Små

Ordet i utfordringa hos Sanna er

SMÅ

denne veke.

Då må eg vise bilde av mine 

små skattar 

som eg kjøpte i Russland for 18 år sidan.

Det var ein spennande tur 

til Russland og Estland med

hjelpesendingar.

Du kan lese om turen vår

HER

Babusjka/Matrjosjka

(farmor, mormor, gammal kvinne)

Tredokka er i russisk tradisjon innhol

og dekorativt måla.

Dokkene kan delast i to og inn i kvar dokke

er det ei mindre dokke.

Mi Babusjka er berre 7 cm høg

og har 9 dokker inn i seg

Den er laga  i eit løvtynt tremateriale.

Mange av dei er så små at eg har problem med

å opne dei.

Den minste er på storleik med 

naglen på veslefingeren min....

Eg er svært glad i den så den står

trygt på ei høg hylle...

Sjå andre bloggarar sine innlegg her:

Gemsweeklyphotochallenge v. 11 - SMÅ -

Julebakst på hytta

Aniskringler høyrer med til juletradisjonen hos oss.

Eg har ei god gammal oppskrift som

alltid lukkast.

Deiga venta ikkje på bakaren,

den kom og henta oss, he he...

Celina Marie og Leah Sofie

trillar kringler.

Eg laga emner og hadde mi fulle hyre 

med å halde dei med arbeid.

Flinke jenter.

Godt å ha til jul med mange

samla.

Smaksprøve.

Aniskringle med meierismør og brunost er toppers !!

Eplegløgg og kaffi attåt var også godt.

Nytt

Nytt

er ordet Sanna utfordrar oss på
denne veke.

Det nye er at eg

er i 70 åra !

Det kjennest litt rart når eg tenkjer

tilbake på 70 år gamle damer

for lenge sidan....

Av helsingane frå mine nære

1. desember.

Gemsweeklyphotochallenge v. 48 - Nytt -

11 år

Leah Sofie fylte 11 år 15. oktober.

Ho sparkar fotball på 

Hasundgot Idrettslag sitt J11 - lag

På bursdagen spelte dei kamp mot

Hareid IL sitt lag.

Før dei starta turen fekk dei ei fin oppleving:

sjå her:

Jente 11 i møte med Ane Dahl Torp

Dette var stor stas, tenk å få helse på og bli med på bilde

med ei av Noregs mest kjende filmstjerner.

Ho var her i Ulsteinvik i samband med

innspeling av andre sesong i 

TV-serien Heimebane

Eg strikka hue og hals til henne av 

restar etter Saragensere 

ho fekk tidlegare:

dus blå

dus rosa

I kveld har me vore i selskap og feira

både Leah Sofie og storesyster

Celina Marie som fylte16 år 18. oktober.

Gladiolus og roser

Akkurat no har me fine avskorne blomster i stova.

Mannen min ga meg 

nydelege roser før helga.

Dei er like fine etter 5 -6 dagar.

  Roser er vakre.

Han hadde bursdag søndag, så då

fekk han Gladiolus og bok av meg :)

Ikkje slett så romantisk som roser,

men eg lika dei godt sjølv iallfall.

Klikk på bildet og sjå kor
vakker den er i sitt indre.

I går og i dag har det vore sol og blå himmel,

og det er godt etter alt regnet.

Eg har tatt inn Skaugumbegoniaknollane og 

rydda i krukker.

I morgå skal eg kjøpe litt haustblomster til å 

ha utfor døra.

Sunn og god mat

Hans-Petter, eitt av barnebarna våre 

går på ungdomsskulen og bur hos oss vekedagane.

Det kan vere ei utfordring å lage mat som

både er sunn og som han likar,

men me prøver oss fram.

Denne dagen var det 

halvgrove Hamburgerbrød 

etter oppskrift hos

Trinesmatblogg

på menyen.

Eg brukte fint og  grovt speltmjøl 

i staden for kveitemjøl,

vatn i staden for mjølk,

og kutta ut sukker.

Hamburgeren vart godt mottatt,

han likte både grønsakene og brødet rundt burgeren.

Eg laga grønnkålchips etter oppskrift hos

godt.no

Dette er ein

super måte å servere grønnkål på slik at

både unge og eldre vil ete den 

vitaminrike grønsaken.

Eg var så fornøgd over at både guten og

farfaren likte maten.

Gemsweeklyphotochallenge v. 36 - Lycka -

Dus rosa genser

Ny Saragenser til  Leah Sofie

Ho kom rett frå Karatetrening og skulle hente den så

det forklarer antrekket ho har på under.

