Ut på tur ..2

Refviksanden i Vågsøy var neste mål for turen denne laurdagen.

Svigerdøtra frå Lofoten ville sjå om denne stranda kan måle seg med

hauklandstranda på heimstaden

Ho vart nok  imponert då ho såg denne

Dette bildet er lånt frå nettet.

Her kunne ho og borna drøyme om sol, varme

og bading ☼

Refviksanden er 1,5 km lang og kåra til

ei av Noregs finaste badestrender.

Refvika er ein flott og verhard plass.

Ser ein utover bygda er der ikkje eit einaste hus

som har vindauge på den søre veggen. I staden har dei

ein heildekt betongvegg

som skal hindre at vatn og vind skal trenge inn i husa.

Med sørvest sterk storm kan det vere livsfarleg å

ferdast ute. 

Me lever i eit spennande land !

 

Ut på tur..1

Kannesteinen i ytre Nordfjord var eit av måla

denne laurdagen

 ein spesiell stettforma stein som står i fjøra i bygda Oppedal i

Vågsøy kommune

Kannesteinen har vorte forma av lause steinar og bølgjedraget

gjennom tusener av år.

Steinane har rugga fram og tilbake og vorte tilslipne medan dei 

har greve seg nedover i fjellet.

Etter kvart som nye steinar har kome til har sidene av grytene

vorte slipt bort, og berre 

midtpartiet står att i dag.

Steinen er om lag 4-5 meter høg.

 Eldstesonen og barnebarnet

Mannen min såg det trolske

 Samtale ..

Auget som ser....

Hm..

Spennande !

------------

Eg takkar hjerteleg for alle dei gode kommentarane

til forrige innlegg !

Klem frå Anne-Mari

Brødfjøla

Eg har skrive om svigerforeldra mine

tidlegare her

Dei har levd ilag lenge

og flytta inn i eige hus i 1950.

I det høve laga Hans ei brødfjøl til Judith

 Bokstavane hennar JK er skore inn på eine sida.

Han hadde sot i skuren for at det skulle vise betre.

Dagleg bruk i 62 år gjer at skjeresida er slik idag  ♥

Fleire hundre tusen brødskiver er skorne

på fjøla !

Svigermor er ein kløppar til å bake brød,
ingen over - ingen ved sida !

Ein kan undre seg over kva fjøla har sett og høyrt gjennom alle år.. 
når borna var små og sprang ut og inn,
når dei fekk kjærestar og brødskiver med heimelaga mòr var nattmat,
hugsar det godt ♥
No er dei to mykje åleine i kvarandre sitt selskap.
Interessa for det som skjer i samfunnet er framleis sterk,
svigermor seier at dei har alltid ting å snakke om !

God laurdag ynskjer eg alle som kjem innom !

Helsing Anne-Mari






 

Gåve i posten ☼

Hipp hurra !

Jammen er eg heldig,

Eg vann Gi bort gåve hos

steinkjerringa

som feira at ho har blogga sidan 2008 og skreve over

500 innlegg !!

Ein spennande blogg som eg les med stor interesse. 

Ho er fantastisk flink med alt slags handarbeid :)

 Tusen tusen takk for dei flotte gåvene :)

Adresselappen skal takast i bruk  på kofferten når eg 

snart skal ut og reise :) 

Konvoluttveska skal også bli med.

Fingerpinnane og godisen brukar eg  heime ;)

Nyttar høvet til å vise fram Ranunklen, slik 

den står idag ♥

Ei sterk og robust plante som likar seg

sjøl om det har regna, snøa og vore kaldt.

Eg ynskjer fin dag til alle som stikk innom !

Klem frå Anne-Mari

Brennsnut

Trur eg trygt kan seie at dette er ein av

favorittmiddagane mine.

 Brennsnut kokt på fenalårbein (med litt kjøt på),

mòr og pølser frå Brudevoll.

Eg gjer det enkelt og brukar ferdigkutta

poteter/grønsaker

Det kostar kr 13,90 pr. kg !

og eg sparer meg mykje arbeid med skrelling og kutting.

 Lagar som oftast ei stor panne og

deler med glede ut porsjonar til fleire som set pris på den :)

Mmmm, et til eg nesten sprekk :) 

Tusen takk for alle gode kommentarane frå dokke !

Velkomne til nye fylgjarar !

Ved døra

Roa, hytta vår har fått sauebjøller

utfor døra.

Kjøpt på loppemarknad for 5 kr !

Kjem nok til å høyre når gjestar er i anmarsj.

 Far min samla krokar i naturen,

svigerfar har laga skiltet.

 I ein ofseleg snøkave i sentrum i dag,

kjøpte eg stemorsblomster.

Dei er ikkje så nøye med kulden så

eg regnar med dei greier seg.

God laurdagskveld der ute !

Gardiner

I dag var det klart for opphenging

av gardinene i stova etter oppussinga.

Hengde opp att dei eg hadde.

Eg har ikkje vaska dei !

Er så takksam og einige med 

ein klok seljar eg møtte ein gong.

Eg spurde om gardinene kunne vaskast og om dei krympa

Han svara: kvifor drive å vaske gardiner, 

vaskar du møblane ?

Risting og lufting held lenge :)

  Liftgardiner på dei andre vindauga.

 Gardinene er i lin og sydde hos 

http:lailatekstil

Eg likar dei godt, dei er tidlause og

passar til det meste.

Og dei ser ikkje skitne ut !!

 Fin kveld til alle som stikk innom.