Teikn på haust, og vinter i vente

Pensjonistane har tid til ein

 liten tur i nærområdet.

Is og hastfargar passa godt i lag

  Lauva glitrar i sola.

 Rimfrost med solstrålar.

Ottar har samla naturmaterialer.

Rundt

Ordet hos Sanna denne veke er

Runt - Around

Siste dagane har vore fine her på 

vestkysten av Sunnmøre.

Minusgrader og solskin.

Eg tok ein rusletur rundt

Vågevågen.

I min barndom gjekk hovudvegen 

rundt her.
No til dags er det ein fin 
rundtur på gjengrodde stier.

 Her på det gamle idylliske gardsbruket, som

eg ser frå stovevindauget mitt,

budde ei gamal dame som eg vitja ofte.

I dag er det fritidsbustad.

 Der kan eg sjå attende til barndomsheimen min til høgre,

vårt hus bakanfor.

Me har framleis korte stunder med sol.

Men "det syng på siste verset",

snart er sola borte i 3 mnd.


Til slutt vil eg vise minstejenta,
barnebarnet som blir 7 år om nokre dagar.

Den runde "pilleeska" som eg hadde i min
pure ungdom
passa godt til Ella Victoria :)

Gemsweeklyphotochallenge v. 45 - Runt -

Vårteikn

I Tuå der eg bur

 har me ikkje sol seks veker før-

og seks veker etter- 

solsnu. 

For eit par veker sidan kom sola nokre minutt

og aukar tida for kvar dag.

I dag viste temperaturmålaren 12 grader.

 Men det er fantastisk å sjå at

snøklokkene blomstrar i hagen allereie.

Og attpåtil ein krokus

står der og lyser.

Naturen er ein meister.

Men eg let meg ikkje lure,

vinteren ligg nok og lure ei stund til.

God helg !

Februardag

Før eg sto opp i dag låg eg og høyrde på radio,

der sa dei blant anna at månadane

 Februar, Mars og November

startar på same dag.

I år på ein fredag.

Men neste år, i 2020, blir denne regelen broten

fordi då er det skottår.

Kanskje ikkje nyttig å kunne dette,

men greit å vite :)

Eg starta dagen med å bake

Pizzasnurrar.

Med ungdom i hus er det greit å ha noko

enkelt og godt i frysaren til nistemat.

Etterpå tok me på piggsko og gjekk ein tur i nærområdet.

Herleg å sjå kor lyst og fint det er der sola når fram.

 Ulsteinvik bada i februarsol.

Legg du merke til den flotte fargen på 

det nye skipet ved skipsverftet ?

Holmar og skjær med

storhavet attanfor.

Nesten heime.

Blikkstille sjø og nydelege fargar.

Ja, du ser vel det fargerike skipet på alle bilda ?

I morgå blir det middag til

heile familien på 12 

Det blir poteball med mykje godt attåt.

God laurdaskveld !

Fordon

Køyretøy er det norske namnet på 

ordet Fordon i utfordringa denne veka.

Først vil eg vise Ella Victoria posere i 
ettermiddagssol med fotograf farmor
i silhuett.
Køyretøyet dreiv med planering av
grus på ein stor plass.

Den gamle lastebilen har sett betre dager,
men har si oppgåve med å halde
garnblåser på plass. 

Her kan du sjå innlegget mitt om Fordon i 2017


Gemsweeklyphotochallenge v. 44 - Fordon -

Uvanleg fenomen

Onsdagkveld

var det eit forrykande regnver.

Ein kunne tru at himlens sluser var vidåpne.

Brått pressa sola seg gjennom skylaget og 

såg ut som ein storbrann.

Det varte ikkje lenge så eg er glad eg sprang

til verandadøra og knipsa.

Augneblinken etter var det over.

Sjøbad

Ordet i utfordringa til Sanna er 

action

denne veke.

På norsk tyder det handling.

I dag 1. juli var tida komen for årets

første sjøbad.

Nydeleg sommarver og trimtur i lag med familie

gav lyst til action i form av avkjøling i sjøen etterpå.

Deilig, friskt bad.

Ella Victoria hadde lyst ut i, men synest det var kaldt.

Neste veke skal ho vere her hos oss på

sommarferie så då blir det meir bading.

Leah Sofie og farmor kosa seg i det

"knallvarme" sjøvatnet.

Symjinga gjorde godt for ein krank rygg,

no er den mjuk og føyeleg... så langt...

Ynskjer deg ei fin juli måned.

Gemsweeklyphotochallenge v. 27 - Action -

Årets lengste dag

Torsdag 21. juni "snudde sola", 

sommersolverv kl. 12.07

Då står sola så langt mot nord som den maksimalt

gjer i løpet av året.

Her var det overskya heile dagen, men

i 23 tida om kvelden løyste skylaget seg og viste

fram solstrålane.

Me kunne sett sola gå ned i havet kl 23.40,

men den gøymde seg bak skyene i år.

