Godt for augo

Jamt er vel stundene 
tunge og grå.
Berre eit lyfta andlet kan
stjernene sjå.

Jan-Magnus Bruheim

Ha ein fin måndag, den siste i september !

Anne-Mari

Plommesaft

i eit vakkert 
Nøstetangen vinglas
som mannen min fekk i 50 årsgåve.

Han fekk to glas, men eg er så redd for å skade dei
at dei blir nesten aldri brukte.


Nydeleg saft 
av plommer kokt i 
saftkokar.


God søndag !

Anne-Mari

Ordlös Lördag - dis

Tema: dis/dimma

Ordløs Lørdag

Haustfargar

På trimturen i dag kjende eg gleda

ved å sjå dei vakre fargane

som var rundt meg.

Og eg er takksam over at eg berre kan 

gå utfor hyttedøra og nyte det.

Torsdagstema

Sinneskatten

Anne-Mari

Solnedgangen heime

 " I morgen heter vårt i dag - i går,
og all vår fremtid heter fortid siden,
men det froklarer at hvert nu vi når
er selve evigheten midt i tiden."

Herman Wildenvey

Orda kom over meg der eg
let meg overvelde av
den fine solnedgangen.


Ynskjer ein fin onsdag til alle.

Anne-Mari

Admiral

" Admiral har fløyelssvarte vinger med røde bånd og hvite flekker,

 og er en av våre mest stilfulle sommerfugler.

Admiralen kan ikke overvintre i Norge, til det er vinterkulden for streng.

 Men den blir regelmessig, mellom mai og oktober, 

observert i alle norske landsdeler."

wikipedia

Mang ein gong har eg prøvt å nærme meg ein
Admiral,
men aldri fått tatt bilde.

Denne gongen sto han lenge på blomen,

han dreia seg rundt og viste fram baksida si,
som hadde litt andre fargenyanser.

Som ein sjøoffiser av høgste rang.

Hausten gjer sitt inntog.
Her skin sola, men lufta er skarpare.

Tusen takk til alle som besøke bloggen min.
Eg kjenner meg audmjuk og takksam når eg ser teljeverket
har bikka 200 000 visningar.


Ha ein fin måndag alle som ein.

Anne-Mari

Fototriss - Vegar

 Frå Ulsteindalen kraftverk, bygd i 1917,

går vegen bratt opp til Lisjevatnet

- 18 % stigning, 

Trimturen dit i dag fekk fart på blodpumpa ...

På dette bildet er det eigentleg

eit triss.

Tre vegar, to som fraktar vatn, og ein grusveg.

Nede i byen såg me denne

 blindvegen gjennom eit

velstelt tun.

Vel heime lufta Bessie

 seg på heimlege trakter.

Fototriss

I like

Kan vere så mangt.
Valfritt kva ein legg i skrinet
.....

Torsdagstema

Kredefest

Det er tradisjon å vitje svigerinne og svoger

ei hausthelg på hytta deira i 

Sørbrandalfjellet.

Karane fiskar krede i vatnet.

Fisken har stor fargerik rogn og

er klar for å gå opp i elvane for å gyte.

Det er snart slutt på kredefisket for i år.

Damene går på fjelltur

og har fin utsikt over Børevatnet der

karane ror.

Fine fargar i fjellet

Kredene blir steikt i godt smør

og surra i sæterrømme...

Himmelsk godt !

Noko søtt inn på tunga etterpå..

Vona det blir ei fin haustveke for deg og dine !

Anne-Mari

Disme

Siste dagane har det vore sol og varmt,

men ei underleg disme har skapt eit tynt slør

over landskapet.

På turen til hytta i går midt på dag var

det magisk.

Mannen min måtte stoppe bilen både titt og ofte

så eg fekk ta bilde.

Eg kunne redigert bilda og fått større kontrastar,
men eg vil vise bilda frå Bjørkedalsvatnet
akkurat slik eg opplevde det.
Det såg ut som sola skein skarpt
ned på disen eller disma og skapte
den trolske stemninga

Det såg nesten ut som dei grøne markane la seg utover 
det klare vatnet.

Slik var det på Bjørkedalen 12 september 2014
i 13 tida.

Ynskjer deg ei strålande helg !

Anne-Mari

Oppmuntrande

å sjå 

at sommarblomster framleis står fine
utfor døra.

Onsdagstema 10/9

Temperatur

er TirsdagsTema i dag.

Ein gloheit julidag søkte

Ella Victoria 1,5 år etter skugge.

Her ville ho vere :)

TirsdagsTema

Hermetisering

av plommer.

Det gamle treet som me trudde

hadde pensjonert seg bar nokre plommer dette året òg.

Dei gule plommene er ekstra gode hermetisert.

Og i store plommeår har eg i tillegg brukt å lage saft av dei,

den er barnebarna svært glad i.

Mor mi hermetiserte på rett måte med å legge plommene

i glas, sukkerlake over og koke/trekke glasa i ei

stor panne med vatn til dei var ferdig

møre.

Eg brukar framgangsmåten til ei gamal tante,

som er enklare og greiare.

Kokar sukkerlake av 1 liter vatn og 1 kg sukker,

let plommene trekke ein augneblink i vatn før

eg tek dei opp med holsleiv og legg dei i det

 varme sterile glaset.

Auser sukkerlake over til glaset er fullt,

set på lok og snur glaset opp ned.

Sterilt og hermetisert !

Eg har funne ut at det er mest praktisk å

bruke små glas. Kan heller opne eitt til dersom det trengs.

Bon appètit.

Anne-Mari

Blåbær 810 moh

I fjella der me kan gå frå hytta er blåbæra 

på sitt beste no i månadskiftet

august-september.

Vakkert med haustfarga blad

og modne saftige blåbær.

Lunsj med heimelaga knekkebrød

og blåbær er sunt og godt.

Fin mose ved Kjenndalsvatnet 

810 meter over havet.

Ynskjer deg gode septemberdagar.

Anne-Mari

Tjukke-lestar

til yngstesonen,

Strikka i garnet 

Raggi frå Järbo

Svigermor har strikka lestar til oss i over 40 år,
så me er grundig bortskjemde og det var på tide
eg prøvde sjølv.
Med gode råd frå Ingunn
 med den fine bloggen Bundingen
kom eg i mål.

Det var eit godt garn å strikke av,
så om forholda ligg til rette blir det kanskje fleire par.


Anne-Mari

På rad

er utfordringa i 

Fototriss - tre bilde på eitt tema

denne gongen.

Søndagsturen i går gjekk frå hytta 

til ein liten fjelltopp som ligg i synsranda vår,

Naustdalskammen 492 m over havet.

Det var ein strålande dag med sol og rundt 20 grader.

Delar av stien er lagt med steinheller 

på rekke og rad,

På toppen er det flott utsikt mot Nordfjordeid

og over gardsbruk som ligg 

på rekke og rad,

Ved foten av fjellet har flittige folk hogge ved 

til store vedstablar og lagt dei

på rekke og rad.

Fototriss