amo sin blogg

fredag 9. august 2019

Klubba

eller Lollipop

er ordet i utfordringa hos Sanna

denne veke.

Det finst fleire døme på ordet,

f. eks. ein møteleiar kan bruke klubba

for å få ro i salen.

Men eg vel å rette fokus mot

den gamle klubba som mor mi brukte
før meir moderne reiskapar
vart vanleg.

I ei krukke eller skål/fat brukte mor mi

å presse f.eks. bær som ho skulle bruke

til saft eller syltetøy.

Den var også brukt til å "banke" fisk til

farse som det blei fiskekaker eller

fiskeboller av.

På denne gamle krukka står eit

3-tall,

eg rekna med at det seier at det er plass til

3 liter i den.

Klubba er gammal og mett av dagar,
og vise tydelege teikn på eit
aktivt arbeidsliv.

Jada, den søte klubba skal få vere med.
Fatet den ligg på er arvegods.

Gemsweeklyphotochallenge.blogspot. v. 32 - Klubba -

søndag 4. august 2019

Vegen

Vägen

er ordet i utfordringa til Sanna

i veke 31

Om sommaren køyre me ofte

den verna Postvegen mellom

Bjørkedalen i Møre og Romsdal og

Harpefossen i Sogn og Fjordane

der hytta vår er.

Mange bønder har kvigene sine på

sommarbeite i dette området.

Eg har talt 30-40 kviger,

men det er heldigvis sjelden så mange på same plass.

Vegen er vår !!

Her kjem du ikkje forbi..

Det er greit å ha god tid så ein ikkje

uroar dei for mykje.

Gemsweeklyphotochallenge v. 31 - Vägen -

søndag 28. juli 2019

Sommar

Varmerekorder

og deilig dessert.

Nyt dagane !

søndag 21. juli 2019

Sommarblomster

Blomma

er ordet i utfordringa hos

Sanna denne veke.

Ei lita runde der eg bur fekk meg

til å stoppe opp

og nyte synet av nydelege blomster.

Det er rik blomstring langsmed vegkanten

denne sommaren.

Eg høyrde nokon seie at det er så frodig i år

fordi sommaren i fjor var så tørr.

Ekstra frisk raudkløver i graset.

Blomstrane i fjøra er også flotte.

Gemsweeklyphotochallenge v. 30 - Blomma -

onsdag 17. juli 2019

Mønster

Mönster er ordet i utfordringa til Sanna

denne veke.

Når ein rydder i kasser på mørkeloftet

kan ein finne gamle skattar.

Skjørta frå 1980 talet med fine mønster

har eg ikkje råd å levere i Uff-containeren.

Eg skal bruke dei.

På kjøkenbenken i hytta står

Figgjoskåla med fint mønster.

Far og svigerfar var flinke til å lage kunstverk i tre.

I hytta heng bl.a. Mangletre med rulle og Skei i

fine mønster.

I gamle dagar var Mangletre brukt til å stryke klede.

F.eks. rulla dei duken rundt rullen og

"strauk" med mangletreet.

Godt å ha elektrisk straum så me kan

bruke strykejern ;);)

Gemsweeklyphotochallenge.blogspot v. 29 - Mönster -

fredag 12. juli 2019

Eg har skrive innlegg om henne her i bloggen
mange gongar.
Du kan klikke på Bessie under Etiketter,
eller skrive Bessie i søkefeltet over til høgre.

Ho var ein trufast venn for
meg og alle her i Tuå.
Godlynt og folkekjær,
ein fantastisk hund.

Me vil sakne henne.

Me har heldigvis to yngre hundar i familien å vere i lag med.