mannen min var dagen perfekt,

i tillegg til ein fin fjelltur hadde han hatt

ei ørn svevande over hovudet ei

heil stund :)

Tunnel

Sanna gir oss ordet

Tunnel

i utfordringa denne veke.

Eg er ikkje så glad i å køyre gjennom lange tunneller,

men er glad for at me har fått

ein 8 km lang undersjøisk tunnel for å kome

oss til fastlandet.

Det blir ikkje bilde frå den tunnelen

i denne omgang.

Eg vil heller vise bilde frå turen

gjennom tunnelen mellom

Goksøyra og Runde

Som du ser,

det er alltid lys i enden av 

tunnellen.

Gemsweeklyphotochallenge v. 32 - Tunnel -

Blå

Då eg fylte 40 år

(for leenge sidan) 

fekk eg desse figurane i keramikk 

frå arbeidskameratar.

Eg er svært glad i den

vesle familien.

Svensk keramik frå

JIE Gantofta

Elsi Bourelius Flower Girl Figurine.

Sjå meir frå kunstnaren

her

Hos Sanna er ordet Blå i

utfordringa denne veke.

Gemsweeklyword v. 31 - Blå -

Lupiner

Lupiner er på svarteliste her i Noreg.

Den sprer seg lett og er eit problem for ville blomster

som har sin plass langsmed vegane.

Dei fortrenge for eksempel blåklokker.

På våre kantar er ikkje så mykje lupiner lenger,

men i går kom eg fram på ei samling

i forskjellege fargar.

Vakre er dei iallfall.

Roger 45 år

I dag første august er 

Roger 45 år.

Når minsteguten har nådd 
middagshøgda
er det grunn til å sjå at alder er berre eit tal...

Roger driv eiga bedrift
og har mykje å henge fingrane i.
Han er pappa til Benjamin og Hans-Petter,
bonuspappa til Emilie og sambuar med Tanja.
Og ikkje minst,
han er pappa til 
Leonardo

Han er hjelpsom og omsorgsfull og
med god teknisk innsikt er han god å ha
i alle samanhengar.

Gratulere så mykje med dagen Roger !
Lukke til vidare.

Klem frå mamma og pappa

Her kan du lese forrige bursdagsinnlegg:

Roger 40 år