tirsdag 30. august 2016

Betulia


 Betulia er blomsterrik og fin,
passa godt på kyrkjegarden der dei kan
 blomstre heile sommaren. 

I sommar kjøpte eg ei som har stått fint 
heime på på altanen.
Men den er ikkje like hardfør mot regn som
Skaugumbegoniane som står like ved.
I styrtregnet som har herja brotna halve planta
og var blaut langt oppover stilken.
Eg tok den inn og la den tørt i fatet.
og slik har den hatt det
i mange dagar ;)

Dei raude blomstrane passa fint til
Goebelvasen, og fatet frå Costa Boda 
Det blå er laga av
Leif Heiberg Myrdam

Den vesle grøne vasen i glaset minner
meg på at eg vil anbefale deg å 
lese det interessante innlegget:

Fargen GRØNN i bloggen til












mandag 29. august 2016

Fruene ved havet


er to kvinner som har kafè i
kjellaren i Forsamlingshuset på Flø
nokre søndagar i året.
Dei gjer kjent i lokalavisa og 
på Facebook,
i tillegg til skilt på Flø

Fruene med heimebakst
til suppa

 Det kom mykje folk så det minka fort  i panna med den 
fantastisk gode og innhaldsrike fiskesuppa,

og det er ikkje så rart når ein ser dei
store og fulle djupetallerknane
(plass til tre auser suppe i slike gamle
foramlingshustallerknar)

Og sjølvsagt,
deilige heimebaka kaker og kaffi.
Me fann plass til eit godt stykke 
kake ned på fiskesuppa :)

Kafèen til fruene frå havet er 
eit kjærkome tilbod.
Det er fullt hus kvar einaste gong dei arrangera.

Ein kjenner seg velkomen når ein
kjem dit.













lørdag 27. august 2016

Skaugumbegonia

Eg har hatt knollar i mange år
og trudde at alle 
Skaugumbegonia var like.
Etterkvart har eg oppdaga at det ikkje er 
 tilfelle.
Eg har fått knollar med
forskjellege personar
og her ser du at dei er ganske
forskjellege.

Er det denne som er vanlegast ?

eller denne til høgre ?
Ikkje veit eg.
I år trudde eg at eg hadde kontroll på knollane
og skulle sette dei i kvar sine
krukker.
På øvste bildet ser du at eg hadde ikkje
den kontrollen.....

Tidlegare innlegg om
Skaugumbegonia:




torsdag 25. august 2016

Hyttehelg på fjellet


Det er tradisjon med ei helg på
hytta til svigerinne og svoger i slutten av august.
Karane fiskar krede i 
Børevatnet
Vatnet er regulert og ganske 
nedtappa akkurat no.

 Imens gjekk me damene på fjellet.
Over ser me Børevatnet til venstre og
fjellet Børa

Andre vegen ser me utsikta mot 
Stadthavet

Karane fekk fisk.
Kredene tilberedt på beste vis,
fantastisk godt.

Om kvelden var det magisk lys 
over Børevatnet

Søndag var det ny fjelltur
Syster og bror på Lisjehornet.
Skodda ligg og truar ut i havet,
men ho kom ikkje dit me var,
den dagen.






onsdag 24. august 2016

Calluna Vulgaris


Røsslyngen er særs fin denne
 seinsommaren.


Namn på andre språk:

Svensk:  Ljung, Höstljung
Dansk:  Hedelyng, Lyng
Islandsk:  Beitilyng
Finsk:  Kanerva, Kanverva
Engelsk:  Heather, True heather, Broom heather
Scots heather, Common heath,
Ling, Common ling
Tysk:  Heidekraut, Besen-Heide
Fransk:  Callune vulgaire, Bruyère commune
Fausse bruyène, Brande
Spansk:  Brecina    







tirsdag 23. august 2016

Spennande ferieoppleving


 På Swejgaard B&B
var det mykje å oppleve for både
små og store
På ein tur rundt garden fekk
Leah Sofie og Ella Victoria 
auge på ein flokk
kyr som beita.

Jentene synest nesten det var litt FOR
spennande når alle kyrne vende
blikket mot dei.

Les meir om Swejgaard:





fredag 19. august 2016

Grønt


er ein farge som er mykje brukt.

Grønt har tiltrekt meg 
denne sommaren.

I gågata på Nordfjordeid
lokka to fine bord med stolar deg
til å ta ein pause i handlinga.


I Volda lyser dei fine grøne
benkane opp,
og byr deg til å ta ein pause.

Den grønmåla grinda er spennande,
 den har kanskje opplevt
 litt av kvart.

Sjarmerande slitne lister rundt vindauga sjølv om
huset syng på siste verset...


