onsdag 6. februar 2013

" Ostepanne "

Ein rett som
 er enkel å lage og smakar godt.
I vår familie har me laga "ostepanne" i mange tiår.
Fort gjort å lage når me får besøk.
Men, oftast til oss sjølve som kveldsmat.
Eller som middagserstatning ein dag det er travelt, då
har eg i meir grønsaker og  evt restar av poteter.
Små og store likar det.
Viss eg spør borneborna om kva
me skal lage får eg gjerne "ostepanne" som svar. 

Denne kvelden var me mange så her er tilfong til ein stor porsjon.

Til 3-4 porsjonar må du ha
4 egg tilsett 1/2 ts salt og 4 ss vatn eller mjølk
250 gr reven ost
1 boks bogskinke, eller anna skinke, pølse ...
2-3 ss snitta purreløk
2 ss smør til steiking

Visp egg, salt, vatn lett saman.
Når smøret i panna er gyllent har du eggeblandinga i
panna og strør osten, skinka og purren over.
Legg lokk på panna og la det stå i 
5-6 min over svak varme.
 
 Eg gløymde å ta bilde ved servering så
dette er restane til frukost neste morgen 
(den er meir "fluffy" når den er nylaga).


Eg vonar du har ein fin dag der ute :)

Her er litt snø, og eg gler meg over at sola er koma så høgt at eg 
får den inn i stova.

Slik var utsikta mi klokka ti.

Anne-Mari  

mandag 4. februar 2013

Kald årstid

er utfordringa frå Helene
til   
Mandagstema # 74


Ei viktig oppgåve,
vinter som sommar :)


Sjå fleire bidrag 



Eg ynskjer deg ei god ny veke !

Anne-Mari 

søndag 3. februar 2013

" Vann til elefantene "


Ei fengande bok som var vanskeleg å legge frå seg.
" Vann til elefantene " er ei spennande historie med
livet i eit sirkus som bakteppe.
23 år gamle Jacob Jankowski er klar for eksamen i veterinærstudia
då foreldra brått døyr i ei ulykke.
Pengelens i USA si depresjonstid kjem han tilfeldig
inn i Benzini-brødrene sitt berykta sirkus.
Ei ny verd opnar seg for han.
Ei verd der den festlege fasaden skjuler
fattigdom, nød og ulykke.
Ei verd der Jacob får møte Marlena, ei av stjernene som
han blir forelska i, og Rosie, ein elefant som ikkje 
let seg trene.
 Kjærleikshistoria er grei nok,
men skildringa av
sirkuset, personane og dyra er
fantastisk.
Både forfattar og omsettar har gjort eit
framifrå arbeid med å finne ut
av livet i sirkus på 1920-30 talet.

 
Eg ynskjer deg ein god søndag !

Anne-Mari





lørdag 2. februar 2013

Kyndelsmesse 2. februar

Eit uttrykk eg hugsar frå min barndom var at
" Kjøndelsmess-Knut jaga jula ut"
Kyndelsmesse er 2. februar.
 Den starta i gamal romersk tid. Der dei gjekk i fakkeltog til minne om gudinna Ceres som leitte etter dotra Proserpina som Hades røva. År 500 overtok kyrkja skikken og i år 690 bestemte paven at på denne dag skal ein velsigne alle lys som skal brukast i dette året. 
Så i mellomalderen blir feiringa 
 kobla mot denne feiringa. 
 I mellomalderen var den ein viktig merkedag.
 Oppheva som heilagdag i Noreg frå 1771
På primstaven vår er den markert 
med eit tre.
Du ser det innringa med blått.
 
På denne tida kunne det vere hardt ver,
Kyndelsmess-rykkjen (knuten) Kyndelsmess-knuten.
Her kjem nok samanblandinga med Knut på Tjuandedag 13. januar.
Det var ulik tolking forskjellege stadar i landet,
og på Sunnmøre sa dei at dette var slutten
på julehøgtida.
I Beiarn kalla dei dagen "kjerringjuledagen"
Det kan også vere slik 
Kyndelsmess-Knut jaga jula ut kjem i frå ?
Det står mykje spennande om Kyndelsmesse på internett.
Dette er berre litt av det. 

Eg vil anbefale deg å lese innlegget om Kyndelsmesse
som eg skreiv i fjor. 
Der er også omtale av fleire merkedagar i februar
på primstaven.

Klikk HER

Der er blant anna eit bilde frå same dag i fjor,
der snøklokkene spirer.
I år er det ingen slike teikn.
Det har vore ein kald vinter utan snø heilt til 
for eit par dagar sidan.
No snør det.

Eg er rørt og takksam over alle fine 
tilbakemeldingane på det forrige innlegget.
Det gir meg stor glede.
Tusen takk !

God helg !

Anne-Mari

 

onsdag 30. januar 2013

Eit godt minne

Birgitta gir oss ei ny utfordring kvar onsdag.
I dag er temaet:

" OFÖRGLÖMLIGT "

Mitt bidrag er eit bilde frå 2004 av far min
med eit av oldeborna (vårt barnebarn).
Det er tatt anten før eller etter draging av sildegarn.
Far min var glad i all slags fisk og åt det gjerne
til frukost, middag og kveldsmat....
Me snakka ofte om at viss fisk er livgivande
skulle han leve til han vart hundre år.
Men slik gjekk det ikkje,
arbeidsmiljøpåverknadar frå  yrkeslivet 
vart hans bane.
Asbest.

Ei fin stund som sit i minnet.
Uforgløymeleg.


Fleire uforgløymelege bilde finn du
I Onsdagstema # 146 



Eg vonar at du har ein fin onsdag !

Anne-Mari

Ps. sjå også fine bilde her:
Himmelsk # 122 hos Petunia 
   

mandag 28. januar 2013

Røyskatt, godt likt ?


Innlegget som har hatt absolutt mest besøk her på bloggen er


Det er eit år sidan eg skreiv det.
Dette innlegget har hatt over tre gongar så mange
besøk som neste på lista.
Eg har ofte lurt på kvifor nokon er innom der
nesten kvar dag.
Men det får eg nok ikkje svar på.

Me har sett spor etter røyskatt denne vinteren òg,
men ikkje sett den.
Andre dyrespor rundt hytta er av rev og mår.
Eg lit på at hytta er tett,
for slike gjestar kan gjere stor skade viss 
dei kjem seg inn.

Hendinga med røyskatten var ei fin oppleving.
Eg såg den vesle karen frå kjøkenglaset.
Mannen min og eg lista oss ut i garasjen.
Først såg me ingen ting, men så..

Her låg han, under loket, spekulerte nok fælt på kven
 som kom og forstyrra han.
Etter kvart hoppa han ned og sprang ut.
Men det var ikkje lenge før han kom igjen
sjøl om me sto der.
Nysgjerring !
 
Og søt  :)
Eg har nok lært litt meir om korleis eg kan redigere bilde på dette året.
Difor kan eg no vise røyskatten betre.
Eg vil ynskje velkomen dei nye fylgjarane på bloggen.
Takk til ALLE for kjekke besøk. 
Anne-Mari
 


lørdag 26. januar 2013

God helg !


Desse små liljene i påskefarge
gir von om vår og
lysare tider.


☼   


" Å vente på en glede er også en glede. "
 Gotthold Ephraim Lessing


Til alle som stikk innom ynskjer eg
GOD HELG !

Anne-Mari