Vemod, tida går så fort.

Du er solen

Du er som solen, – en majestet

lysende skjønn og stor!

Jeg kretser om deg, snart kold snart het,

som en årtidsskiftende jord.

Vender jeg fra deg som solen gjør,

da vintrer mitt hjerte til,

sangene tier og blomstene dør,

fjernt fra din kjærlighets ild.

Men når jeg atter mot solen snur,

blir jeg en gjenfødt vår,

Mitt sinn blir en blomstrende allnatur

som glad mot din sommer går!

Hermann Wildenvay ?

God Jonsokhelg !

Favoritt

er ordet i utfordringa 
denne veke..

Å velge ein favoritt er ikkje enkelt,

 eg har mange.

Må velge mellom ting som gir meg glede,

akkurat i dag er det 

tulipaner på bordet i hytta.

Favorittkruset frå barneborna,

den gode boka 

"Alt uavklart " skrive av

Unn Conradi Andersen

er også favorittar.

 Vakkert å sjå inn i  botnen på

ein tulipan.

Og ute skin sola frå klar himmel over

snødekt terreng.

Du kan sjå andre sine favorittar her:

Gemsweeklyphotochallenge v. 8 - Favorit -

Snø, sol og vind

Når me køyrer tre fire kilometer heimanfrå
 kan landskapet vere dekt med snø.

Denne veka har det vore fleire dagar med

sol og vind.

Ein dag tok me turen til fots opp gjennom

Fjellsbrekkene,

ein veg over fjellet mellom 

Hareid og Ulstein

Den blir ikkje pløgt om vinteren,
men har spor etter store køyretøy.

Til lenger oppover me gjekk
dess meir bles vinden snøen saman.

Nesten på høgda av bakken

tok vinden godt tak.

Ikkje godt å sjå kvar vegen ligg,
snøen har lagt seg i skavlar.
Me snudde her.

På veg nedatt såg me fotspora våre
på isen under snøen me gjekk på oppover.
---vinden har ikkje greidd å fjerne alle spor--- :)
Morsomt.

Det var ei frisk tur  !

Leonardo

Ein av  soldagane var me i lag med

Leah Sofie.

Blant anna besøkte me Leonardo og 

Hans-Petter

Stor gjensynsglede

Leonardo var snar til å legge seg i skuggen

Han er så fin ♥

Ha det godt og

på gjensyn !

Sol

Det er tid for 
Gemsweeklyphotochallenge veke 25 og ordet er
 SOL

Slik kan junikvelden ende
etter styrtregn og vind
tidlegare i kveld

og sola speglar seg gjennom regndropar i 

Vitrineskapet i stova.

Det er to-tre dagar til sola snur
og det er lyst som dagen ute.

God natt !

Sjå fleire solbilde HER

Bjørkedalsvatnet i morgonsol

Å køyre langsmed Bjørkedalsvatnet

i Volda kommune

er ei flott oppleving.

I går sende morgonsola strålane sine over 

det stille vatnet

og speglingane var nydelege.

 Eg blir aldri lei av synet som møter oss

når me kjem køyrande på veg til hytta.

Der er fint same kva

årstid det er.

God maihelg !

Idyll ved Grimstadvatnet

Me er heldige som har mange

idylliske mål for

trimturen. 

Rotarystien i Hareid kommune

er ein slik.

Hovdenakken speglar seg i

Grimstadvatnet

Vatn er vakkert både når det flyt roleg
og når det hiv seg utfor eit nytt
nivå i elva.

Solglans

Sola skin kraftig i mars

og lagar solglans

over sjøen.

Det er god underhaldning å studere naturen

når ein står i ferjekø på

Sulesund.

Sol inn i stova

Den etterlengta sola 

lyste inn i stova i dag.

Hurra !

Me er utan sol 6 veker før-

og 6 veker etter solsnu.

Eg tenkje ikkje så mykje på det

midt i perioda,

men når tida nærma seg for at ho skal

kome igjen lengtar eg etter den.

Det er rett og slett livgivande 

å få den tilbake :)

"morgenrød

gir aften bløt "

Slik såg himmelen ut då eg åt frukost i dag.

Iflg. Widipedia:

" Når sola i aust skin på skyene i vest,

kan det vere teikn på at skyene i vest vil trekke

innover i løpet av dagen og gje

regn til kvelden ".

Med all denne snøen som ligg no

kan det verte (altfor) spennande å ferdast ute

første døgna.

Her må broddane finnast fram !

Skywatch-Friday

Rimfrost 20. november

På trimturen i dag var det minus 2 grader,

 rim på marka og skarp luft på skuggesida.

Lenger fram i dalen bada sola snøen

 på fjelltoppane.

Vinteren er i anmarsj.

On tour today it was minus 2 degrees,

  hoarfrost on the ground and crisp air at the shadow side.

Farther up the valley the sun was shining on the snow

  on mountain peaks.

Winter is approaching.

Skywatch-Friday