Finne ly av Aina Basso

Dette er Aina Basso si fjerde bok.

Det er ein historisk roman om korleis 

dei reisande vart behandla her i Noreg

i ei tid me ikkje kan vere stolte av.
Fordommar som også står sterkt i dag.

" Finnskogen, 1849. Hanna søkjer teneste hos ein enkemann

med to søner. Karfolket på garden har ikkje mykje til overs

for dei som er av reisande slekt, så Hanna må halde tett

om opphavet sitt. Den yngste sonen, Johannes, får eit godt

auge til henne, men odelsguten står i vegen for forsøket

hans på å nærme seg. Fordommar, frykt og sjalusi veks

fram, og Hanna må ta stilling til kva tryggleiken er verd

om han går på kostnad av hennar eigen fridom. "

Aina Basso er historikar og romanane hennar

er knytt til historiske hendingar.

Sjå innlegg om dei tre første bøkene

Her

Eg lika godt denne boka, den er skriven på ein nydeleg måte
som gjer at eg måtte lese oppatt setningar
 berre for å nyte språket.

Den kan ikkje berre skumlesast.

Boka er skriven på nynorsk.

Romanen var nominert til 
Bokbloggerprisen 2014

Ei bok eg vil anbefale deg å lese.

Anne-Mari

Aina Basso

Forfattar og Historikar.

(bilde lånt frå Sunnmørsposten)

Aina er frå Giske.

Ho er barnebarnet til mi kjære tante Agnes.

Tante fortel at heilt frå Aina kunne lese og skrive,

 sat ho ved kjøkenbordet 

og skreiv

små forteljingar.

Første boka hennar kom ut i 2008

og er ein historisk ungdomsroman. 
 

 Ingen må vite

Året er 1734, Ingeborg 14 år dett på isen. Der står

Mikkel og hjelper henne opp.

Ingeborg begynner å drøyme om han.

Men det finst eit hinder mellom dei, ein farleg

løyndom som må bli avslørt og få

store konsekvensar for alle involverte.

Boka har eit flott språk.

Eg likar så godt måten den er skriven på, 

ikkje for mykje detaljar, men slik

 at ein blir i stand til å tenkje korleis

omgivnadane ser ut.

Det er ei poetisk og spennande bok som passar både for 
ungdom og vaksne.

Den andre boka kom i 2010.

 Fange 59. Taterpige 

Boka  er ein historisk roman frå 1700-talet.
Den handlar om den unge taterjenta Maria som kjem
til byen saman med familien sin for å selje varer
på torget. Dette var ulovleg for taterane så dei måtte
flykte når vektaren kom.
Maria kom bort frå fylgjet sitt og hamna på 
tukthuset i Trondheim.
Historia er dikta, men i tukthusprotokollen finst
ein fange nr. 59, taterpigen Maria Andersdatter.  
Det er ein roman om lengsel, pågangsmot og venskap.

Eg likar måten Aina skriv på.

Boka er spennande og tankevekkjande.

Og det stikk i meg når eg veit at 

folkegrupper også i dag

opplever å bli jaga.

Den tredje boka kom ut i 2012,

ein ungdomsroman. 

Inn i elden

Frå år 1620 og utover vart åtti " trollkvinner "

dømde til døden på bålet i Finnmark.

I denne romanen møter me to unge jenter som hamnar

på kvar si side i denne utrulege og skremande delen av

norsk historie.

Me møter den velståande Dorothe frå Købehavn og

den fattige Elen som er dotter til ei " klok kone " i Finnmark.

Dorothe blir gifta bort til ein dobbelt så gamal mann.

Han er fut og dei reiser til Vardø der 

oppgåva hans er å finne heksene og straffe dei.

Dorothe og Elen sine liv blir knytt saman på dramatisk vis.

Boka er spennande og vanskeleg å legge frå seg.

Den " sat " i tankane mine lenge.
 

 Eg anbefaler alle tre bøkene til Aina Basso.

Ho skriv nydeleg !

Vakkert og truverdig !
 

Aina Basso har eigen blogg som du finn

HER 

Du finn at ho har fått mange gode omtalar.

Den siste boka blei nominert til Brageprisen og 

Kulturdepartementets litteraturpris.

 Takk for at du las innlegget.

Eg vonar at du blei nyfiken og fekk lyst 

til å lese bøkene.

Anne-Mari