Den gamle postvegen

mellom Bergen og Trondheim går gjennom dalen
der me har hytte, over Brekka og ned til Bjørkedalen.
Vegen er freda og godt halden ved like.
Spennande grusveg med små uoversiktlege bakketoppar
svingar og bakkar.
Den kortar litt på vegen så me køyrer den av og til
i sommarhalvåret.
Men mest blir den brukt som friluftsområde og utgongspunkt
til fleire fiskevatn omkring.
Om vinteren er den flott preparert langrennsløype.

26 mil frå Bergen

Langs med vegen ligg gamle setervollar. 

I dag har eg køyrt over Brekka.

Kanskje siste turen i år, snøen kryp nedetter fjella.

Brua i haustskrud

Ser du føre deg den vesle bakketoppen midt på bildet ?
Du ser absolutt ingenting av vegen når du kjem oppå,
held pusten og "listar" deg over...
Vegen var nok bygd for hest og kjerre og ikkje
for dagens transportmiddel.
Så fin grusveg er sjeldan å finne.
Her kan ein sette frå seg bilen og
gå fort eller jogge ein tur om ein vil.
Eg ser meg aldri mett på dei vakre fargane.

Takk for at du fylgde meg over Brekka :)

(bilda er tekne med iPaden og kvaliteten er deretter)

God onsdagskveld !

Klem frå Anne-Mari



- Posted using BlogPress from my iPad

Sol ute, baking inne

Eg er nok litt snål for i dag når endeleg

sola skein ute vart eg inspirert til

matlaging inne.

 Fekk nokre epler av ei dame.

Desse måtte eg gjere noko med.

 Laga eplepai.

  Oppå ligg smør som gir ei

sprø overflate når den er steikt, 

NYDELEG !

Oppskrifta har eg funne hos

Lisje Astrid

Brødskuffa var tom, og

mange munnar skal mettast no i haustferien.

Ein og ein halv pose

ferdigblanda mjøl til Grovbrød

er nok til to store brød.

Kjekt å ha ei svigerdotter som tok

seg av pizzabakinga.

Ferdig steikt

 

Paien smakar godt med vaniljeis eller

kremfløyte.

Namm..  ♥

No skal det seiast at to pizza var i overkant mykje

så det blir nok til lunsj i morgå.

Det vart tid til å nyte sola ute 

innimellom bakinga.

Dagen har vore god :)

Klem frå Anne-Mari

 

Haust i marka

Ein liten tur i marka gir mange fine inntrykk.

Sjøl etter mykje regnver gir naturen

det beste av seg sjøl 

Soppen likar å ha det vått, 

ikkje rart den er fin no...

 Blåbær

Tytebær

Surgras

 Blokkebær

I dag er det nysnø langt ned i fjella rundt hytta.

Det er tid for å leite fram varme klede 

og gjere oss klar for vinter.

Men det er vel borneborna som

ventar sterkast på

vinter og snø..

  

Kirkenes 2

Under opphaldet i Kirkenes var me på ein busstur

i nærområdet rundt byen.

Fyrste stopp var

Grenselandmuseet Sør-Varanger

Blant mykje anna var det artig å sjå desse

gjenstandane, reklameplakatar og gamle ukeblad.

Det er dårleg bildekvalitetet, men eg vonar 

dokke får eit lite inntrykk.

Eg ynskjer dykk alle ei god ny veke, 

for mange ei etterlengta haustferie.

Klem frå Anne-Mari

Meir om saueskinn

Saueskinna som eg skreiv om tidlegare
her
var full klaff.
Varmen strøymer gjennom kroppen når me sit på dei.
Lukke :)


Opplysningar om cedertremøblane finn du
HER


Men kanskje treng eg saueskinnet på senga, for å varme føtene ?
Likar å ha det iskaldt på soveromet, men har lært at
er eg kald på beina er det vanskeleg å få sove.


Meir frå hyttesoveromet...
Me har hengt opp ei stor klokke, kjøpt hos
Pur Glede i Måløy.
Klokka er så stor at eg slepp å leite etter brillene
for å sjå kva den viser når eg ligg vaken om natta ;)


Veggane i hytta er behandla med olje frå
Petters Møbler
Me likar godt den lune varme fargen.


Eg ynskjer nye fylgjarar hjarteleg velkomne !
Tusen takk for alle koselege kommentarane
og besøka på bloggen.
Det har runda 24000 treff !
Eg må vedgå at eg er audmjuk og glad :)

Ynskjer alle ein strålande haustdag !

Klem frå Anne-Mari

- Posted using BlogPress from my iPad

Onsdagstema # 129

 " Ljusinnsläpp "
er ufordringa denne onsdagen.

Dei nybaka rundstykka vart helsa med
solstrålar.


sjå fleire bilder her
Onsdagstema

(Jippi, eg fekk til å legge inn link :)

- Posted using BlogPress from my iPad

Azalea

Denne azaleaen kjøpte eg i november 2005,
Då hadde den stamme og ein krans av blad og blomster på toppen.


Etter første avblomstringa visna den ikkje slik som andre
azalear hadde gjort så eg
sette den i badekaret på våte aviser når me for
på ferie i tre veker den sommaren.
Vel heimattkoma oppdaga eg at planta var full av knoppar.
Den blomstra heile hausten.


Etter som åra har gått har fasongen og utsjånaden endra seg,
ikkje ulikt andre levande vesen...,
men blomstrar gjer den, mesteparten av året.
Oppskrifta ?
Eg vatnar den grundig i vasken ca ein gong i veka, eller når
den heng og ser visna ut.
Lei av den ?
Ja, men eg har ikkje hjerte til å kaste den.


Grøne fingrar ?
Nei, ikkje vanlegvis, men eg har nokre planter som
har levd lenge.
Viste rosekaktusen min i eit innlegg tidlegare.
Får ikkje til å legge inn link med iPaden, men om du vil kan du
finne innlegget under juni.

ps. Har nokon tips til meg korleis eg kan legge til linkar i innlegg, så tek
eg imot med takk.
Gler meg til eg får att PCen.....


- Posted using BlogPress from my iPad