torsdag 20. desember 2012

Himmelsk # 116

Mitt himmelske bidrag
er frå Hareid med utsikt
mot Sunnmørsalpar

Mannen min er i frå dette området
og meinar her er vakraste stad på jord :)

Sjå fleire himmelske bilder hos


Ynskjer god siste torsdag før jul :)
Klem frå Anne-Mari

tirsdag 18. desember 2012

Juletre

Må vedgå at eg etterkvart har fått eit 
nokså motstridande forhold til juletre.
Med kroniske allergiproblem vart det
etter mange år med 
trasige symptom kvar jul,
 kjøpt juletre i plast her i heimen.
Har aldri likt det, men 
det er eit alternativ.
For to år sidan skulle me feire jul
i den nye hytta vår på fjellet.
Eg hadde sett  ut eit fint grantre i tomtegrensa.
Det skulle me ha til juletre !
Einkvan ymta litt fram på om allergi, men eg avviste 
det blankt.
 (fortrenging)
Det går ikkje an å ha plasttre på hytta !
Aldri i livet !
Jaja, mannen min saga ned treet og sette det i stova.
Det kan òg seiast at 
svigerdotter Renathe ville ha eit stooort tre,
lite skulle kuttast av.
Svigerfaren stakkar, fekk nesten ikkje 
 stjerna på toppen fordi den tok i taket,
treet bøygde seg faktisk litt unna ;)
Men åh, kor fint med
levande juletre ♥ 



Neste morgen kom med snue og hoste,
sikkert det kalde soveromet som har skulda (sa mannen min)  ...
Dagane gjekk, farmor vart meir og meir " forkjølt " !
tett i nasen, tung i pusten...
Etter nokre dagar seier Renathe, " kan det vere
juletreet  som gjer deg så tett .. ? "
Nja, eg måtte berre vedgå at det antakeleg var
der årsaka låg.
Kva eg reagerer på i levande tre er ikkje godt 
å seie, pollen, mugg, dei 20 000 levande ørsmå krypa
som er i eit tre ?... ikkje veit eg.
 Men nyåret starta med
bihulebetennelse og lungebetennelse !


Neste jul (i fjor) var det ikkje spørsmål.
Eg måtte " bite i det sure eplet "
Plastjuletre skulle i hus,
også på hytta.
Eg gjekk med på det, men å finne eit
plasttre som passar og ser naturleg ut ?? 
Nei.
  "alle" sa me hadde kjøpt eit fint tre,
men eg  
LIKAR DET IKKJE !!

No tenkjer eg at
når ein først skal ha eit Uekte juletre ,
 kan ein kanskje variere litt. 
Satse på ny type
juletre
i år ?


Trur ikkje det...

Tja, 
ekte trefjøler iallfall...
(dei to siste bilda tok eg i eit kjøpesenter i Kiel )

Er du einig ?
Ekte, levande juletre er finast.

Juletreet i plast er på veg ned frå loftet,
det må vel tørkast støv av..
og med pynt som born, borneborn
og tanteborn har laga
blir det fint.

Takk til alle som vitjar bloggen min !
Eg ynskjer dokke gode
 førjulsdagar.

Klem frå Anne-Mari


søndag 16. desember 2012

3. søndag i advent

Nesten vår i lufta i dag,
8 plussgrader !
Det er vel det som er sjarmen med å bu på 
Sunnmøre
Her er ikkje kjedeleg med berre ein sort ver i lange tider ;)
Inne er det koseleg når mørkeret 
legg seg over landskapet ute

 Tre lys er tende i 
 adventsstaken
( ja, eg har to )

Ved inngongsdøra kan eg  trygt "tenne lys"
Batterilys er geniale i så måte

 Lerkegreina har fått plass i trappa,
med fine hekla koppeunderlag eg fekk av 
ei tante for mange år sidan

Eg ynskjer god ny veke til deg der ute !

