lørdag 28. april 2018

" Flashback "


Eit skikkeleg flashback, raskt tilbakeblikk, trefte meg ved 
frukostbordet då eg las lokalavisa.
Eg las om kvinna som hadde hatt 
mykje feber og vore svært sjuk,
men som ikkje ville vere lat og gi seg over.
Ho er heldigvis betre no, men det er inga sjølvfylgje.

Eg er nøydd til å skrive ned tankane eg har gått med 
heile formiddagen
 for å få dei ut av hovudet..
I 2005 fekk eg ein akutt og livstruande sjukdom,
medan eg var på jobb og underviste i klasseromet.
Cerebral vaskulitt 
som enkelt sagt er ein betennelsestilstand
i veggen av blodårane i hjerna.
Eg skal ikkje seie så mykje om denne tilstanden,
men at eg var svært sjuk
og låg på sjukehus i 7 veker.
(etterverknadane etter sjukdomen skal eg ikkje ta med
i denne omgong.)
På slutten av året var eg såpass bra at eg kunne
ta oppatt trimturar og prøve å leve normalt.
2. nyttårsdag 2006 hadde eg hjelpt far min å rydde i eit
iskaldt rom i kjellaren før eg om kvelden gjekk 
tur med turvenninna mi.
Heimkomen vart eg litt frostig, men la ikkje så mykje
vekt på det.
Då mannen min kom frå songøving låg eg på sofaen
og fraus under pleddet, eg var
langt frå bra, men tenkte at det ville kome seg når eg
kom meg i senga.
Heile natta fraus og skalv eg, frostriene var fæle,
mannen min heldt rundt meg for å lindre skjelvingane.
Eg målte ikkje temperaturen for å sjå om eg hadde feber,
i ettertid svært skremande at sjukepleiaren sjølv ikkje hadde meir
innsikt...
Om morgonen forsto me at eg måtte til lege,
men eg måtte dusje først...
Eg var nok ikkje heilt klar då eg kom til legekontoret,
ei av mine tidlegare elevar som er legesekretær
tok meg inn på ein benk på ei skiftestove og begynte å måle blodtrykket.
I døsen såg eg at ho vart redd og sprang etter hjelp,
eg hadde nesten ikkje blodtrykk....
Alarmen gjekk og det vart full fart til sjukehus,
diagnose: SEPSIS 
eller blodforgiftning i daglegtale.
Eg fekk god behandlling på intensiv avdeling,
fleire av kroppsfunksjonane var 
i ferd med å bryte saman,
det sto om livet.

To gongar i løpet av eitt år hadde eg overlevd.

I ettertid er eg svært takksam for all hjelpa eg fekk
ved begge sjukdomane.

Eg må vedgå at antennene mine er meir mottakelege
for signal om fare ved mykje feber etter det eg opplevde.
Eg har hatt lungebetennelse nokre gongar sidan og 
har vore snar til lege når feberen har blitt høg.

Det eg vil med dette innlegget er at 
folk må ta på alvor når 
det er høg feber med frostanfall,
og nedsett allmenntilstand.
Mange døyr kvart år av Sepsis.

Det er eigentleg dumt å seie at,
" nei, eg går ikkje til doktor eg veit du" 









10 kommentarer:

  1. Heller en gang for mye enn en gang for lite.
    Glad du ikke ble borte fra oss.
    Klem ❤

    SvarSlett
  2. Så fint å lese, og så godt at det gikk bra med deg.. Huffameg.. Vi vet heldigvis ikke hva som skjer, så derfor er det ekstra viktig å nyte disse hverdagene som kommer og går. Klem og riktig god helg til deg.

    SvarSlett
  3. Dette var sterke saker en søndag morgen. Skremmende, rett og slett.Har lest mellom linjene at du har hatt noen sykdomsrunder, men du er tøff og gir deg ikke. Det er bra!Og så er det godt å ha folk rundt seg når det kniper. Vi er ikke så profesjonelle når det gjelder oss selv vanligvis.

    En kjølig morgen her, så nå lurer jeg på om jeg skal legge i ovnen før frokost.
    Riktig god søndag til deg og dine!

    Klem fra Ingunn

    SvarSlett
  4. Skremmende ja. Godt det gikk bra med deg. Vi må nok alle bli flinkere til å høre på kroppen vår. Ha en fin søndag.

    SvarSlett
  5. Ja, det er viktig å være takknemlig over livet , og ikke ta det som en selvfølge. Ofte ikke så lett å være profesjonell i eget liv, men en tlf. til legevakta er ikke dumt :-)
    Ha en fin dag/Eirin

    SvarSlett
  6. Så grusom oppleving! Lukka er at det gjekk godt! 🌹

    SvarSlett
  7. Kjære deg🌹 Viktig å vere på vakt når kroppen gir signal. Takk for påminning og for at du deler. Du har gått gjennom mykje. Ønskjer deg gode dagar framover ❤

    SvarSlett
  8. Jeg er nok også en slik som mye heller går til tannlegen enn til legen. Det koster meg dyrt å ta telefonen til legekontoret. Så fint at du deler dette og det er bra med en påminnelse og tankevekker for oss alle.

    Beste hilsen Ingrid på https://ingridtunheim.no

    SvarSlett
  9. Ja, det er veldig viktig...
    Den forsiktige håndteringen av oss og
    alt rundt oss.
    God våren ønskes deg fra Viola

    SvarSlett
  10. Så flott at det gjekk bra, og tusen takk for at du deler. Dette var tankevekkande. Alt godt til deg og mannen. God klem fra «gamlenaboen» :-) May-Helen

    SvarSlett

Eg set stor pris på at du legg igjen ein kommentar :-)