Sommarjobb

Kjekt å la barneborna få

sommarjobb hos besteforeldra.

Dei tre eldste vart hyra til å måle huset vårt.

 Jobben starta med rekkverket og

veggane på framsida.

Her er Celina Marie og Hans-Petter

Celina Marie og Benjamin 

samarbeidar godt.

 Litt moro må ein ha.

Kvelden var best å bruke når 

farfar og Benjamin skulle opp i høgda.

Men så kom knotten.....

Alle var nøgde då jobben var gjort,
ungdomane hadde tent seg feriepengar,
og besteforeldra var glade
for god hjelp.

Sommarblomster

Blomma

er ordet i utfordringa hos 

Sanna denne veke.

Ei lita runde der eg bur fekk meg 

til å stoppe opp

og nyte synet av nydelege blomster.

 Det er rik blomstring langsmed vegkanten

denne sommaren.

 Eg høyrde nokon seie at det er så frodig i år

fordi sommaren i fjor var så tørr.

Ekstra frisk raudkløver i graset.

Blomstrane i fjøra er også flotte.

Gemsweeklyphotochallenge v. 30 - Blomma -

Bessie for siste gong

Bessie vart 13 år og mett av dagar.

Eg har skrive innlegg om henne her i bloggen
mange gongar.
Du kan klikke på Bessie under Etiketter,
eller skrive Bessie i søkefeltet over til høgre.

Ho var ein trufast venn for 
 meg og alle her i Tuå.
Godlynt og folkekjær,
ein fantastisk hund.

Me vil sakne henne.

Me har heldigvis to yngre hundar i familien å vere i lag med.

Leonardo
(som eg er farmor til :)
Klikk på namnet hans i Etiketter eller
søkefeltet over til høgre 
så finn du mange innlegg om han.

Jamie
(som eg er tante til :)

"Lykken er en snill hund"
Charles M. Schulz
(Knøttenes far)

Frukttreblomster

Eit plommetre med vakre blomster.

Dette gamle plommetreet
  gir oss mengder av plommer kvart år.

Jamie bryr seg lite om vakre blomster.
Han vil leike !

Ein nydeleg dag og kveld

Etter ein tur på kyrkjegarden og planting på graver

gjekk me ein tur langsmed stranda i nærleiken. 

Der rullar bylgjer frå storhavet mot land.

Dei vakre steinane er polerte av sjøen

og er eit fantastisk syn.

Nesten rart at dei får ligge i fred.

 Det låg an til ei flott avslutning på kvelden

her me bur i Tuå.

 Nokre minutt etter var himmel og sjø farga raude.

Måkene ligg nyt livet,

og ein båt er på veg inn i solstrålane.

(klikk på bilda så ser du betre)

Fuglane har flytta seg og båten er komen vel gjennom

stråleglansen.

Bylgjene etter båten er i ferd med å legge seg,

Idyllen er eit faktum.

Dagen var fantastisk,

spaserturen i fjøra nær sentrum

av Ulsteinvik,

og til slutt opplevinga av å bu på 

verdens beste plass.

Skywatch-Friday

Mars

Det var en av disse dagene i mars, 

når solen skinner varmt og vinden blåser kaldt - 

når det er sommer i lyset, og vinter i skyggen.

Charles Dickens

Snøen kjem fleire gongar i mars,

men løkplantene bryr seg ikkje om det. 

Eg går ofte den korte vegen ned til sjøen

og nyt lyset og fargane.

I går 11. mars

Sola går ned, det er kveld.

Rhododendronblomstring i hagen

Eg kjenner lukke når eg spasera i hagen

og nyt synet av blomstringa

til Rhododendronane.

Nokre av dei er gamle,

foreldra mine planta fleire av dei for mange mange år sidan.

Den gamle hagen og vår heng i hop.

Eg hugsar ikkje namna på alle,

men denne er

Rhododendron Fantastica
som eg har skrive om før.

