Is

Is

er siste ordet hos Sanna 

dette året.

Takk til Sanna for alle fine utfordringane

ho har gitt oss.

Ikkje alltid enkelt å finne tydinga av alle orda

då me har ulike språk i  denne

bloggverda.

Men spennande å vere med.

Eg er litt kry over at eg har laga innlegg til

kvart ord i 2019.

Det er lite vinterver her hos oss,
så bilda er frå arkivet.

Om vinteren blir naturen pynta med

iskrystaller.

 Hytta vår pleie å vere pynta om vinteren.

Isjuklane heng frå torvtaket.

Is som heng over terrenget.

Sommarminner.

Iskrem og kaffi.

Gemsweeklyphotochallenge v. 51 - Is -

Tilbakeblikk

Återblick

er ordet i Sanna si utfordring

denne veke.

I 2019 har me hatt 
fine opplevingar med familie,
sysken og syskenbarn.

Ottar og eg var på Blomstercruise
i Holland i april/mai.
Skreiv litt frå turen 
Her, Her

I det vindfulle vinterveret vi har no i desember
vil eg  gi eit lite tilbakeblikk frå
den turen.

Tur på kanalane i Amsterdam 
er ei oppleving.

Litt av eit syn å sjå alle syklane som står parkerte når
folk er på arbeid.
Det blir sagt at Amsterdam har
900 000 syklar

Cruiset gjekk gjennom kanalar i Holland,
i 4-5 dagar med små utflukter på land.

Zaandam.

Raude kastanjeblomster i 
Wiik bij Duurstede.

Deilig dessert innimellom
er viktig for å halde oppe blodsukkeret ;)

I Keukenhof blomsterpark er det enormt mykje å sjå.

 Vidunderleg syn.

 Vakkert, men det blir vanskeleg å ta inn
så mange synsinntrykk.

Nok er nok.
Batteria må laddast.

Ombord i båten fekk me servert 
nydelege måltid. 

Godt for mange sansar dette :)



Gemsweeklyphotochallenge v. 50 - Återblick -

Mynt

Mynt 

er ordet i utfordringa til Sanna

denne veke.

No til dags brukar eg nesten aldri

mynt, knapt nok pengesedler.

Det er så enkelt med 

Vipps og betalingskort....

Mannen min som er meir nostalgisk enn eg

har samla på ein del myntar.

På 1970-80 talet fekk me denne

sparebørsa frå Sunnmørsbanken,

 namnet på banken vår

den gongen.

Her sparte me pengar,

i dag er myntane gått ut på dato...

I ei krukke i kjøkenhylla har eg liggande

litt klingande mynt.

Kjekt å ha om nokon ringe på døra og 

skal selge lodd...

10 øringen er forlengst ute av bruk.

Her vise at nye myntar produsert etter år 2000

er mindre og lettare enn før.

Særleg 5 krone og 1 krone.

Gemsweeklyphotochallenge v. 49 - Mynt -

Kassa

Denne veke er ordet 

Kassa eller Cash

i utfordringa til Sanna.

Kassa eller kasse kan vere f. eks. ei øskje til 
å oppbevare ting i.
Difor vil eg først vise eit eksempel på
kasse i mi dialekt.

Under ein tur såg me
fine syklar som har sett betre dagar.

Dei ber preg av dårleg stell,

men dei vekker minner

om farne tider. 

 På bagasjeberaren er barnesetet festa.

Og sjå kassa,

der sykkelpumpa og bøtesaker

hadde sin plass når ein var

på sykkeltur og kunne få bruk for det.

I leikekassa til barneborna fann eg 
denne.

 Dette er vel den rette kassa.

Plass til mykje cash her :)


Gemsweeklyphotochallenge v. 48 - Kassa -

Pris

Pris

er ordet hos Sanna denne veke.

Eg er klar over at eg gjentek meg sjølv,
men ordet PRIS må eg 
berre bruke om friidrettsstjerna
Karsten Warholm

Karsten Warholm 

ble 26. oktober kåret til årets mannlige

friidrettsutøver i Europa for 2019

"Dette er med på å krone en sesong som for min del

har vært helt fantastisk",

seier Warholm i ei pressemelding.

Vidare har Det internasjonale friidrettsforbundet
IAAF
 nominert han til prisen 
 årets mannlege friidrettsutøver.

