Sommardag på Primstaven

I dag 14 april er symbolet på

Primstaven 

eit lauvtre som skal symbolisere

første sommardagen.

Inngangen på sommarhalvåret.

Primstaven var brukt som ei almanakk,
den er evigvarande,

 har ein strek for kvar dag uavhengig av 

om det er kvardag eller helgedag.

Heilagdagar- og enkelte natur- og landbruksmerkedagar

er markerte med symbol.

Svigerfar har laga primstaven. 
Den er i tre, og har to sider,
 ei vinterside som gjeld frå 14. oktober til 13. april.
Og ei sommarside frå 14. april til 13. oktober.

Sommardagen var
I mange bygder i Sør-Noreg rekna som
halvhelg. Nokre stadar var det arbeidsforbod den dagen.

Det var faredag eller flyttedag for tenestefolk på
Sommardag.
14. oktober var neste flyttedag.

Eg har snakka med folk som hugsa dette,

og dei synest det var ei grei ordning.

Då fekk dei skifte arbeidsgjevar.

Det er eindel spådomar når det gjeld veret.
Er det frost den dagen vil det bli uår.
Snøar det, vil det bli 9 snødagar til før
sommaren kjem.
Og er det varmt på Sommardagen vil det
bli ein varm sommar.

Her hos oss har det vore vekslande regnbyger og

solgløtt i dag, så eg vel å tru at

det skal bli ein fin

sommar :)

Naturen arbeidar med sitt og

viser fram fine veksta.

Plommetreet som seinare vil få

knøttsmå frukt.

Kvitveisa 

som dukka litt unna regnet i dag.

Eg har skrive om Sommardagen før:

2012, 2013 og 2014

Godt sommarhalvår !!