Klem frå Anne-Mari

lørdag 15. desember 2012

Frostrøyk

Det har vore fine og kalde dagar
denne veka.
Den 12.12.12 
var det tid for tur til Ålesund. 
Ferjekaia på Hareid
var første stopp

Frostrøyk utfor hamna

Den vakre utsikta gjorde
ventetida kort

Kjensla av noko trolsk når ferja kjem
ut av frostrøyken

Bilar og mennesker kjem og fær,
det pulserande livet.

Eg ynskjer god helg til alle som stikk innom !

Anne-Mari
 

fredag 14. desember 2012

Alternativ julegåve



I førjulstida opplever eg
at det er vanskeleg å finne på
julegåver til familie og venner.
Dei fleste har alt dei treng og har lyst på frå før. 
Det blir sjølsagt kjøpt eitkvart.
Men siste åra har me i tillegg gitt
 alternativer gåver til sønene våre.
Har støtta forskjellege organisasjonar,
men siste tre åra har me kjøpt gåvebrev 
som gir skulegong til fattige og 
foreldrelause born i Zimbabwe.


TAWANDA 

er ein organisasjon som starta etter at to
anestesisjukepleiarar ved Ålesund sjukehus
reiste til eit sjukehus i Simbabwe
og jobba der i 2002
Dei reiser dit kvart år
og pengane dei får inn 
går uavkorta til 

Howard hospital
og
Skuleprosjektet


Eg gir fast bidrag kvar måned til Tawanda,
og før jul sender dei e-post til
sin faste givarar
der minner om at ein
kan kjøpe gåvebrev:

"
Kan du tenke deg å gi en alternativ julegave?
Din gave til en spesiell person kan også få 
stor betydning for et annet menneske.
Vi har en god idé der du gir et gavebrev som gir 
 skolegang til fattige og foreldreløse barn i Zimbabwe.
 Gavebrev Barneskole: 6mnd. kr.150, 12mnd. kr.300. 
GavebrevVideregående skole: 6mnd. kr.500, 12mnd. kr.1000.

Dersom dette kan være en idè for deg, og du vil gi bort et gavebrev,
ta kontakt med: 

May Wartdal, tlf. 975 11 003. Email: mbwartdal@yahoo.no
Inger Rusten, tlf. 928 59 994. Email: inrusten@mimer.no
For mer informasjon om vårt arbeid for skolegang til foreldreløse barn i Zimbabwe se
Hilsen styret i TAWANDA
"

Det monnar så lite, men eg kjenner at 
det er fint å kunne bidra litt 
av overfloda.
Klikk på linkane over og sjå om det kan
vere interessant for deg.
Kanskje har du andre alternative idèar du vil dele.
Helsing Anne-Mari

torsdag 13. desember 2012

Himmelsk i desember

Petunia 
har utfordringa
Himmelsk # 115
i dag
 I det høve viser eg 
utsikta frå kjøkenglaset
igjen
 Slik var himmelen sist helg.
Fargane skiftar stadig,
det er berre å nyte.

Sjå fleire himmelske bilder
HER 


tirsdag 11. desember 2012

Tørre kaker

Eg hadde igrunnen ikkje tenkt å bake
tørre kaker til jul i år.
Kasta det som var i boksane frå i fjor
då det nærma seg sommar.
Men så blir ein litt påverka då...
Og så kom eg på at Havreflarn, det syns dei var godt, 
både borna og dei vaksne.

 " Grovkveitekjeksa " til svigermor har
eg alltid likt.
Med ost, same kva sort, er dei himmelsk gode,
smeltar på tunga.
I fjor baka eg dei ilag med henne for å få 
vege ingrediensane og skrive
dei ned.
Ho brukar ikkje oppskrifter, har
" det i hendå "
I år baka eg dei åleine. 
Svigerforeldra skal få ei boks,
vonar dei blir nøgde med
dei :) 

Eg trur ikkje det blir fleire tørre sortar i år,
men ein skal aldri seie aldri.....
(lure på om eg skal finne ei oppskrift på
småkaker med hakka sjokolade i...
kjekt å ha til borneborna..hm.. )

Takk for at du besøker meg i desse 
travle førjulstider :)
Eg set stor pris på kvar og ein av dykk !

Klem frå Anne-Mari