Klipp frå lokalavisa
Vikebladet-Vestposten:

Karsten Warholm har allereie fått prisen som årets mannlege friidrettsutøvar i Europa, i regi av det Europeiske friidrettsforbundet.

No er han blant dei fem finalistane som står att når det internasjonale friidrettsforbundet IAAF skal dele ut prisen til årets mannlege friidrettsutøvar.

Det er ikkje smågutar Warholm kjempar mot. Joshua Cheptegei (Uganda), som vann terreng-VM, VM-gull på 10.000 meter og 5000 meteren under Diamond League-finalen. Sam Kendricks (USA) vann stavkonkurransen under VM i Doha, samt Diamond League-finalen. Eliud Kipchoge (Kenya) vann London Maraton på 2:02:37 i tillegg til å verte første mann under to timar på maraton, under eit spesialarrangement i Wien der målet var å bryte den magiske grensa. Noah Lyles (USA) vann VM-gull på 200 meter og 4x100 meter stafett, pluss Diamond League-finalane på både 100 og 200 meter.

Men Karsten Warholm sine merittar er heller ikkje småtteri. Han vann alle løp han stilte på i løpet av 2019, inkludert VM-finalen på 400 meter hekk og finalen på 400 meter under innandørs-EM i Glasgow. Han vann også Diamond League-finalen på 400 meter hekk, der han sprang inn til tidenes nest-beste tid på distansen.

Prisen blir delt ut under World Athletics Awards 2019 i Monaco 23. november

ALLE

set pris på deg Karsten !!

Gemsweeklyphotochallenge v. 46 - Pris -

Rundt

Ordet hos Sanna denne veke er

Runt - Around

Siste dagane har vore fine her på 

vestkysten av Sunnmøre.

Minusgrader og solskin.

Eg tok ein rusletur rundt

Vågevågen.

I min barndom gjekk hovudvegen 

rundt her.
No til dags er det ein fin 
rundtur på gjengrodde stier.

 Her på det gamle idylliske gardsbruket, som

eg ser frå stovevindauget mitt,

budde ei gamal dame som eg vitja ofte.

I dag er det fritidsbustad.

 Der kan eg sjå attende til barndomsheimen min til høgre,

vårt hus bakanfor.

Me har framleis korte stunder med sol.

Men "det syng på siste verset",

snart er sola borte i 3 mnd.


Til slutt vil eg vise minstejenta,
barnebarnet som blir 7 år om nokre dagar.

Den runde "pilleeska" som eg hadde i min
pure ungdom
passa godt til Ella Victoria :)

Gemsweeklyphotochallenge v. 45 - Runt -

Kalla

Kalla
er ordet hos Sanna denne veke.

Det første eg kom på var
den flotte skiløparen frå Sverige
Charlotte Kalla 
som har kjempa i skisporet i lag 
med dei norske jentene.

Eg henta dette oppslaget frå internett:

Grattis, Sverige! Dere har verdens beste skiløper

KOMMENTAR: Marit Bjørgen (37) så ut som en skipensjonist da Charlotte Kalla (30) bestemte seg etter 12 kilometer.

SVENSK TRIUMF: Charlotte Kalla vant 15-kilometeren foran Marit Bjørgen og Krista Pärmäkoski fra Finland. Her jubler den svenske yndlingen på stadion.  FOTO: MARTIN SLOTTEMO LYNGSTAD



Gemsweeklyphotochallenge v. 44 - Kalla -

Boge

Båge 

er ordet i utfordringa til Sanna

denne veke.

På norsk seier me boge (nynorsk) eller bue (bokmål)

Eg slit med svimmelheit for tiden.

Har til og med hatt eit

sjukehusopphold nokre dagar.

Det er ikkje funne noko årsak så langt, 

men håpe det snart går over.

Eg har ikkje Krystallsyke 

der problemet ligg i bogegangane i det indre øyre.

"Vestibularis-kvartetten"
Henta frå internett.
På bildet er mange bogar og svimle folk.

Bilder til oppgåva er frå inventaret i heimen.

Opninga til romet der me har bøker

og bilder er forma som ein boge.

Skiltet over er laga av svigerfar

med bokstavane til mannen min.

