Kleivastova

Ikkje langt frå der eg bur, på Klubbeneset, står den gamle

Kleivastova

Frå gammalt sto den på området der

skipsverftet Kleven skulle

utvide verksemda si.

Kleivastova vart flytta til nabogarden og sikra slik

at den skal vere tilgjengeleg for alle.

Kleivastova er ei røykstove,

dvs. at det i staden for skorstein, var ljore i taket,

med gruva rett under.

Røykstova er truleg det eldste huset i Ulstein og 

vise tydeleg at boligstandarden har

blitt betre dei siste 3-4 hundre åra.

Gruve og ljore skreiv eg om i
eit innlegg der eg viser gamle gjenstandar
her:
Omnskråa

Naustrekker

Sist søndag var det strålande haustver

då me tok ein biltur til

nabokommuna

Den dagen var det naust i fine farga

som fanga interessa mi

Dei grøne bølgeblikkplatene på kaihuset i framkant

er fine blikkfang

i lag med haustfargane

Gamle og nye side om side.

Denne veka kom stormen og regnet

etter fleire veker med eit usedvanleg flott haustver.

Regnklede og støvlar er godt å ha.

Skywatch-Friday

Pizzasnurra

Barneborna er glad i pizzasnurra

så det er kjekt å ha i frysaren

når dei kjem på besøk.

Dei er best når ein tinar dei litt i

romtemperatur først,

deretter nokre minutt i

steikeomnen.

Oppskrifta:

250 gr sammalt speltmjøl, grovmalt

950 gr sikta speltmjøl

50 gr gjær

1 ts salt

1 ts honning

100 gr smør

4 dl lettmjølk

4 dl vatn

Smelt smør og ha i mjølk og vatn til det er fingervarmt.

Slå det over gjær og honning og la mixaren gå til gjæra er oppløyst.

Ha i det tørre, det grove først.

Elt deiga på sakte fart 8-10 minutt.

Hev deiga under plast på lun stad ca 30-40 min.

Kjøttsaus:

Lag sausen medan deiga hever.

Steik 2 x 400 gr karbonade- eller kjøtdeig, 

gjerne ekstra finhakka sjalottløk,

krydder etter smak.

Slå over 2 glas Dolmio naturell

la det surre 5-10 minutt.

Del deiga i tre

Kjevl ut avlang leivar

legg på kjøtsaus og

strø på reven ost.

Rull saman og del i ca 2 cm bitar.

Legg på bakepapirkledd plate.

Etterheve ca 30 minutt

Dryss reven ost på toppen før steiking.

Steike midt i omnen 225 gr 12 til 15 min til dei er 

gjennomsteikte.

PS. Eg legg mykje saus og ost inni  rullen så det

glir ofte ut ein del under steiking.

Det blir ikkje perfekte snurrar utsjåandemessig,

men eg skal love deg, dei er kjempegode !

Hortensia i haustskrud

 Utfor døra står ei 

Hortensia med haustskruden på.

Kalendaren viser slutten av oktober

Fargen blir djupare for kvar dag

Vakker til det siste

Slik var fargen på Hortensiaen 13 juli.

Den hadde stått inne ei tid då 

eg sette den ut i lag med 

uteplantene før me reiste på ferie.

Og der har den stått sidan.

Bilde i Color Fantasy

I kvar trappegang er det ulike utsmykkingar.

Spottane som lyste på bilda 
hindra gode foto.

 Eg likte desse naive motiva

 Fine fargar

 Mosaikk

På lugaren hang dette bildet 

over senga

Bilde på motsett vegg.

Det er flotte skip der det er lagt opp til
at du skal ha fine opplevingar
av ulik art.
Utsmykkingane har mykje å seie
synest eg.


Her heime er hausten framleis
nydeleg.
Eg skal nyte den i helga.

Frisk farge

Kjøpt i Kiel

(eigentleg er veska raudare

enn bildet viser)

Med anemi som tappa energi

kjenner eg at den

raude veska

skal friske meg opp !

Tepper i Color Fantasy

Eit to døgn cruise Oslo - Kiel gir

mange inntrykk.

Maten, shoppinggata, interiøret

og ikkje minst

dei teppelagde korridorane og

gangane.

Dei vakre fargane i mønstra på teppa

fengsla meg

Ulike fargar i 

etasjene på det store skipet

I dei smale korridorane mellom

lugarane låg desse

fargerike teppa

At fargar betyr mykje 

kan du lese meir om hos Tove i bloggen

FARGENE FORTELLER

Spegling

Mirroring

in my neighborhood 

It`s just to enjoy.