 Denne sto i mange år utan å blomstre, 

men siste åra har den hatt vakre blomster.

Rette fargen er vanskeleg å få fram på bilde.

Mange ser like ut, men eg trur ikkje

dei har same namn.

Denne er to år og blomstrar for første gong.
Sart og lekker.

I dag er det søndag, 
finever framleis.
Denne helga har me dei tre jentene
på overnatting.
Snart skal me på fotballkamp,
Leah Sofie skal spele.
Kjekt !

Sommarkveld

I går hadde me første sommardagen med 

over 23 grader i lufta.

Fantastisk.

Tulipanen ga alt.

Kvelden var vakker.

20 grader kl 22.

ikkje lett å legge seg med slike
fargar på netthinna.

Krokus

Palmesøndag og vårleg i lufta her i Tuå.

Sola varmar og ei runde

 i hagen viser 

krokus i blomst.

Lunt under klatrehortensiaen.

I plenen er det ikkje like lunt,
men krokusen tittar opp.

Påskeferien blir på hytta,
og der er det framleis store snømengder
og lenge til vår.

God påske !

Frukt i fjøra

Denne veke er utfordringa ho Sanna

ordet: Frukt

Det kan vel diskuterast om tang og tare

er frukt eller grønsak,

men eg tek sjangsen på at det er 

frukt.

Eg må innrømme at eg ikkje bruka tang i maten,
men har høyrt at det blir
god suppe kokt på tang, kanskje eg skulle
prøve ein gong ?

Eg bur nær sjøen og har alltid likt

å vandre i fjøra.

Den gode lukta av tang og tare blanda med

salt og frisk luft gjer 

ein fjøretur til ei god oppleving.

Tang og tare er fleirårige brunalger.

Tang er mest vanleg i fjøra medan 

tare veks djupare.

Den eg vise her er truleg blæretang.

Det er kjekt å knipe på blærene og få dei

til å sprekke.

Etter ein fjøretur er skuldrane senka og

pulsen lav.

Sjå kva andre har skrive om frukt

Gemsweeklyphotochallenge veke 10 - Frukt -

Høgt

Hos Gemsweeklyphotochallenge er

ordet denne veka

Høgt

I dag var det betongarbeid

ved sjøen her eg bur.

Den lange arma på 

betongpumpebilen raga høgt i vëret.

No har eg gått ei runde og kika og ser at det

er småbåthamna som

er støypt.

Kanskje hugsa lesarane mine at eg skreiv om 

Tuebuda

Etter ein heller grå dag vart

det ein fin kveld.
Sola skin høgt over skyene.

Gemsweeklyphotochallenge v. 41 - Högt -

Tuebuda

Bestefar Lars Breivik bygde sjøbuda

tidleg på 1930 talet.

I 1952 selde han den til handelsmann Hans Dimmestøl

som dreiv tilvirkning av fisk og sild der.

Eg hugsa godt at eg som lita jente såg på

mor mi og dei andre kvinnene som 

la sild på ein sirleg måte

i tønner.

Tuå sett frå sjøen.

Tuebuda til venstre.

Naustet og sjøhuset til høgre 

har dokke ofte sett på bilda mine.

I tunet er huset vårt øvst på midten, bak huset til

bror min. Barndomsheimen min er 

til høgre.

Husa bak til høgre er byggefeltet Skjerva

på andre sida av hovudvegen.

Siste åra har den sett slik ut.

I vinterstormane har me vore redde for å få

bølgeblekkplater og andre materialer 

fykande gjennom lufta.

Eg har likt godt å ta bilde av den.

Tuebuda hadde sin sjarm heilt

til det siste.

Ein augustdag i 2017 var tida komen

og den underkasta seg maskiners verk.

I dag er utsikta endra,

ein kan sjå til Ulsteinvik og

heilt til Roppehornet på Flø.

På tomta etter den gamle Tuebuda 

vil det snart kome opp fleire flotte naust.

Ein ny tidbolk er på gong.