Bilda av besteforeldra våre

har bogeforma rammer

Like ved står vitrineskapet med øverste kant 

forma som boge.

Drikkehornet som far min har laga er

har også form av boge

Tusen takk for gode helsingar
i forrige innlegg <3

Gemsweeklyphotochallenge Veke. 43 - Båge -

Orange

I utfordringa hos Sanna

 denne veke er ordet

 Orange

Eg har alltid likt fargen oransje

og fell lett for den når eg ser stativ med 

klede i butikkane.

Eit innlegg om det finn du:

Her

Dei to første bilda fann eg i arkivet.

Dei oransje støvlane såg eg utfor ein butikk i Danmark.

Bildet under er frå inngongspartiet vårt

heime.

Den oransje vasen fekk me i bryllaupsgåve

i 1970.

 Det er haustferie og me er i lag med

barnebarn på hytta.

Eg fann nokre oransje motiv her.

Rødrandkjuke frå eit gammalt tre,
og blåbærlyng.
Begge har oransje sjatteringar.

 I hyllene med spel, bøker og leiker 

er oransje ein av fargane.

 I spiskammerset er det godt forråd av matvarer !

Oransje pakningar av ulikt slag.

Me skal nok overleve nokre dagar

utan påfyll....

Oransje Tupperware til Taco.

Og sist, men ikkje minst

flasker med saft av appelsin/orange.

Gemsweeklyphotochallenge v. 41 - Orange -

Blanda

Denne veke er ordet i Sanna si utfordring

Blanda

I dag gjer eg det enkelt og tek

bilde av fruktfatet vårt.

Forskjellege frukter

blanda.

Me var så heldige å få epler og

pærer frå venner sine hager.

Resten er kjøpt i nærbutikken.

Frukt smakar godt.

Gemsweeklyphotochallenge v. 40 - Blanda -

Bær

Ordet hos Sanna denne veke er

Bär

På norsk kan bær brukast om ei ku som nettopp har 

fått kalv, då seier me at ho er nybære.

Bær tunge bører på sine skuldre.

 Umodne hyllebær

 Haustbær med morgondogg 

på haustfarga busk.

Støvbærer.

På jyvelen er belg med bær.

Andreklassingen vår, Ella Victoria, 

åtvara sterkt mot desse

giftige belgane.

Gemsweeklyphotochallenge v. 39 - Bär -

Dåse

Dosa

er ordet hos Sanna denne veke.

Dåse kan på norsk vere ei lita øskje

med lokk, snusdåse, speldåse..

Eg har ingen av dei, men 

kva med denne ?

Uff og uff, håpe ingen av oss har brukt det som

var i Tobakksdåsen, men den er i 

samlinga av gamle ting her i huset.

Pudderdåsen min.

Eg ryddar litt i mine skuffer og skap i desse dagar,

og kom fram på desse.

I mitt arbeid som sjukepleiar på 1970 talet

såg eg nytte av tome øskjer etter små glas med

injeksjonsveske (antibiotica).

Dei var praktisk til oppbevaring av mangt og mykje.

Knappar og brukte glidelås

kan kome til nytte ein dag :)

Kan vel kalle det knappedåse ?

Gemsweeklyphotochallenge v. 38 - Dosa -

Spegel

Spegel

er ordet i utfordringa hos Sanna

i veke 37

 Bilde av barnebarna sett

gjennom spegelen på badet.

Utsikta mi frå heimen.

Sjøen ligg som ein

spegel.

Ei blank og glatt overflate,

vasspegel.

Gemsweeklyphotochallenge v. 37 - Spegel -

Len

Denne veke er ordet

Len / Soft

ordet hos Sanna.

Denne gongen ser eg at det er stor skilnad 

mellom svensk og norsk språk.

Eg har aldri høyrt at ordet len er mjukt, bløt osv.

I nynorsk ordbok er ordet len brukt om

område, len, lensherre

eller fylke og kommune.

I mine tankar er ordet len

å lene seg mot ein vegg f.eks.

Eller len på  ein stol

Me kallar ein slik stol 

Lenestol (stol med armlener)

ein legg armane på stolen sin len.

I sofaen er putene lent mot sofaryggen.

Og,,,

stolen er mjuk / len å sitte i :)

Gemsweeklyphotochallenge v. 36 - Len -