Skywatch-Friday

Glimt frå hagen

Me er velsigna med nydelege haustdagar,

sol og klar himmel om dagen,

kaldt og rim om natta.

I hagen står dei trufaste plantene

Blå hagehortensia

har blomstra i mange veker.

Kinasøte er kjærkome blikkfang 

denne tida.

Eg nyt den lysande blåfargen.

Sedum, den fine haustplanta er

godt likt av insekta.

Rim på marka er

eit vanleg syn i oktober.

Den fine hausten gjer ventetida på 

 sommar, sol og varme 

kortare.

Og takk for det.

Flower Wednesday

I like

Garasjesalg

I går var det Garasjesalg på

Haugen ikkje langt frå hytta.

Me skulle ikkje handle,

 berre ta eit tur og kike....

Ka du trur, me fann sjølvsagt mangt og mykje,

og enda opp med fleire

godbitar.

Korger i god kvalitet for

10 kr stykket,

klart me måtte ha dei !

Skål og  tre serveringssfat,

Karelia frå Arabia,

som ikkje ser ut til å vere brukte.

Papirlappane under er intakt.

Linduk på over 2 meter er

kjekt å ha..

Barneborna fekk kjøpe dokker som

ei jente hadde vakse frå og la ut for salg.

Me har fullt hus hytte og 

altfor mykje ting og tang frå før,

så me bør ikkje utsette oss for slike freistingar !

Men trur du me lærer ?

Sølvsmykker

For nokre år sidan var mannen min og 

barnebarnet Celina Marie i 

Ivar Aasen tunet.

Der fann dei eit fint sølvsmykke som

dei kjøpte til meg

Eg lika godt dette smykket og brukar det mykje.

Det passar både til fest og kvardags.

Eg får stadig kommentarar frå

folk som ser det og

lika det.

Ein dag eg hadde det på meg i

sentrum av Nordfjordeid var det ei dame som

kommenterte at smykket er laga

av dotter hennar som har

butikk i Eidsgata.

Mannen min og eg gjekk inn i butikken

som inneheld utruleg mykje 

fint handverk.

Der såg han ei slipsnål som han 

likte godt.

Eg tenkte i mitt stille sinn

at dette er ei fin 70 års gåve

Slipsnåla i sølv med 

FARFAR 

inngravert passa perfekt for han.

Barneborna ga han denne i 

bursdagsgåve.

Kathrine Berg

er utdanna gullsmed

og har verkstad og butikk på 

Nordfjordeid.

Om du vil kan du kike innom og

sjå mykje fint hos

Bergart & Sånt:

Nettbutikk

For ordens skuld, innlegget er ikkje sponsa.

Saltmat og søtmat

Først av alt:
Ottar takkar hjarteleg for alle 
gratulasjonane frå bloggvennane mine !

I 70 årsselskapet
her

var det rikeleg med mat til

 gjestane.

Koldtbord levert frå eit lokalt 

cateringfirma.

To varme rettar +

variert utval av kalde rettar.

I tillegg laga systra mi den gode løksalaten sin,

som passar perfekt til

karbonader.

Celina Marie og Leah Sofie laga 

tapasretten dadler med bacon

Veldig godt !!

Gode kaker og dessertar !!!
Dei fleste hadde gjestane med seg.
Me bruka å lage til kvarandre 
når me har selskap.
Ein god skikk som avlasta vertinna.
Takk til Sølvi, Vigdis, Perly, Hege, Torill..

Mor til jubilanten, 88 år,
hadde kjøpt kaka med
gratulasjonshelsinga på.

Denne kaka var ny for mange av oss,
Troikakake laga av
svigerinne Siv Marit.

Kjempegod kake !


Du skulle fått ein bit av ei kake om
du stakk innom :)

Ottar 70 år

30 september.
Dagen vart feira med familie,
me var 34 små og store.

Ottar har vore aktiv i politikk og fagforeiningsliv
både lokalt og nasjonalt
heile sitt yrkesaktive liv så det blir
gjerne mykje merksemd
når han fyller år.

Vakre blomsterhelsingar frå
kjende og kjære

Største overraskinga var nok 

denne buketten

Laurdag var det 
Intervju i lokalavisa
side 14 og 15
Der kjem det dessverre lite fram
om familiemannen og 
den kjære farfaren.

Eg kjem tilbake med litt
å bite i,
i eit seinare innlegg :)