Genseren passa perfekt og ho var

godt fornøgd.

Leah Sofie lika godt dette garnet Faerytale frå du Store Alpakka

fordi det er så mjukt og ikkje klør i det heile tatt.

Eg strikka ein til henne i fjor i

dus blå

Denne gongen var fargevalet enkelt for i fjor

hadde ho vanska med å bestemte seg for 

dus blå eller dus rosa... :)

Roger 45 år

I dag første august er 

Roger 45 år.

Når minsteguten har nådd 
middagshøgda
er det grunn til å sjå at alder er berre eit tal...

Roger driv eiga bedrift
og har mykje å henge fingrane i.
Han er pappa til Benjamin og Hans-Petter,
bonuspappa til Emilie og sambuar med Tanja.
Og ikkje minst,
han er pappa til 
Leonardo

Han er hjelpsom og omsorgsfull og
med god teknisk innsikt er han god å ha
i alle samanhengar.

Gratulere så mykje med dagen Roger !
Lukke til vidare.

Klem frå mamma og pappa

Her kan du lese forrige bursdagsinnlegg:

Roger 40 år

Livet i fjøra

Ella Victoria har hatt nokre dagar hos 

farmor og farfar etter ho slutta i barnehagen.

Alle barneborna har opp gjennom åra hatt

fine sommardagar hos oss,

og no var turen komen til henne.

Heilt åleine i mange dagar, ingen sure miner,

berre glede.

Sjølvsagt måtte me utforske fjøra når

 det var muleg.

Krabbene gøymde seg i sanden under tang og tare,

men etter kvart fann

Ella Victoria mange.

Sjøstjerner og krabber i mange storleikar. 

 Bessie og farfar hjelpte til med

leitinga.

Det er viktig å lære at me må ta vare på alle levande vesen,

så me hadde snakka om det frå første stund

at krabbene måtte ha rikeleg sjøvatn, 

og at dei skulle sleppe fri så snart

me hadde fått sett på dei.

I den vesle videosnutten under ser du når me let

krabbane skunde seg over kanten på baljen

og kome seg i fritt farvatn igjen.

Ella Victoria hadde hatt ein opplevingsrik ettermiddag,

og eg er glad for at jenta fekk

oppleve same gledene som faren sin og farmora sin

barndoms lukke i fjøra.

tidlegare innlegg om safari i fjøra

Her

Her

Skulestart

Ella Victoria

yngste barnebarnet vårt skal bli

førsteklassing til hausten.

Farmor fekk æra av å kjøpe

ransel.

Ho plukka nøye ut kva for ein ho likte best.

Tilbehøret i same mønster og farge fekk ho av foreldra.

Pennalhus med alt ho treng for å skrive/teikne,

matboks og drikkeflaske.

Ho dansa blid og fornøgd ut i sommardagen

full av forventningar til neste fase i livet.

Lukke til kjære Ella Victoria

Vårblomster

Ei lita runde i hagen viser

at mykje har skjedd siste veka,

fine dagar og kalde netter har ført til

grønt gras i plenen, nokre 

løkblomster og

primula er i blomst.

 Narcissus tazetta.

 Her ved storesteinen blir det fint når narsissene opnar seg for fullt.

Seinare kjem pinseliljene som no berre har blad.

 Primula med  

ulike fargesjatteringar.

Velkommen vår !

Rosekaktus

Eg har skrive om dei gamle kaktusane 
som blomstrar om våren tidlegare:

Rosekaktus 2013

Dei får virkeleg ikkje mykje stell,

Kanskje nokre dropar vatn annakvar måned...

Men plutseleg står dei er,

fulle av knoppar.

Då forbarmar eg meg over dei og set

krukkene ein stad me får sjå dei

vakre blomane.

 Kanskje ikkje så blomsterrike som for 5 år sidan,

men dei blir flotte når alt sprett ut.

Eg fekk avlegger(stikling) av ei gammal dame eg 

hadde som pasient ein gong på

1970 talet,

 den har skapt glede 

i snart 50 år.

Gemsweeklyphotochallenge v. 18 - Gammal -

Vår i full fart

På Harpefossen der me har hytte har

det vore store snømengder heilt til siste veke.

For 3-4 dagar sidan gjorde varmegradene og vinden

kort prosess med mestparten av snøen.

På ein kort tur i nærområdet i dag

fekk eg mange overraskingar.

Kvitveis blømer,

og jammen er her andre

grøne blad også.