" Ta det med deg !
Det minste av grønt som har hendt deg
kan redde livet ditt en dag
i vinterlandet."

(linjer frå diktet 
Minnene 
Hans Børli)







tirsdag 16. august 2016

Utfordring

Me køyrde bomveg frå Straumshamn
til Lisjedalen
Til høgre går merka tursti til det særmerkte fjellet Keipen
som me kan sjå frå Bjørkedalen.
På andre sida av vatnet
går det sti til Brundalen og 
Bjørnesetsætra.
Dit tenkte me å ta turen.

Etter alt regnet i det siste var vatnet
og elva stor og det var ikkje lett å kome seg
over til andre sida.


 Eg kom meg over, 
men med joggesko på beina
var det ei utfordring,
livredd som eg er for å dette...

 Smarte folk har støvlane sine
klar til bruk når dei
skal over.






lørdag 13. august 2016

Ripsgelè


Den tradisjonelle ripsgelèen må eg
lage kvart år.
Barneborna, ja dei vaksne òg
lika den godt.

Nydelege ripsbær,
dei er gode til bl. a. dessert òg.


Bær i mengdevis blir plukka
frå Ripsbærtrea i hagen.

Bæra er kokt i ca 15 min.
Etterpå har eg dei i ein stoffpose og silar
til all safta har rent gjennom.

Eg måler opp mengde silt saft,
har den i ei stor rein panne og kokar opp.
Har i 1 kg sukker pr. 1 liter saft.
Koka til alt sukkeret er løyst opp.
Fjernar skummet som har samla seg oppå.

Ause den varme safta i glas som eg har vaska og
hatt i steikeomnen på 150 gr,
dei er då reine og desinfiserte.
Fyller glasa, tørkar vekk det som evt 
har komt på kanten med rein tvoge.
Har på lokk og 
snur glasa opp ned.
Slik står dei til gelèen er kald.
No er den hermetisk lukka og haldbar
lenge lenge,
(hos oss blir den oppeten før
ny produksjon neste år :)


Eg oppbevarer alt syltetøy i eit ekstra kjøleskap,
men ripsgelè med så mykje sukker
står seg godt i ei kjøleg matbod.

Lukke til !




fredag 12. august 2016

Røsslyng


Ein tur mellom regnbygene
gir kanskje dei finaste naturopplevingane.
Bær og busk er nyvaska
og lyser i sine
fine fargar.

Denne buketten var
særs fargerik

 Blokkebær 
og eit par blåbær


Store vidder med flotte 
røsslyngtuer.

Dessverre hadde me berre
mobiltelefonane til å ta bilde med.
Dei yte ikkje den flotte lyngen full rettferd.




onsdag 10. august 2016

Kvindemuseet i Århus


" I Aarhus ligger
der en hemmelighed "

" Et av verdens få kvindemuseer ligger i Aarhus.
Kvindemuseet i Danmark sætter fokus på kvinders
liv og virke og diskuterer kønsproblematikker,
ligestilling, krop og seksualitet "
Det står litt omtale:
her
Besøket i Kvindemuseet var eit av høgdepunkta
på ferien i Danmark.
Der var mykje å sjå,og mykje å fordøye.

I Danmark fekk kvinnene røysterett ved val i 1915,
eit par år etter Noreg.

" Kvindestemmeret i verden.
I nogle lande fik kun hvide kvinder
stemmeretten først, bl.a. i Australien,
Canada, Grønland og Sydafrika "

Frå omlag midten av 1900 talet var det utstyr
å bruke under menstruasjonsdagane
for den moderne kvinne.
(Eg må vedgå at menstruasjonskoppen til venstre
har eg ikkje sett før..)

Viser litt frå utstillinga av
klesdraktene
1920erne

1930erne

1940erne

1970erne
I denne delen av utstillinga var det
mykje om kvinnefrigjering.

Utklipp frå
Nordisk Mønster-Tidende

Bestillingsseddel for Snitmønstre

1972 Kvindehøjskolen i Visby
Kvinden er så:
forførende - moderlig - huslig - opofrende - tjenstvillig
....

Men det har alltid vore nokon som har
hatt tyngste børa...

Dette er berre eit knippe av
det me såg i museet.
Ei flott oppleving å gå der og kjenne på atmosfæren.
For meg som er fødd midt på
1900 talet var det mange
ting å kjenne igjen.

Eg snakka med ei ung norsk jente som hadde
sommarjobb der.
Ho reflekterte over at utstillingane inneheld 
berre tidsepoker som dei unge i dag har
vanskar med å identifisere seg med.
Der var ikkje utstilt noko
frå dette århundret.

Er du i Århus,
ta ein tur i Kvindemuseet !