Hestehoven kjem rett opp av grus og stein,

Selja er langt komen.

Visste du at seljebarken inneheld salisylsyre og har i

 tusener av år vore brukt som febernedsettande, og

smertestillande ?

I dag blir acetylsalisylsyre framstilt syntetisk og me

kjenner dei som f.eks  Dispril og Globoid.

Kanskje kan me tygge på ei seljegrein visst haudeverken

melder seg når me er på tur i naturen..

Eg måtte plukke med meg nokre

kvitveis tilbake til hytta.

Den vesle mugga har plass til akkurat 

så mange kvitveis.

Eg ynskjer deg fine vårdagar framover.

Meir gleder

Dagane med barnepass er omme

for denne gong,

roa senker seg i huset.

Me ser tilbake på

10 flotte dagar i lag med 

barneborna 

Celina Marie 15 år,

Leah Sofie 10 år og

Ella Victoria 5 år

sjå tidlegare innlegg

Her

Det har gått heilt fint, ingen tårer

eller dårleg stemning.

Ein dag oppdaga me at ein fin ullongs hadde eit

digert hol på kneet.

Farmor hugsa at då 10 åringen var lita

hekla eg ei bot og sydde fast over holet.

med godt resultat.

No fann eg fram tråd som passa

og hekla i veg ..

Femåringen var fornøgd med

resultatet,

ho synest det var kult !

Siste dagen tok dei eldste barna i Sundgotmarka
barnehage buss til sentrum av
Ulsteinvik der dei markerte 
"barnehagedagen"
i lag med jamaldringane frå
dei andre barnehagane i kommunen.

Tema for dagen var
"La meg skape"
Det var ei rørt farmor som fekk
det fine bildet ho hadde teikna og
flotte armband.
Tusen takk Ella Victoria <3

Gleder

Kvardagen her i huset er annleis enn vanleg.

Frå å vere berre oss to gamle

er me no 5-6 personar

i 10 dagar.

Barneborna skaper liv og røre

i heimen.

Tidlege morgoner med frukost og køyring til

barnehage, barneskule og ungdomsskule

går fint.

Heldigvis har dei oversikt på aktivitetane sine sjølve.

Korpsøving, fotballtrening, karatetrening, skeisedag på isen

bading, bursdagsselskap, påskevandring i kyrkja ...

Ei stakkars farmor blir litt surrete og får kommentarar

som " du har spurt 4 gongar "...:)

Leksene passar dei på sjølve.

Farmor prøver å lage mat som dei likar,

speltbollar (dei er ikkje glad i frø..)

middager som brennsnut, 

laks med gulrot og cremefraichesaus, og

tomatsuppe med makaroni, grillpølse og reven ost

er sikre vinnarar.

Vidare må iallfall taco stå på menyen,

så får me sjå..

 På isen prøver farfar  å instruere Leah Sofie som

du ser bakarst.

Etter ei kuldeperiode i lang tid er det kjekt

at skulen kan ta med elevane på 

Kjerringnesvatnet så dei får prøve å gå på skeiser.

Dei hadde med pølser og anna til grilling

og kosa seg i det fine veret.

Det er fleire dagar att av barneborna sitt besøk,

me har funne ei rytme, farmor har vore på sine faste

timar seniortrim, farfar får unna 

songøving og kommunale møter.

Me synest det er kjekt å kunne bidra til at

foreldra får ei kjærkomen ferie i varmare strøk.

Bursdagstavle

I vår familie er det farmor som har oppgåva 

med å passe på at det blir sendt bilde

med tilhøyrande helsing til lokalavisa

når barneborna har bursdag.

Det har blitt nokre helsingar i løpet av dei 17 åra.

Nokre fleire familiemedlemer blir 

også hugsa når dei har rund dag.

Etterpå klippe eg dei ut og heng dei på 

ei tavle i gangen

Her heng det lag på lag med bilde/helsing.

For meg er det kjekt sjå at når dei er her på besøk

stoppa dei opp og leita på tavla,

diskutera korleis dei såg ut

i den og den alder.

Artig og enkel måte å glede andre på.

Sol

Det er tid for 
Gemsweeklyphotochallenge veke 25 og ordet er
 SOL

Slik kan junikvelden ende
etter styrtregn og vind
tidlegare i kveld

og sola speglar seg gjennom regndropar i 

Vitrineskapet i stova.

Det er to-tre dagar til sola snur
og det er lyst som dagen ute.

God natt !

Sjå fleire solbilde HER